وانا ياسعود طحت لي بحب مخلوق

البارت العاشر

قال منصور اي مقتنع اجل الله يتمم على خير وقام وباس راس امه وابوه وقال ياجعلني ما انحرم منكم
ردو ثنينهم بنفس الوقت ولا منك ...
يوم جديد على بيت عناد تجمعو على سفره الغداء كالعاده ويسولفون ويتغدون وكان منصور مستانس وطول وقته مبتسم استغربو من حماسه وروقانه جاهلين السبب
ومن بين السوالف قامت الجده وتكلمت وقالت لهم ان ام فيصل بتجي واتجهو كلهم يجهزون ويكشخون
في "جزر المالديف" تحديداً في الشاليه عن خالد ورِناد كانت رِناد قاعده تطقطق بجوالها وتضحك وخالد قاعد يكلم اهله ويتطمن عليهم
كان مستغرب من رِناد انها ماجات تكلم امه وقاعده تضحك بصوت عالي جاهل السبب وجاهل هي اصلا من قاعده تكلم وسمعها تسجل فويس تقول: ياحبيبيييي ياخي احبك
قام خالد وعيونه شوي واطلع من العصبيه والغيره حاول ينكر ويخفي غيرته وعصبيته وقال يبي يسألها اول
قال:رِناد من ذا الي تقولين له حبيبي واحبك وتضحكين من مساعه؟
ردت عليه بعدم اهتمام : صديقتي صديقتي
وتجاهلته وكملت سوالف وضحك تاركته وراها
اتجهه لها خالد ومسك فكها بكل قوته وقال وعيونه تطلع شرار وبحده : انا لما اتكلممم ماتصرفينيي وتسلكين لي وصرخ في وجهها سامعههه
حاولت تبعده رِناد بكل قوتها وماقدرت عليه وقالت بحده : وانت وششش دخلك انا من اكلمممم!!
اعطاها خالد كف بكل قوته وقال تكلمييي معييي عدللل واحترمي نفسككك وردي على سؤالي من كنتي تكلمين
بعدت عنه رِناد ودموعها اخذت مجراها وقالت وهي تشهق: جع.. جعلك الكسررر كنت اكلم صديقتي
وطلعت وتركته وراها .. جلس خالد يفكر بالي سواه واحس ان ضميره انبه وهو المفروض ماتسرع ومد يده عليها
عند رِناد دخلت الغرفه وسكرت الباب بكل عنف وانسدحت على السرير وهيي تبكي بحرقه وهي اول مره تشوف خالد معصب كذا اول مره يعصب عليها شوي ودخل لها خالد وقال: رِنادي قومي ابي اكلمك شوي
ردت عليه وهي تشهق وصرخت في وجهه انقلع برا مابي اكلمك
حس خالد بندم شديد وقال : قومي لاتوجعين قلبي وجعل يدي الكسر اذا مديتها عليك مره ثانيه اسمعيني واتجهه لها وحطها في حضنه وقال اسمعيني: ادري المفروض ما امد يدي عليك لانك توك عروسه لاكن ماقدرت اسيطر على نفسي الغيره توجع يا رِنادي يوم سمعتك تتكلمين بصيغه ولد ماقدرت امسك نفسي اسفه وجعل يدي الكسر ان مديتها عليك مره ثانيه
ابتسمت رِناد وسط بكاها وقالت بسم الله عليك وانا الي اعتذر على الاسلوب الي كلمتك فيه
رد عليها : انتِ لو تغلطين من اليوم لبكرا ما ازعل منك ياعيون خالد
ضحكت رِناد بخفه وقالت بهمس مسموع واضححح
قاممم يضحك عليها خالد ودفنت راسها في صدره وقالت خلني بحضنك شوي
رد عليها وهو يلعب بشعرها: قعدي من اليومممم لبكرا حلالك خالد وحضن خالد
ردت عليه بكل حُب ياحبيبي انت
في الديره تحديداً " مزرعه الجد عناد" بعد صلاة العشاء اجتمعو الحريم في مجلس الحريم وكانو متواجدين كلهم وام فيصل وبناتها كلهم موجودين وفي المجلس هم كذالك متواجدين كلهم وابو فيصل وعياله كلهم متواجدين
" تعريف بسيط عن عايله ام فيصل"
ام فيصل "نهى" صديقه الجده فهده من يوم كانو ف الديره بس الظروف اجبرتهم يبتعدون عن بعض قلبها حنون وطيبه بس ياويل الي يغلط على عيالها تقلب الدنيا عليه
ابو فهد "ناصر" كان صديق قديم للجد عناد بس ماكانت علاقتهم قويه مره
متشدد ومايرضى على الغلط بس قلبه طيب
بكرهم "عبدالله" عمره ٣٩ متزوج بنت خالته حصه وعنده منها ولد وبنت يدرسون المرحله المتوسطه
ثاني عيالهم نواف عمره ٢٦ يشتغل مهندس طيران قمه في الاخلاق والادب وحنون
ثالث عيالهم ريان عمره ٢٥ اخذ من صفات نواف واجددد
والرابعه لين عمرها ٢٣ تدرس كليه الهندسه حنونه بس فيها غرور شوي
نوران العنقود عمرها ٢٠ تدرس جامعه في كلية الطب هي الي تسوي جوو للعايله وفلاويه
تكلمت ام فيصل وقالت والله يا ام عبدالعزيز حنا طالبين القرب منكم ونبي نطلب يد حفيدتك الهنوف لولدي ريان و بنتك نوره لولدي نواف انصدمو كلهم من كلامها الي قالته وقالت اشوف ولدي وزوجي واعطيك خبر
في مجلس الرجال تكلم ابو فيصل وقال والله ياعناد حنا طالبين القرب منكم ونبي نطلب يد بنتك نوره لولدي نواف وحفيدتك الهنوف لولدي ريان
كانت هالجمله كافيه انها تقتل سعود الي فز وطلع من المجلس وعيونه تطلع شرار من العصبيه ويبي اي حل عشان يفركش الخطبه وما تتم
في المجلس قام ابو الهنوف وقال ونعممم في عيالك بس اول شي نستشير البنات ومالكم الا الي يطيب خاطركم
ردو عليه ريان ونواف بنفس الوقت : ينعمم بحالك
عند الحريم قامت الهنوف وطلعت برا وهي متوتره وماتدري وش تسوي اذا درى سعود وهي ماتبي ريان والتقت بسعود يحوس ورا المزرعه والتقت عيونه بعيونها وراح يسرع بخطواته لها وقال :الهنوف تكفين لاتقولين وافقتي
وقالت الهنوف تبي تختبره اذا هو صدق يحبها او لا وقالت : اي وافقت رجال والنعم فيه ومافيه شي يعيبه ليه ما اوافق
قال بحده وبحرقه : الهنوفففف تستهبليننن والله مو من جدك الهنوف تكفين لاتكسرين قلبي وتوافقين الهنوف والله احس حبك من كثر ما أحترامي ماعاد باقي عندي لغيرك أحساس تكفين لاتكسريني وتعورين قلبيي
عورها قلبها كلامه وهنا تأكدت الهنوف انه يحبها حبب اول مره احد يحبها هالكثر وقالت : امزح ياعيون الهنوف مستحيل اوافق على احد غيرك
العباره كافيه انها تطير سعود ف السماء طار من الفرحه وهو الحين بس يبي يدور حل كيف يفركش الخطوبه
ودخل المجلس وجلس مع العيال يدور حل كيف يفركشها ..وقام ناصر مع ابوه واتجهو للهنوف يسألونها اذا موافقه واتجه الجد عناد لبنته نوره يسألها
دخلو ناصر وابوه للهنوف في مقلط الحريم وقالو لها كل شي وسألوها اذا موافقه او لا وقالت الهنوف : الرجال والنعم فيه بس اسفه انا مو موافقه وما ابيه
رد ناصر وقال انا اوافقها على رايها واحس لو نزوج سعود للهنوف هو اقرب لنا باقي له سنه ويتخرج اذا توظف نزوجه الهنوف وقال ابوها ها وش قلتي يابنتي : اتفق مع ناصر وموافقه وطلعو وقال يلا الله يتمم 
واتجه عبدالعزيز مع ابوه لنوره ونفس شي قالو لها كلشي وعطتهم الموافقه واتجهو للمجلس
تكلم عبدالعزيز وقال اعتذر منكم ولدكم والنعم فيه لاكن بنتي مو موافقه وهي محجوزه لسعود   رد ريان وقال : معليه خيره والله يوفقها ويسعدها في حياتها
قاممم سعود وهو حس ان روحة ردت وطار طار من الفرحه 
وتكلم عناد وقال : وبنتي نوره موافقه والله يتمم على خير
فرح نواف وقال: الله يتمم لنا
وكلهم ردو امين / الله يوفقكم
وقال الجد عناد: شرايكم نملك بكرا ؟
وافقو نواف وابوه واتجهو لقسم الحريم ياخذون اهلهم ويطلعون
"عند جهة الحريم " جاهم الخبر ان الهنوف مو موافقه وانكتبت الهنوف لسعود وطاروا من الفرحه وجاهم خبر ان ملكة نوره بكرا
قضى المجلس من اهل ابو فيصل ومن بين سوالف وتخطيط تكلم ابو منصور وقال يا عبدالحليم حنا بعد طالبين القرب منكم وابي اطلب يد بنتك ليان لولدي منصور
رد عبدالحليم : والنعم في منصور ويستاهل ليان وبنشاور البنت اول ونرد خبر وان كانها وافقت نملك بكرا مع نوره
وقام عمر ينط بفرحه وقال : الله لياني بتتزوج واخيراااا
وطاحو العيال يضحكون عليه واتجه عبدالحليم لبنته ليان يشاورها
وقبل يدخل دق على زوجته وقالها تروح لمقلط الحريم هي وليان واتجهو هناك واول مادخلو علمهم كلشي واعطتهم ليان الموافقه وانتشر الخبر ف البيت وطارووو كلهم من الفرحه
وانتهى يوم كان حلووو من جهة الهنوف وسعدها ومن جهة ليان ومنصورها واتجهو كلهم ونامووو كلهم بحببب

( السلام حبايبيييي جيتكم ببارت جديد اتمنى يعجبكم الله الله بالتفاعل❤️‍🔥❤️‍🔥❤️‍🔥
تعالوووو انستا roow22a 🫶🏻🫶🏻🫶🏻)