وانا ياسعود طحت لي بحب مخلوق

البارت الرابع عشر

دخلت الهنوف تريح لها اربع ساعات قبل محاضرتها الاوله
بعد اربع ساعات في الجامعة كانت الهنوف في غرفة المدير تسأله عن الكلاس حقها وين وقام معها يدلها
والجهه الثانيه عند سعود كان توه داخل الكلاس حقه وقف يضبط العرض حقه عشان يبدء الشرح
وشوي قاطعه المدير دخل يعرف الطلاب على بنت كانت فاتنه وفي قمة الجمال فتح عيونه سعود بصدمه اول ما سمع المدير ينطق اسمها الهنوف!
رجع النظر لها وفعلا كانت الهنوف
ونفس الشي عندها اول مانطق المدير اسمع الدكتور الي بيدرسها سعود عبدالمحسن!!
فتحت عيونها بصدمه من سمعت اسمه طول وقتهم يطالعون بعض
قالت الهنوف في داخلها: اهههه ياسعود ليه كل هالبعد لييييهههه
عيونها تغورقت بدموعها بس حاولت تتجاهل
قاطع هواجيسها سعود من نطق: تفضلي اقعدي لو سمحتي بنبدء الدرس هو تعمد يكلمها بالعربي
جلست جنب واحد الواضح عليه انه سعودي اسمه احمد ابتسمت له بخفه
بدء سعود يشرح وهو يحاول يتجاهلها ومايشوفها ابدا وكل همه انه تخلص المحاضره بخيرها وشرها
انتهت المحاضره الي كانت ثقيييله على قلب سعود طلع وهو مكتوم شافها واقفه مع احد طلابه "احمد"
عند الهنوف اول مانتهت المحاضره اختفت عن انظار سعود على طول وتقابلت صدفه مع احمد عند الكلاس حقها
احمد: اهلننن الهنوف شكلك سعوديه
ابتسمت براحه الهنوف من عرفت ان في طلاب يتكلمون عربي معها وقالت: اهلين ايوا سعوديه وانت؟
احمد: اوه نسيت اعرفك على نفسي انا احمد وسعودي زيك
الهنوف بأبتسامه : تشرفنا يا احمد
ابتسم لها احمد
ومشت الهنوف جاهله سعود الي يطالعها من بعيد ويحترق من الغيره عليها
عند سعود بعد ماشاف حركاتها كذا ماقدر يتحمل وحقد عليها وبيوقفها عند حدها بس مو عارف كيف يبي يدور له خطه رجع الفندق ونام بتعبببب
نرجع عند بيت الجد في السعوديه:
كان الجد عناد قاعد ومجمع عياله كلهم مع حريمهم
جمعه كبار بدون عيالهم
الجد عناد: والله وكبرو العيال وفضى البيت علينا
الجدع فهده بدموع شوق لاحفادها وعيالهم قبل : اي والله حلات البيت فيهم
عبدالحليم : هاذي سنه الحياه الله يوفقهم انشاءالله وعقبال الباقيه يتزوجون ونشوف ذريتهم
الكل: امين/ الله يسمع منك
الجد عناد: الا ماكلمتكم الهنوف تطمنكم عليها ؟
عبدالعزيز: الا اوصل ماوصلت دقت علينا وطمنتنا وواضح انها مستانسه
ابتسم الجد براحة وهو عارف انها التقت بسعود وبس يبي يعرف وش بينهم ولازم يحل كل المشاكل الي بينهم
دارت السوالف والضحك بينهم وعيالهم الي ماتزوجو كل واحد منشغل في غرفته والي تزوجو كل وحده بيت زوجها كان البيت هادي مو نفس قبل فقدو جمعاتهم والضحك والهواش والوناسه
"اخر اليل " عند الريم
نزلت وهي مصدعه من الجامعه والمذاكره توجهت للمطبخ  وهي اشتهت تسوي لها اكل وبعد صراععع وتفكير مع نفسها طلعت لها اكله وبدت تسويها لها
جاتها تغريد وقالت: شتسوين
الريم بتعب: جوعانه قاعده اسوي اكل
تغريد تكفين حسبيني معك وانا بروح اعدل الجلسه برا
الريم : تم يلا روحي
راحت تغريد وشافت اخوها صالح قاعد برا وقعدت جنبه وقالت : زين شفتك بقولك شي
صالح : قولي ، جلست جنبه وبدت تتكلم
تغريد: ابيك تفسر لي نظراتك للريم وش مرات تخزها ومرات نظرات اعجاب وحُب وبعد ابيك تقولي ليه انت صارلك فتره طويله مو صالح الي نعرفه دايم زعلان ومنطوي
صالح: اقولك بس بشرط؟
تغريد: وش هو؟
صالح: يتم بينا ومايطلع لاحد وعد؟
تغريد بابتسامه وهي اول مره يكون بينها وبين اخوها سر: وعد اسلم قول
عدل جلسته صالح وبدء يقول: انا شفتها مره كانت في جمعة عندنا وشفت واحد يبي يتحرش فيها وقبل يكمل انا جيت وصفقته وصارت مشكله بس محد يدري ومن شفتها ذاك اليوم وهي كاشخه وانا ميت عليها واحبها وابي اصارحها بس مو عارف وكذا مره حاولت المح لها بس هي مو فاهمه ودايم تحاول تتجاهلني واذا على تغيري والله اني ضايع بدون سعود هو الي كان دايم جنبي وسندي وراح وخلاني بروحي ضايع مو عارف وش اسوي
تغريد بحزن على وضع اخوها حضنته بحنية وقالت : ياحبيبي انت اذا على سعود انشاءالله كلها فتره وبيرجع وبترجعون زي قبل
وابتعدت عنه وقالت : واذا على الهنوف انا اضبطك معها كم صلوح عندي
ضحك صلوح بحب وقال: ياحظيييي ياحظي دامك اختي
ابتسمت بخفه وقالت: اسمع الريم ف المطبخ قاعده تسوي اكل لنا انا وياها انت اقعد هنا وانا بروح اشوفها شوي وبعطيك اشاره وانت تعال واقعد سولف معها واعترف لها بكل شي يمكن تبادلك
صالح ابتسم بحماس وقال: تم تم  يلا