وانا ياسعود طحت لي بحب مخلوق

البارت الثاني عشر

وانتشر الخبر في بيت عناد وبيت حماد واتجهو كلهم يتجهزون للمغرب...
المغرب تحديدا في "مجلس الرجال" وصل الشيخ ورحبو فيه الرجال وضيفوه
عند الحريم : كانو قاعدين مستانسين حيل حق الهنوف الا هي كانت شوي مو عاجبها الوضع لانها وافقت عشان ابوها ماينحرج وهي تحس ان تو الناس مو مستعده حق سعود ابدا لاحظتها الريم وطارت عندها على طول
الريم: اوف اوف عروستنا شفيها زعلانه ومو عاجبها شي
الهنوف : اهخ يالريمي مدري كيف وافقت اني املك الحين توني صغيره وسعود مابعد يشتغل كيف كيف احس اني مو مستعده ابداً!!
الريم: معليه ياعيوني سعود باقي له سنتين ويتخرج واكيد بعد مايتخرج بتسوون العرس مستحيل يسوونه الحين
الهنوف بنبره حزن: الله يكتب الي فيه الخير وسكتت
قامت الهنوف وتوجهت للمطبخ تاخذ شغله من هناك وتصادفت مع سعود
سعود: اوف حبيبة قلبي وزوجتي هنا شتسوين
الهنوف: الاحسن انك تطلع مو مروقه لك!
سعود بحده : وش ذا الاسلوب شفيكك!!
الهنوف بطفش: خلاص مافيني شي ياه
سعود تكلم بحده وهو ياخذ الدلال وبيطلع : عدلي اسلوبك
قبل دقايق في مجلس الرجال
الجد: ياسعود قوم جب القهوه للرجال ابطيت عليهم
سعود : من عيوني وقام توجه للمطبخ عشان يجيب الدلال بسرعه قبل يعصب جده وتصادف مع الهنوف
بعد دقايق ...
ملك سعود على الهنوف وصار زوجها رسميا بس باقي يعلن الزواج كان حاز بخاطره حركتها واسلوبها بس كان طاير من الفرحه انتصر الحب عند سعود وناداها عشان يتفاهم معها ويقول لها ان العرس بعد مايتخرج ودخل فيها مقلط الحريم
سعود: مبروك ياحبيبتي
الهنوف بدون نفس يبارك فيك
سعود : وش هالنفسية شفيك علي !
الهنوف: مافيني شي خلاص وش تبي الحين؟؟!
سعود مسح وجهه وشنبه وهو بدء صبره ينفذ منها : بقولك ان العرس بعد ما اتخرج من الجامعه يعني بعد سنتين
وقفت الهنوف بفرحه وهي ارتاحت: زيين زيين حلوو
ناظرها سعود بأبتسامه جانبيه وتوه بيتكلم الا وصله اشعار جواله ومن رقم غريب فتح جواله وانصدم من المقطع الي شافه وقام عطى الهنوف كف بكل قوته وقال: هاذا اخرت ثقتي فيككك !! كذا تسوين فيني وانا اقول ليه البنت منفسه وماتبيني وتكلمني بدون نفس طلع اخر شي عشان الزفتتتت ريان!!
الهنوف بصوت مهزوز ودموعها اخذت مجراها: شف. شفيك شسوييت!
مد لها سعود الجوال تشوف ووقفت بصدمه من الفيديو ومليون سؤال براسها
نطقت وقالت: حتى لو ماتمد يدكك ياحقير جعلها الكسر
سعود بحده: امدها واكسر راسك وس بينك وبين الحقير ذا ووش فيه احسن مني عشان تكلميني بذا الاسلوب ولا عاجبك وانا مدري!!!
الهنوف بنفس الحده: صااحيييي انت صاحي وش بيكون بيينا وبعدين انت على ايش شايف نفسك يا اخر حبه ولا نسيت اني اصلا اكرهك وما ابيك افهم ما ابيك وافقت املك عليك عشان ابوك
سعود بصراخ: بسسسس بسسسس وجع وقص بلسانك انتي الي على ايش شايفه نفسك من جمالك الزايد ولا من حبي الزايد لك واكرهك اضعاف ماتكرهيني .. ومشى برا المقلط تاركها وراه
قعدت الهنوف بضيق من كلامه وكيف يقول لها كذا والسؤال الي يدور في راسها : مين الي صورها وارسل المقطع ميين !
قبل عشر دقايق تقريباً...
حصه اول ماسمعت ان سعود دخل عند الهنوف فتحت جوالها وارسلت المقطع له وهي اخذت رقمه من جوال زوجها بدون مايدري كانت حالفه تخرب بين الهنوف وسعود وهي تكره الهنوف كرهه مو طبيعي عدوتها
عند سعود: طلع وهو كارهه الهنوف بعد كلامها الي قالته عنها وتوجهه لرفيق دربه صالح الي كان قاعد ف الحديقه يدخن
صالح: توك مملك علامك زعلان؟
سعود: اهخخ ياصالح ملكت وليتني ماملكت حرقتتتت قلبيي
صالح وقف بصدمه: شصاير ياولد تكلم
سعود قال حق صالح كل شي صار من البدايه لين جا يطلع
صالح فتح عيونه بصدمه: تتكلم من جدك انت مو هي قالت تحبك وبادلتك الحب ليه سوته
سعود: والله مادري انا منصدم منها اهخ يامُر هالشعور احس قلبي قاعد يحترق
صالح: اصبر ياخوي انت المفروض مامديت يدك عليها كان تفاهمت معها بالاول بعدين
سعود: الغيره اعمتني ماخلتني اقدر اتفاهم اهخ لو تشوف الي شفته واقفه قدامه بكامل زينتها !
صالح : معليه ياحبيبي اسمعها او سامحها
سعود ضحك باستهزاء: تبيني اسمعها او اسامحها بعد الي شفته؟ استحاله
وقف صالح بحيره مايدري شيسوي معه
عند الهنوف راحت تبكييي في غرفتها بس بدون ماينتبهون لها محد انتبه لها غير الريم الي اول ماشافتها طارت لها تركض تبي تعرف شفيها
الريم فتحت باب غرفت الهنوف بهدوء وتقدمت لها وقالت: افا وشفيك تبكين ماعاش من ينزل دموعك قوليلي شفييك!
الهنوف زادت بكى وقالت بصوت مهزوز: مدري مين الي يبي يخرب بينا اخترب كل شيي
الريم بصدمه : قوليلي شصاير شفيك من الي بيخرب بينكم
تعدلت الريم ومسحت دموعها وقالت كل شي صار حق الريم الي وقفت بذهول وقالت: انتي متاكده من الكلام ذا كله ! ليه مابررتي وليه ماقلتي له !
الهنوف : ماعطاني فرصه اتكلم ماعطاني!
الريم : معليه ياروحي قومي مسحي دموعك وعيشي يومك تذكري بكرا عندنا عرس وانشاءالله بتنحل الامور
ابتسمت الهنوف بحزن وسوت الي قالت لها الريم مسكت يدها ونزلو ثنتينهم مع بعض
اجتمعو البنات مع بعض بعد مافضى البيت من اهل حماد  وقالت الهنوف كل شي صار ولازم يعرفون مين الي مصوره الفيد ولازم تتأدب
أمل قالت وهي تبي تلطف الجو عشان تروق الهنوف : الي لقى احبابه نسى اصحابه صرتي تحبين الريم اكثر مني
وطاحو البنات يضحكون عليها وبعد دقايق من الضحك نطقت تغريد بشك : دقيقه يوم جاو يخطبون نوره كنت طالعه اكلم صاحبتي وانا اتمشى شفت حصه رافعه جوالها وتصور ويوم شافتني سوت نفسها تصور نفسها قلت مابي اسيء الضن ومشيت عنها بس لاحظتها ارتبكت! لايكون هي الي مصورتكم
تكلمت الهنوف بشك وقالت : وين شفتيها تصور!؟
تغريد : كانت واقفه عند باب الاسطبل
الهنوف : الحقيييرهههه هيي الي مصورتنييي وربيي ما اخليها اهخ ليتني صدتها قبل تروح
نطت رهف وقالت: عندييي فكره حلوه شرايكم بعد الزواج بكرا نستلمها ضرب مانخلي فيها عظم صاحي .. عززو لها البنات كلهم ويستنون بكرا على احرر من الجمر عشان بس ياخذون حق الهنوف منها
وانتهى يوم كان مليئ بالاحداث كان  تعيس بالنسبه الهنوف وسعودها
اليوم المنتظر " عرس نوره & نواف - و ليان & منصورها
العصر كان البيت يعج بالفوضى كانو الكل يجهزون عشان يروحون الصالون وتقسمو وكل وحده راحت مع اهلها وكلهم في صالون واحد حجزو لهم طاقم كامل عشان يجهزون
بعد  ثلاث  ساعات "بدون احداث مهمه " توجهو آل فهد كلهم القاعه قبل يجون الضيوف
اللوان فساتينهم:
دانيا ورانيا كانو متزينين بالفستان السماوي فاتح ماسك من فوق ومنفوش من تحت وحده منهم رافعه شعرها ذيل حصان والثانيه رافعه نصه والباقي تاركته ياخذ راحته
الهنوف كانت متزينه  بالفستان الاحمر وتاركه شعرها لين نص ظهرها مفتوح مسويته ويڤي
ليان متزينه بالفستان الفوشي وكان منفوش نفشه خفيفه وتاركه شعرها ويڤي مفتوح
الريم كانت متزينه بالفستان تفاحي ومزخرف بستان واكمامه ستان منفوش شوي وتاركه شعرها مفتوح وويڤي
رِناد كانت متزينه بالفستان الاسود وفاتحه شعرها ويڤي
أمل متزينه بالفستان الاحمر نفس الهنوف ورافعه شعرها ذيل حصان
ورهف كانت متزينه بالفستان الازرق ورافعه نص شعرها والباقي مخليته ياخذ راحته
واخيرا دلال الي متزينه بالفستان الوردي فاتح ومسويه شعرها ستريت
كانو ياخذون العقل بما تعنيه الكلمه كل وحده تقول الزود عندي
"الباقي مو مهم"
وصلو للقاعه عشان يجهزون ويشيكون على الوضع قبل يجون الضيوف ورتبو وشيكو على كلشي وكان الوضع تمام
وعند الرجال كان الوضع كذالك
الجد: ياسعود وياصالح قومو جيبو البخور من عند الحريم قبل يوصلون الضيوف بسرعه
سعود كان واضح الزعل على وجهه والضيقه باينه ماكان حول جده ابدا
دقه صالح وقال: يالطيب وين وصلت مع هواجيسك قم  نجيب البخور اخلص
قامو واتجهو ثنينهم يجيبون البخور
عند الحريم كانت الريم متقروشه مع فستانها ومتنرفزه قاعده تعدل في نفسها
وقفو سعود وصالح عند البوابه وسعود كان يلهي نفسه بجواله
صالح بصوت عالي : ياييمهه في احد نبي البخور
توه بينادي مره ثانيه الا لمح الريم واقفه تعدل بنفسها  اتكى على سعود الي مشغول بجواله ولا بحوله وقال بصوت عالي عشانه تسمعه :

اهخ يالريمي حتى القصايد في حسّنك احتارت
‏ لا قصايد ولا غزّل يرضي جّمالك

يا زاهية الخدين والبسمة عجب
لك مبسمٍ كنّه مقاديم السحايب

انتي النورين مِنك النور نور
انا اقول السنين انتِ هناها
وقفت الريم بصدمه وحمرت خدودها خجل  وجهها صار احمرر ومشت تركض
ضحك صالح بخفه واتصل على امه تجيب له البخور
بدو الضيوف يجون عند الحريم وهم كذالك عند الرجال وبدت العرضه عندهم والرقص عند الحريم
عند خالد اتصل على رِناد وهو باقي ماشاف زينتها
رِناد عجله : هلا خالد وش بقيت؟
خالد : ياهلا يادهر قلبي ورجعناه وينك فيه ابي اشوف كشختك
رِناد بخجل: تعال ورا عند المطبخ
خالد يلا جاي اطلعي لي
وسوت الي قاله لها وطلعت وبالفعل شافته موجود وفتح يدينه لها وتجهت لحضنه
خالد باس راسها بقووه وهو يستنشق عطرها: وشش هالزين يارِنادي بشويش على قلبي
رِناد ووجها احمر من الخجل: ياحبيبي انت!
ابعد منها خالد وباس خدها بقوه وقال: انتبهي لك ياعيون خالد وحصني نفسك
رِناد: من عيونيي ياعيوني انت
تقدم خالد وباس عيونها بخفه وقال: اعشقققق عيونك ابتسمت له بخفه
ومشى عطاها ظهره
عضت شفتها السفليه وقالت: يهبل كيف كذا!
ومشت داخل ترقص مع البنات
وبدت زفت نوره وكانت تاخذ العقل وخلصت الزفه بعد دوامه من بكي دلال وبكيها ومشت بعد توصيات من اخوانه وعيال اخوانها ل نواف ومشو متجهين للفندق
وهم كذالك مع ليان ومنصورها
نرجع للعرس :
بدء العشاء عند الحريم واستغلو البنات الفرصه وحده منهم نادت حصه ودخلتها غرفة العروس وانصدمت ان البنات كلهم موجودين
قامت الهنوف اقولها:اهلا اهلا بالي بتنجلد اليوم
تغريد: تفكيرنا غافلين عنك لا حبيبتي ترا كلنا نعرف حقيقتك
حصه بصدمه وبغباء : وش تخربطون انتو وش سويت
الهنوف قامت وقالت تعالي انا بعلمك انتي وش سويتي وطاحت فيها ضرب هي مع الريم جلدوها جلد وبعد فترة من المضاربات فكوها وماشافو الا غبارها طلعت تركض تبكي وتعدل نفسها قبل يشوفونها الحريم
وخلص يوم كان حلو بالنسبه لنوره وليان
خلصو العرس واتجهو آل عناد يكملون السهره في بيتهم وطلعو كل عايله مع بعضها
عند الهنوف وهي طالعه لمحت سعود ولمحها من بعيد صد عنها بحقد ومشى وهي كذالك صدت عنه بضيق ومشت
في بيت آهل عناد اجتمعو العيال يسولفون ومن بينهم سعود الي كان مشغول بجواله ومو حولهم ابدا ويتركه دقيقه ويرجع يقعد عليه
والبنات كذالك اجتمعو ودي العاده سوو تحليل وحش في الزواج
الفجر عند سعود وامه
سعود بتوتر وهو شابك يدينه ببعض : يمه ويبه ابيكم في موضوع ضروري ومايتحمل التأجيل
قابلته امه وقالت: هلا ياعيون امك تكلم نسمعك
سعود : جاني قبول بعثه في لندن ومدتها سنتين ولازم اكون متواجد ف المطار الساعه ٦ الصباح
ام سعود : روح يايمه الله يوفقك ويسعدك بس اخذ شور ابوك
سعود التفت لابوه وقال: وش قلت يايبه
ابو سعود : ماعندي مانع ابد روح الله يوفقك وانتبه لنفسك وبرسلك مبلغ مالي عشان تعيش
سعود قام بعد ما ودع امه وابوه وبعد توصيات وطار يجهز اغراضه وسيده على المطار

(السلام حبايبي جيتكم بعد قطعه طويلهههه استمتعو وعطو البارت حقه وعطوني رايكم اشوفكم في بارت جديد🫦🫦
تعالو انستا roow22a ❤️❤️❤️