وانا ياسعود طحت لي بحب مخلوق

البارت الرابع

كانت مو مصدقه ابدا منهاره حيل عكس باقي البنات والعيال الي كانو فرحانين انهم خلصو اختبارات نهائيه...
من بين الوناسه الي كانو فيها العيال والبنات بعد الاختبار جا اتصال حق سعود وراح الحديقه الي ورا البيت بيكلم وتوه بيرفع جواله والا يسمع صوت شهقات قرب شوي وشاف الهنوف جالسه حاطه راسها على رجولها وتبكي بقهر رفعت راسها يوم حست باحد جاي وشافها سعود "كانت الهنوف من النوع الكتوم ماتفضفض لاحد "جلس جنبها سعود ورفع وجهها وقال الهنوف شفيك انفجع من الدموع كان واضح من وجهها لها فتره تبكي قال شفيك ليه تبكين وزاد بكاها قام سعود مسك يدها وقعد قدامها وكانت هاذي اول مره يشوف الهنوف بدون حجاب وواضح وكان اول مره يتجرء ويمسك يدها حتى الهنوف انصدمت وبعد محاولات قالت السالفه لسعود طلعت كلشي بقلبها وهي تبكي بحرقه وقام سعود عدل جلسته وهو منصدم ان نايفه تركت الهنوف عشانها تحبه وقام يطبطب عليها ويواسيها ويقول ماعليك انشاءالله ربي بكرا يعوضك بصديقه احسن منها يمكن ربي بعدها عنك لانها شرر لك لاتبكين ولا تنزلين دموعك الغاليه على وحده رخيصه وقليله ادب وعديمه تربيه زيها لاتنزلين دموعك محد يستاهل ابدا وقال لها كلام واجد وماقام سعود عنها الا يوم خلاها تضحك يوم شافها روقت راح عنها عشان محد يشوفهم وقعدت الهنوف شوي عشان تعدل وجهها وقعدت تتذكر كلام سعود واستغربت من الالفاظ الي قالها جاها فضول تعرف ليه وقامت بعد ماخلصت ادور طريقه تعرف فيها ودخلت داخل والسوالف والضحك يدور بينهم والكل متوتر حق النسب الي بتطلع ف اليل وقام الجد قال سمعوني كلكم اذا نسبكم حلوه وعجبتني بسوي لكم عشاء لنجاحكم وبنفس الوقت ل تخرج الهنوف و أمل استانسو كلهم وقامو ينامون وهم اتفقو يشوفون النتائج كلهم مع بعض المغرب عند ليان طول وقتها تطالع في منصور وهو طالع فيها كانو مايدرون وش تفسير هالنظرات يوم كل واحد راح غرفته دخلت ليان على رقم منصور وكلمته تقول:
السلام منصور كيفك ؟
ورد عليها منصور على طول :اهلين الحمدالله تمام مين ؟
ردت عليه وهي تقول: انا ليان
رد منصور وهو مبتسم :اهليننن ليان كيفك
ردت عليه : الحمدالله تمام بس بسألك سؤال
رد عليها وهو يقول : اسألي
قالت : وش تفسير النظرات الي بينا ؟
قال: تبين اقولك الصدق ؟
قالت: اكيددد!
قال :شوفي الصدق اني احبك من زمان بس خايف اعترف لك وماتتقبلين او ترفضين
قالت : طيب لو اقولك اني حتى انا احبك وابادلك نفس الشعور
قال :من جدك!!
قالت: اي شفيك انصدمت
قال: وليه ماقلتي لي من قبل ؟
قالت: خفت آنك تحب او ماتتقبل وانا يعني اول مره احب
قال : قال ياويلي محد مستانس كثري اليوم ياخي احس ودي اعبر لك عن حبي بس مقدر
رسلت له ضحكه وشوي وصلها اتصاله غطت راسها بالمخده وصرخت بحماس وردت عليها وقامو يسولفون حوالي ساعه كامله وهي المكالمه كلها اعترافات وسوالف وخلصو مكالمه ونامو وهم اسعد ثنين ف البيت
نجي الجهه الثاني عند الهنوف كان الفضول ذابحها ودخلت على رقم سعود وكلمته وهي تقول
السلام سعود
استغرب سعود الرقم ودخل وردّ يقول : وعليكم السلام مين ؟
قالت :انا الهنوف اسفه اذا ازعجتك بس ابي اشكرك على الكلام الي قلته وانك واسيتني كنت محتاجه احد يواسيني مدري كيف اشكرك الصدق بس شكرا شكرا وابي اسألك سؤال
ابتسم سعود ابتسامه وسيعههه وقال بينه وبين نفسه ماتدري ان رسالتها ردت قلبييي
ورد عليها يقول : شدعوا ليه تشكريني ماسويت شي واي وقت تكونين متضايقه انا موجود لاتترددين وش سؤالك ؟
قالت : ليه قلت عن نايفه كذا سوت لك شي هي ؟
قال : تبين الصدق اي
قالت : قالت وش سوت الحقيره ذي !!!!
وقام قالها سعود كلشي سوته يوم جات وقت الاختبارات وانصدمت الهنوف صدمه عمرها ماتوقعت انها توصل فيها تسوي كذا
كتبت : والله انها حقيره واسفه كل ذا الي سوته لك بسببي انا ماكنت ادري عن شي
قال: لا تعتذرين انا الي بتعذر اني فرقت بينك وبين صاحبتك
قالت: ماعليه ياخوي خيره خيره
وانهو المحادثه بقلب
وشوي قرر سعود يفاتحها بالموضوع ويقول لها ماعاد فيه صبر يسكت اكثر
كتب لها :الهنوف عادي اصارحك بشي ؟
ردت الهنوف بعد دقيقه :وش قول
كتب لها شوفي الصدق انا احبك من زمان وخايف اصارحك وترديني يشهد علي ربي يالهنوف اني حبيتك من كل قلبي لاترديني
قعدت الهنوف دقيقه تستوعب كلامه بس قالت له : سعود شوف الصدق انا مافكر بالحب ولا لي فيه شي اسفه
شاف كلامها سعود وفقد الامل وتضايق حيل وقرر ينام يمكن تخف الضيقه ودموعه قاعده تنزل
في الجهه الثانيه في بيت حماد
رجعو من الدوامات وهم منهد حيلهم ومافيهم طاقه بس مستانسين انهم بدو اجازه وخلصو اختبارات رجعو البيت على هواش وصراخ جوري وحصه وكلعاده سلطان يفكك بينهم اخر شي صفق حصه كف على وجهها لانها رفعت صوتها وهو دينه ودين احد يرفع صوته عليه وراحت غرفتها تبكي ولحقوها عيالها بعد ما تغدو وخلصو وسلطان طلع يدور عشان يهدء ويرجع يراضيها وشوي وطلع ابو سلطان برا يسولف معه وشوي ولحقهم نواف وتركي ولاما ودارت بينهم السوالف والضحك شوي استأذن منهم سلطان ودخل راح عند حصه يراضيها دخل عليها الغرفه شافها منسدحه تقدم لها وسحبها وقعدها قدامه وقال زعلانه ؟
قالت بحده ماد يدك علي قدامهم وتسألني زعلانه !!
قام حظنها وتكلم وهو يقول سامحيني ياروح وقلب سلطان ماكان قصدي امد يدي عليك بس كنت مشحون ومعصب وحقك علي بادلته الحظن وقالت معليه فداك ياعيوني وبعدو عن بعض وقالها اجهزي بعد صلاة العشاء بنروح بيت عمي عناد وقامت وهي تتحلطم ومتذمره ماتبي تروح وسلطان يضحك عليها وشوي وطلع يقعد مع عياله ويسولف معهم
المغرب في بيت الجد عناد تجمعو كلهم ف الصاله عشان يطلعون نتايجهم وكان سعود متضايق حيل وماكان حولهم ابد بدو يطلعون نتايجهم وكانت كلها 4 ونص او 5 للجامعيين واخر شي ختموها ب أمل الي قالت نسبتها ٩٩ والهنوف الي صرخت بفرحه وهي ماتوقعت نسبتها كذا وكانت ١٠٠ وقامو كلهم يباركون لهم وطاحت عينها على سعود الي متضايق حيل حزنت على وضعه وهي مالها في سوالف الحُب كانت تحس بمشاعر وحُب بس كانت تكابر ماتحب تعترف فتحت جوالها وكتبت له شفيك متضايق ؟
ابتسم بضيق يوم شاف رسالتها وقال :
اضحك وانا في خاطري احزان
وابتسم وانا فيني مليون ضيقه
كتبت له : اسف سامحني
كتب لها: اه يالهنوف شافت رسالته وحزنت عليه كثير
شوي وجا صالح جلس جنب سعود وقاله شفيه الدنيا زعلان ابتسم سعود وقال امش نطلع برا دقيقه واستأذنو وطلعو وبدء سعود يقول صارحتها وردتني قام صالح يواسيه ويجبر بخاطره وفعلا كان سعود يرتاح حق صالح اذا راح عنده مستحيل يطلع وهو متضايق حضنو بعض ورجعو يدخلون
وشوي وقامو كلهم يجهزون ويكشخون وانتهو وكانو يهبلون وياخذون العقل بكشختهم الهنوف لبست فستان احمر ماسك على جسمها وحطت ميكب خفيف يبرز ملامحها وشعرها المفتوح كان تاخذ العقل وامل فستان ازرق منفوش نفشه خفيفه وميكب خفيف ودلال ونوره التوؤم كانو مطقمين فستان ابيض على الجسم وفيه لؤلؤ و رهف كانت لابسه فستان اسود ودانيا فستان سماوي و رانيا فستان وردي والريم كانت لابسه فستان احمر نفس الهنوف وبعد صلاة العشاء اجتمعو كلهم ال فهد وال ثنيان على العشاء الي مسويه الجد عناد بمناسبه تخرج امل والهنوف ونجاح الباقيه
عند الرجال كانو قاعدين يكشخون ويتجهزون والي مايخلص يروحون يساعدونه وشوي واكتملو كلهم ووصلو اهل حماد ووقفو الاحفاد والجد يستقبلونهم بكل حراره وعند الحريم كذالك وكانو الاولاد عازمين ربعهم
شوي وراحت الريم عند دورة مياه الرجال تعدل نفسها وكانت ماتدري ان فيه احد مانتبهت ل صديق نواف الي هو سلمان الي كان يطالع فيها من بعيد وهو منصدم من جمالها وانتبه لهم صالح الي وقف يطالعهم وهو يحترق من الغيره ومعصب يغار على اهله كثيررر واول ماتقدم سلمان عند الريم انصدمت وصرخت وحاولت تهرب بس ماعرفت لانه واقف قدامه وشوي وتقدم صالح الي عيونه تطلع شرار من العصبيه وصفق صالح كف بكل قوته وطاح فيه ضرب وقام سلمان وراح يركض عند سيارته بدون محد ينتبه له وتقدم صالح عند الريم وصرخ في وجهها ومسك فكها بقوه وشوي ونزلت دموعها وقالت والله مدري والله مانتبهت له وقال بحده وانتي اصلا وش جابك هنا ماردت عليه الريم وراحت تركض وتركته وراها غسل وجهه صالح وطلع وهو ينرسم في باله شكل الريم كانت حلوه حلوه بشكل مو طبيعي وهو مايدري ليه اصلا غار عليها واتجهه لسلمان واخذه في زاويه بعديه عن الانظار وضربه ضرب وانحاش سلمان وطلع من بيت عناد كله وراح صالح وقعد في المجلس وواضح عليه انه معصب جا سعود جلس جنبه وقاله صالح فيك شي
رد عليه صالح :لا
قاله سعود :صالح مو علي فيك شي تكلم
قاله صالح :يرحم امك ان تكلمت بسوي مشكله الحين خلني ساكت
قام سعود وسحب صالح معه وقاله تكلم وقال صالح كلشي شافه وكلشي سواه وقام سعود قال زين ماسويت فيه يستاهل الكلب قام صالح وقال والله ياخوي الغيره عمتني ومديت يدي عليها وانا مالي حق ابي اتعذر بس مادري كيف وقاله سعود كلمها بالجوال قالها تم بس ياخوي مو قادر انسى شكلها كانت تهبل ضحك سعود وقال شكلك طحت بحبها وضحكوا الاثنين ودخلو وفتح جواله صالح ودخل على قروب العايله وطلع رقمها ودخل وكتب لها : السلام الريم كيفك ؟ شوفي بقولك انا اسف اني مديت يدي عليك وانا مالي حق بس مو العصبيه والقهر خفت يسوي فيك شي الواطي ذاك
وشوي وصله ردها وهي تقول : لا معليك وشكرا انك انغذتني منه لولا الله ثم انت كان الحين مدري وش بيسوي فيني الحقير وماشاءالله يدك قويه عورت فكي ههههههههههههههه
قام يضحك صالح وقبل يرد قال سعود اوه اوه تضحك بعد لا شكلك حبيتها قام صالح ورمى غرشة المويه على سعود وطاحو يضحكون ثنينهم ورد عليها يقول : اوه شكلي عورتك والله اسفه
ردت عليه : لا معليك وانهى المحادثه صالح بقلب
وجا العشاء وتعشو ودارت السوالف والضحك وشغلو اغاني وقامو يرقصون البنات وكانو يهبلون كان كلام الحريم كله عنهم وانتهى يوم كان حلو بالنسبه لهم وكل واحد راح على بيته...
(السلام حبايبي البارت حلو وفي اشياء حلوه واشياء تزعل اتمنى يعجبكم ✨✨💖)