وانا ياسعود طحت لي بحب مخلوق

البارت السادس

الساعه ١١ اتجهو كلهم ينامون عشان يقومون بدري ويتجهزون...
واخيرا اليوم المنتظر يوم عرس رِناد وخالد
الظهر كان الكل مستنفر ويجهزون والجده تصرخ عليهم عشان ينزلون يتغدون ويلحقون على المشغل
واخيراً خلصو واجتمعو على سفرة الغداء وتغدو وخلصو وقامو يكملون شغلهم ونص الشغل سوالف والامهات يصرخون عليهم عشان يكملون شغل
واخيرا خلصو مع اذان العصر صلو العصر وتحركو الرجال يوصلون الحريم المشغل...
اول ماوصلو المشغل تجمعو الحريم عند الاستقبال عشان ياخذون مفتاح الجناح
طبعا حجزو لهم جناح كامل عشان ياخذون راحتهم
خذو مفتاح الجناح ودخلو ورتبو اغراضهم وراحو يسوون شعورهم وبدو اول بالهنوف ودانيا ورانيا و وليان والريم و رٍناد راحو يسوون اظافرهم والباقي قعدو يستنون دور لهم
بعد ماخلصو دانيا ورانيا والهنوف شعورهم بدو بالعروسة رِناد مع واختها امل و بدو يسوون اظافرهم وشعورهم والميكب باقي البنات وكل ماخلصو وحده بدو الثانيه وظلو على ذا الحال لين المغرب بعد ماخلصو كلهم وقعدو يشوفون نفسهم وكانو بكامل اناقتهم وجمالهم ياخذون العقل
طبعاً العروسه رٍناد كانت لابسه فستان ابيض زي اي عروسه وكان ميكبها ناعم وحلو
الهنوف كانت لابسه فستان احمر فيه نفشه بسيطه ودانيا لابسه فستان لونه بنفسجي ورانيا لابسه سكري غامق شوي والريم لابسه احمر زي الهنوف وأمل لابسه فستان ازرق وفيه لؤلؤ ابيض ورهف لابسه فستان وردي فاتح واخر شي ليان كانت لابسه فستان اسود
كانو متجمعين كلهم في غرفه وحده ويشوفون نفسهم وكل وحده تقول الزود عندي كانو يهبلون
واخيرا خلصو الامهات ودقو على العيال عشان يجون ياخذونهم واتفقو ان الهنوف تقعد مع رِناد ويجي واحد من العيال ياخذهم
نجي الجهه الثانيه عند العيال كانو متجمعين في حلاق واحد ومسويين حفله الاغاني والرقص كان جوهم عالييي مروقين كلهم الا خالد كان متوتر بس مو مبين لاحد كان يحاول يغير جوه معهم وخلصو ودقو على صالح يجي ياخذهم كلهم واخذ سيارة ابوه الكبيره وتوجه لهم واخذهم كلهم الا الهنوف ورِناد اتفق صالح مع سعود يجي ياخذهم واول ماعرفت الهنوف ان سعود جاي ارتبكت بس حاولت ماتبين ل رِناد وشوي ووصل سعود ودقت ام الهنوف عشان تقولهم ينزلون واتجهو للسياره وكانت عيون سعود طول الوقت على الهنوف وماصدقت انهم وصلو ونزلت على طول وهي طول وقتها متوتره ساعدت رِناد بسرعه ودخلتها وقامت تتعدل وترش لها عطر واخر لمساتها كانت تجدد روجها الاحمر وطلعت تبي تدخل عند الحريم وانصدمت يوم شافت سعود واقف قدامها ينادي امها وقفت فترة تطالع فيه وهي منصدمه اول مره تشوف سعود بذا الجمال كان مره حلو ويوم استوعبت دخلت على طول وخلت سعود وراها هايم فيها واول مادخلت القاعه كانت الانظار عليها كان حوار الحريم كله عنها وكل شوي جاتها حرمه تسألها من بنته عشان يخطبونها وتقول لهم انا مخطوبه من سعود وكانو الحريم يروحون زعلانين لانهم يبونها لعيالهم
عند العيال كانو واقفين كلهم صف واحد ويستقبلون الرجال وشوي ووصلو الفرقه وبدو العرضه وكانو سعود وصالح ماخذين الانظار برقصهم وعرضتهم كانو اكثر ثنين يضبطون العرضه
عند سعود جاه واحد من الرجال مستغرب يقوله  افا سعود خطبت  الهنوف بنت عمك ولا قلت لنا استغرب سعود بس مابين ورد عليه: والله كانت الخطبه عائليه ومابعد ننشر الخبر ومشى الرجال وكملو عرضه
عند الحريم كانو البنات يرقصون ويتمايلون مع كلمات الاغنيه وكانو ماخذين الانظار
عند الهنوف تعبت ونزلت بتروح تشوف رِناد وش وضعها وبالصدفه قابلت سعود الي كان داخل ينادي امه
عند سعود قال للعيال انه بيروح ينادي امه يقولها عن وقت دخول الرجال
واول مادخل شاف الهنوف رايحه وناداها يقول : الهنوف ممكن تجين بسألك سؤال
ردت الهنوف تقول : ماقدر اجي قول شتبي
قال لها سعود بحده: تعالي بسرعه
راحت له الهنوف وقالت: نعم شتبي !
قال لها انتي قايله للحريم اني انا خطيبك شلون ! مو انتي رفضتني
انصدمت الهنوف وقالت انت كيف عرفت
رد عليها يقول مو مهم بس ليه سويتي كذا !
قالت له كنت ابي افتك منهم بس واسفه اذا ضايقتك ورد عليها سعود يقول حصل خير نادي لي امي
ردت عليه وهي رايحه دق عليها مو فاضيه لك انقهر سعود من حركتها وراح يدق على امه
عند رِناد كانت خايفه ومتوتره ومو عارفه وش تسوي وشوي ودخلت عليها الهنوف وقالت : ها عروستنا شخبارك؟
ردت عليها رِناد تكفين الهنوف لاتزيديني حدي متوتره
وطاحت الهنوف تضحك عليها ورِناد تضربها وشوي ودخلت ام رِناد تقولها وقت الزفه الحين ودخلو البنات يساعدونها وعدلت نفسها وتجهزت
عند الرجال دقت ام الهنوف على خالد وقالت له يالله وقت الزفه ووقف هو واخوه وابوه عند الباب يستنون اشاره عشان يدخلون
قسم الحريم شغلو الزفه ودخلت رِناد وانبهرو الناس من جمالها كانت تهبل مرهه واول ماوصلت عند الكوشه دخلو اخوانها يسلمون عليها وشوي وجات اختها حضنتها ودموعها اخذت مجراها وجات امها تهديها وشوي واعتلت صوت الاغاني ورقص اخوانها قدامها ومشاعرها كانت مختلطه بين فرح وحزن فراق اخوانها واختها واهلها وشوي طلعو اخوانها ودخل خالد وكان في قمه الجمال والفخامه ووصل عند الكوشه وحب راس رِناد وقعد معها شوي وطلعو الغرفه عشان رِناد تلبس وتودع خواتها وخالد طلع برا عشان تاخذ راحتها شوي
عند رِناد دخلو البنات يساعدونها تلبس ويوم خلصت دخلو اخوانها يسلمون عليها ويوصون خالد عليها واول ماطلعو دخلو خوات خالد يودعونه ويحضنونه ودموعهم اخذت مجراها وقام يضحك عليهم ويهديهم ويوم خلص وودعهم طلع واخذ رِناد معه وانتهى يوم كان جميللل جدا انتهى العرس وقررو يكملون سهرتهم وخلصو وطلعو عند العيال الي حرقو الدنيا لانهم تاخرو
عند سعود كانت عينه تدور الهنوف يبي يشوفها واول ماطلعت الهنوف شافها وارتاح وركب السياره وركبو الكل سياراتهم واتجهو لبيوتهم الي كانت في مجمع واحد يضم بيت الجد عناد وبيت بنته منيره كلها ووصلو وبدلو ملابسهم وتجمعو البنات بالصلاه الكبيره والعيال تجمعو مع الشياب ف المجلس وشوي ودخل الجد ووجعهم كلهم في مكان واحد وقال لهم سمعوني بعد يومين بتنزل للديره (الاحساء) بعضهم استانسو لانهم بيغيرون جو وبعضهم ماعجبهم بس مايبون يرفضون طلب لجدهم وخططو من بكرا بيطلعون للسوق يشترون لهم اغراض بما ان الجو كان بارد وشوي وفضى المكان صارو بس البنات جالسين مع عماتهم التوؤم ويحشون في الحريم الي هناك ويضحكون وشوي وطلعت لهم جدتهم وقامت تصرخ عليهم وتطشرو في دقيقه فضت الصاله راحو كلهم ينامون
عند العيال بعد ماطلعو الشياب جلسو يلعبون بلوت وكل دقيقه هواش وصراخ
عند الجده بعد ماخلصت من البنات سمعت صراخ العيال وطلعت لهم لعبت فيهم لعب وتطشرو كلهم داخل البيت
عند ليان نزلت تشرب مويه وهي ماتدري ان منصور تحت في المطبخ
كانت لابسه روب نوم سكري وشعرها مفتوح نزلت واول مادخلت المطبخ انصدمت بوجود منصور عند منصور بعد مالعبت فيهم جدتهم راح للمطبخ يشرب مويه واول ماشاف ليان جايه انصدم من جمالها كانت تهبل واول ماشافها قال : هلا هلا بدهر قلبي
ردت عليه ليان بكل حُب : هلا فيك يادنيتي  وخذتهم السوالف والضحك ماحسو بنفسهم الا بعد ساعه ويوم انتبهت للوقت وكان متاخر قامت بتروح وتوها بتطلع ودخلت عمتهم نوره وقالت افوههه ريحت حبيبه وكانت كاشفتهم انهم يحبون بعض بس تسترت عليهم ولا قالت لهم انصدمو انها كيف عرفت وانحاشت ليان قبل لاتمسكهم طقطقه وطاحو ثنينهم يضحون عليها
في الجهه الثانيه في الفندق عند رِناد وخالد :
اول مادخلو قال لها خالد: رِنادي بدلي واذا خلصتي تعالي نتعشى
ردت عليه : من عيوني ودخلت ِناد دورة المياه تبدل نزلت فستانها وغسلت جسمها ووجها ورطبت جسمها وكانت ريحتها ياسمين تجنن ولبست روب سكري وعدلت شعرها وطلعت وشافت خالد قاعد على جواله واول ماشافها طار فيها وحضنها وهو ماصدق انهم اجتمعو في بيت واحد وبادلته رِناد الحضن وقال لها خالد: مبروك زواجنا يادنيتي وعساه عرس الدهر يارب والله يقدرني على اسعادك
وردت عليه رِناد : الله يبارك فيك ياحبيبي واللهم امين ومبروك لك
قالها يبارك فيك ياحلا عروسه استحت رِناد وشوي وراح خالد يستلم الاكل وبدو ياكلون ويسولفون عن العرس وعن حياتهم ووش بيسوون واول ماخلصو قامت رِناد شالت الاكل وخلصت وراحت عند خالد ومشى يومهم زي اي زوجين😭
وانتهى يوم مليء بالاحداث الحلوه كان يوم حلو
(السلام عليكم حبايبي جيتكم ببارت جديد اتمنى يعجبكم واسفه على التاخير❤️‍🔥❤️‍🔥
تعالو انستا roow22a