لجل عين تكرم بلد

بارت ٥

وصلوا للحاره ، قالت ابريز ل انمار انه ماله داعي يتقدم لناحية بيتهم ، بتنزل وبتمشي لبيتهم بروحها ، وقف انمار بالسياره و نزلوا كلهم متوجهين كل واحد لبيته ، وهم يودعون بعد

لجين: ابريز صح ، شرايك تجون اليوم عندنا البيت ، تعالي انتي ورتيل جلسة بنات و حش وتفريغ طاقه

ابريز : طيب راح اخبر امي وارد لك خبر

لجين : خلاص انتظرك هاه لا تسحبين ، وانتي بعد يا اريام قولي لاختك وبنت عمك وتعالوا

اريام : جوي عاد انا تفريغ الطاقه ، اخلص اموري ونجيك

كانت العنود تطالع في انمار شوي وتاكله بعيونها ، وتتدلع و ترمش بعينها لجل تلفت انتباهه ، شافتها ابريز وهي اليوم كلش المزاج يادوبك ، رمقتها بنظره و حست باحساس غريب بقلبها ، وكأن في احد يطالع في شي يخصها ، لفت بعد ما ودعت لجين وهي قلبها مقهوووور من انمار اللي ابدا ما لف وجهه ناحيتها ولا نطق ب ولا كلمه تخصها كانت متوقعه انه ع الاقل بيرفض انها تمشي لبيتهم بس طاوعها ووقف عند بيته وخلاها تمشي للبيت ، طبعا بيتهم مو بعيد على بعد بيتين من بيت بو ماجد

انمار وهو يعجل البنات : يلا يا لجين ادخلوا داخل عن وقفة الشارع

دخلت لجين لبيتهم بعد ما ودعت اريام مو كانهم راح يلتقون بعد شوي ، راحت فوق رتيل وهي تحس انه صارلها زمان ما قعدت مع اختها و سولفوا لبعض

لجين : رتووووووول

رتيل فزت بسرعه وسكرت الستاره : يمه خرعتيني الله يقطع ابليسك

لجين : والله لك وحشه ، صارلها فتره ما قعدنا قعدة خوات

رتيل بضحك : ايه والله عندي كلام كثيييير ودي اقوله ، مخنوقه حكي

لجين : تعالي تعالي اصلا انا ابيك بموضوع

رتيل وهي تمشط شعرها: ها سمي خيتو

لجين : لو اقولك اني بديت اتخطى كل اللي صار و اكون صداقات راح تصدقين؟

لفت عليها رتيل بابتسامه : اماااانه يا لجين ، تتكلمين جد ، تعالي تعالي حكيني شصار

لجين : يووووه يا رتيل ، يا حلاوة شعور التخطي ، اللحظه اللي تتخطى فيها كل الاشخاص و المواقف اللي تعبوك نفسيا واللحظه اللي تسال نفسك فيها ، انا ليه باقي صابر ؟ ثم تكتشف انك صرت تمشي في ايامك براحه عجيبه وحتى روحك تحس انها خفيفه عليك ، وربي يا رتيل صرت اشوف الدنيا بمنظور ثاني تعرفين ؟ ما عاد يهمني لا مازن ولا غيره ، اللي يهمني اللحين هي نفسي و سعادتي و مستقبلي اللي لا مازن ولا غيره لهم الحق انهم يهدموه . كان كل خوفي انه يجي يوم ويفضحني مازن او يقلب الطاوله علي ويخليني انا الغلط وهو الصح ، بس فكرت تفكير عميق خلاني اخذ الموضوع من منحنى ثاني وانه لو مهما صار انا ادري انه ابوي واخواني واثقين فيني وانهم ابدا ما راح يتركوني ويصفون مع مازن اللي الكل يدري فيه و بطيشه . بس والله هذا هو ، انا من اليوم لجين جديده ، لجين اللي ما تهتم غير بنفسها والناس اللي تغليهم .