( بسم الله الرحمن الرحيم )
البارت الاول :
في يوم كان جدا صعب على ابو عمر في الشركه ، كانت في كثير اتصالات و ايميلات توصله بخصوص شغله ، وما هو عارف كيف يتصرف او كيف يتخذ القرار اللي كان بالنسبه له قرار مصيري ، طلع من الشركه و جلس في زاويه بعيده عن البيت و الشركه و كل شي ممكن يشغل تفكيره ، اخذ له نفس عميق و هو يفكر تفكير طويل عن الامور اللي تحصل حوله و كيف ممكن يفاتح عياله بهالخبر اللي يعتبر محزن لهم نوعا ما . بعد ساعتين من التفكير و اتخاذ القرار رد ابو عمر على الاتصالات واكد لهم موافقته على القرار و انه يحتاج فقط اسبوع عشان يجهز نفسه و اهله . رجع للبيت وهو شايل هم كيف يفاتح عياله بالموضوع ع لانه يدري انه راح يصدمهم كثير .
ابو عمر : السلام عليكم ياهل البيت
، شاف البيت هادئ وما حد رد عليه نادي عليهم عشان يجوه
ابو عمر بصوت عالي وهو متردد : يا جميله وينك فيه ؟ تعالي و ناديلي العيال ابيكم شوي بموضوع مهم
جميله وهي في المطبخ و تسمع صراخ ابو عمر : جايتك جايتك بس خليني اسكر النار ع الاكل و انادي العيال شكلهم نايمين مو اليوم الخميس الكل راجع تعبان
راحت جميل فوق بسرعه ودخلت غرف واحد واحد من عيالها
دخلت بالاول لغرفة عمر و عماد و طلت من الباب شافت عمر يصلي ، وعماد في سابع نومه .
جميله بهدوء: عماد ، يا عماد قوم ابوك له ساعه يصارخ وينادي يبيكم الحين
فز عماد من نومه بسرعه خوفا انه ابوه يدري انه للحين نايم و فاتته الصلاه ، ودخل الحمام وانتوا بكرامه ،يخذله شاور سريع ويتوضا ويصلي اللي فاته .
في غرفة إبريز كانت جالسه على الكنب و تتصفح الكتاب اللي قدامها و جنبها على السرير كانت رتيل تسولف لها عن الجامعه و هي معصبه حيل من بنات فصلها ، في نص السوالف دخلت عليهم امهم وهي تصارخ عليهم،
جميله : افا يا قليلات الادب ولا وحده فيكم قالت انزل اساعد امي مسيكينه تعبانه ولا لها حيل ، حسافة تربيتي فيكم
رتيل فزت وبضحك : يووه يمه رجعت من الجامعه وانا مالي حيل حتى اشيل نفسي، بس الحين اساعدج كم جميله عندي انا
إبريز وهي مو منتبه ابدا و كل عقلها في الكتاب اللي بيدها ، طقتها جميله بعلبة المويه بخفه
جميله : ياللي ما تستحين انا اتكلم وانتي طاقتنا بالطوفه
ابريز تنحنحت بسرعه وهي تمسك راسها باستعباط : اووه مامي اسفه والله ما انتبهت انك هنا ، شفيك معصبه عسى ما شر ، ليش ه الوجه العبوس ي حلوه
جميله : يووووه والله نسيتوني اللي جابني الله يهديكم ، ابوكم صارله ساعه ينتظر... ما كملت كلامها والا يصرخ ابو عمر مره ثانيه
أنت تقرأ
لجل عين تكرم بلد
De Todoبعد القرار المصيري اللي اتخذه ابو عمر ، انتقلوا من عمان الى السعوديه والكل ما كان يعرف شنو مصيره ، بعد عدة اسابيع يلتقوا ابطالنا انمار و إبريز و تبدا الاكشنات و الحماس .....
