وانا ياسعود طحت لي بحب مخلوق

البارت الحادي عشر

وانتهى يوم كان حلووو من جهة الهنوف وسعدها ومن جهة ليان ومنصورها واتجهو كلهم ونامووو كلهم بحبب ...
يوم جديد على بيت اهل عناد كانو مستنفرين ف المزروعه يجهزون لملكه ليان الي صارت بسرعه وماكان في وقت عشان يرتاحون
عند خالد ورِناد اول ما عرفو ان منصور بيملك على ليان حجزو طياره واتجهو للاحساء
في الرياض تحديداً بيت حماد فز حماد اول ماجاه اتصال من صديق عمره عناد رفع جواله ورد وهو يقول : يامرحبا بمطول الغيبات وينك رحت الديره وسحب علينا ونسيتنا
ضحك عناد من عتاب حماد وقال: ياهلا فيك والله كنت مشغول مع الديره تعرف من زمان مارحتها
حماد : زين بشرنا عنك وعن العيال وش اخباركم
عناد: كلنا بخير كلنا انتو اخباركم طمنونا عنكم والله من من زمان عن جمعاتنا
حماد: اي بالله من زمان عنكم
عناد: اجل اسمع اذا تقدر تحضر ملكه بنتي نوره على نواف ولد ابو فيصل كانك تذكره وملكه حفيدتي ليان على حفيدي منصور ومعزوم انت واهلك
حماد : ماشاءالله تبارك الله اذكره اذكره وكيف انساه وانشاءالله نحضر والله يتمم لهم على خير وسكر منه
عند شخص من زمان ماتكلمنا عنه ووش صار بحياته نرجع للاحداث شوي يوم تهاوش سلطان مع ابوه واخذ له شقه استقر بشقته تقريبا اسبوع بس حس انه اشتاق لاهله وكلم زوجته في الموضوع وانه لازم يروح يعتذر لابوه مهما كان هاذا ابوه حتى لو كان هو الغلطان لازم يعتذر له وانصدم من ردة فعل حصه بعد ماوافقته كلامه
واتجه لبيت ابوه واول مادخل استقبلوه خواته وطارو له وحضنوه وقالو بصوت واحد : افا طلعت ونسيتنا
سلطان وهو يضحك على عتابهم : والله مانسيتهم ياحبايبي بس انشغلت على مارتبت اموري وهذاني جيتكم الواضح انكم اشتقتو لي
ناظرته لاما بطرف عين وقالت : ياشين الثقه ياشينها وطاحت كلهم يضحكون عليه
وشافوهم نواف وتركي وهم جايين من برا وقالو بصوت واحد : الله الله مالنا نصيب بالاحضان واتجهو لاخوهم وباسو خشوم بعض "سلام الرجال"
وبعدها قال: الا وين امي الا على جيت امه من غرفتها واتجه لها وحضنها وقال : ياهلا بجنتي ياهلا باكثر وحده واحشتني وش اخبارك
بادلته الحضن ودموعها اخذت مجراها من حال ولدها وهو بعيد عنها وقالت : ياهلا فيك ياولدي توني صرت بخير بعد شوفتك
رد عليها بعد ماباس راسها : ياجعلني قبلك الا وين ابوي ابي اكلمه بموضوع
الام: بتلقاه في غرفته قاعد
هز راسه بمعنى طيب واتجه عند ابوه واول مادخل فز ابوه وقال : سلطان
وركض سلطان عند ابوه وحضنه وباس راسه ويده وقال : تكفى يايبه سامحني وماكان قصدي اطول صوتي عليك وانا مالي ف الدنيا الا الله وثم انتم
نزل راسه حماد بندم على الي سواه في ولده وقام سلطان قال : لا يايبه لاتنزل راسك
ابتسم حماد وتقدم وقبل لايبوس راس ولده سبقه سلطان وباس راسه وقال : معذور ياولدي معذور وبعدها قامو يسولفون ويضحكون ونزلو مع بعض وتغدو
نرجع ليوم" ملكه نوره وليان " المغرب في مزرعه عناد اجتمعو اهل عناد واهل حماد واخيراً بعد غيبه طويله استقبلوهم اهل عناد بكل حب وقعدو ودارت بينهم السوالف والضحك
وبعد فتره سمعو صوت سياره وازعاج برا وعرفو ان خالد ورِناد وصلو وطلعو اهل عناد وحماد كلهم واستقبلو خالد و رِناد بالزغاريط والاحضان وطار خالد يحضن امه بكل شوق ومن بعدها راح لخواته وسلم على الكل ومن بعدها اتجهه لابوه والعيال وسلم عليهم كلهم
ورِناد سلمت على ابوها وجدها وعمامها واتجهت لانها وحضنتها بكل حب وسلمت على اخوها عبدالله وعياله وزوجته وطارت حضنت منصور وقالت : اهلا بعريسنا الي كان بيملك بدوني
ضحك منصور على عتابها وقال: يا عيونيي يا رِنادي طمنيني عنك عسى خالد مقصر معك عشان اكسر خشمه وطاحو كلهم يضحكون عليه وخالد طايح ضرب فيه
واتجهت لسعود وحضنها بكل حب وقالت وهي تبي ترفع ضغطه : اجل يقولون انهم خطبو الهنوف وطارت من يدك
ضحك سعود بخفه وقال: يخسون ياخذونها مني هاذي دنيتي
وطاحت تضحك عليه
ومن بعدها سلمت على أمل الي اول ماحضنتها دموعها خذت جراها وقالت : وحشتيني ياحيوانه والله اني ضايعه بدونك
بادلتها رِناد الحضن بكل حنية وقالت : ياعيوني يأمل والله انك اكثر وحده واحشتني
ومن بعد السلام الحار والاحضان على البنات دخلو داخل واستلمو رِناد اسأله وسوالف وضحك
بعد صلاه العشاء اجتمعو اهل عناد واهل حماد واهل ام فيصل كلهم كانت مزرعه عناد مليانه كلها ناس ان جينا في الحديقه الصغيره كانو البزران يلعبون فيها والمجلس مليان رجال ومتوسطهم الشيخ الي بيملك على نوره وليان
ونفس الشي عند الحريم كان مجلس الحريم مليان كانت السوالف والضحك دايره بينهم كانو مستانسين وشوي وكتبو نوره لنواف وجا وقت الشوفه الشرعيه
كانت نوره لابسه فستان احمر ماسك على جسمها ورافعه نص شعرها والباقي مخليته ياخذ راحته في ظهرها كانت جمليه بما تعنيه الكلمه
اول مادخل عليها نواف كانت عاطيتها ظهرها وقاعده تعدل نفسها وباين عليها التوتر تكلم وقال: مبروكك
لفت له نوره بخرشه وقالت بصوت هامس: يبارك فيك
قرب منها نواف وقطع المسافه بينهم وقال : ماشاءالله تبارك الله الله يعين قلبي عليك سبحان من سواك وتنهد بكل حُب وقال جمالك يوجع
حمرت وجنتيها وابتسمت وبانت غمازتها وقالت بصوتها الناعم : ياروحي من ذوقك
انهبل عليها نواف وقال : ياروحي بعد ! صدق الله يعين قلبي عليك
ضحكت نوره بخفه واتجه اها وحضنها بكل قوته وقال ودعتك الله ياعيوني وانتبهي لك وباخذ رقمك من اخوانك عشان اتواصل معك ونحدد متى العرس
وبعد ماخلصو دخل منصور على اساس بيشوف ليان ويسولف معها شوي واول مادخل انهبل عليها كانت لابسه فستان ابيض وماسك جسمها من فوق وليه نفشه خفيفه من تحت ويوصل لين نص ساقها وفاتحه شاعرها ومخليته ويڤي طار لها منصور وحضنها بكل قوته وهو من زمان يستنى ذي اللحظه الي تنكت له ليان ويحضنها انكتمت ليان منه وحاولت تبعده وبعد ما ابعد منها وطبع بوسه في خدها بكل قوته وطلع يركض لانه عارف انها عصبت منها وقبل لايطلع قال :ترا العرس بعد اسبوع ومافي تأجيل
شهقت ليان وقالت بصراخ : مو على كيفككككككك
طلع وقال لامه : يمه ترا العرس نسويه ف الرياض بعد اسبوع
ردت عليه امه: كانك تسرعت ياولدي بس تبشر
ودخلت امه تبشر الكل ان زواج ولدها بعد اسبوع في الرياض ووصل الخبر عند مجلس الرجال ووافقو وقام الجد تكلم وقال: شرايكم نخلي زواج نواف مع زواج منصور في نفس اليوم ؟
تكلم ابو فيصل وقال : تم ماعندنا مانع بس اول شي نشاور امه
واتجه بعد ما اخذ الموافقه
عند ام فيصل قامت بعد ما جاها اتصال من زوجها يقولها تجيه برا
واول ماطلعت قالها : يبون الزواج بعد اسبوع مع زواج ولدهم منصور شرايك؟
قالت : اي والله خليه اسبوع يمديهم يجهزون نسويه مره وحده
ابتسم ابو فيصل برضى واتجهه لمجلس الرجال يعطيهم الموافقه اتجه للمجلس وعطاهم الموافقه ودارت بينهم السوالف والضحك ومن بين السوالف جا اتصال عند ريان واتجه برا المجلس حاول يدور مكان مافيه ازعاج مشى لين وصل عند اسطبل الخيول
رفع السماعه وكان المتصل واحد من اخوياه رد وقعد يسولف ويضحك كان يسولف ويضحك بعيد شوي عن ازعاج الخيول وبعد ماخلص مكالمه اتجه عند الخيول بفضول وهو يبي يشوفهم كان جاهل وجود الهنوف هناك وهي رايحه هناك عشان تصور مع الخيول وهي مشتاقه لها مرهه كانت تعشق الخيل
دخل ريان عند الخيول وانصدم يوم شاف الهنوف هناك كانت عاطيته ظهرها وتصور الخيل انهبل من جمال شعرها وجسمها كانت لابسه فستان ابيض ماسك على جسمها وتاركه شعرها البني ويڤي منسدل على ظهرها هاذا وهو ماشاف وجهها انهبل كذا وعرف انها الهنوف بعد ماسمعها تقول وهي تلعب الخيل : ياعيون الهنوف انتي ادري هملتك
كانت قاعده تلعب الخيل حقها وتسولف معه حلف ريان انه مايخليها وتقدم لها وقال : الهنوف!
صرخت الهنوف بفجعه وقالت بحدهه : وجععع من انتتتت وكيف تجرئت تجي هنا
رد ريان بتخدر من جمالها : اهدي اهدي انا ريان تكفين يالهنوف قبلي فيني والله اني ابيك وشاريك تركي سعود يولي ولا تقبلين فيه تكفين يالهنوف
كانت الهنوف واقفه بصدمه ولا هي عارفه تتحرك ولا تسوي شي
كان ريان قاعد يحاول فيها وهي واقفه كانو قريبين من بعض حيلل كانت الهنوف عاجزه تتحرك من الصدمه ومن الكلام الي قاعده تسمعه هالشي خلا حصه تسانس وهي من الاساس حاقده على الهنوف وتبي تخرب علاقتها بأي طريقه كانت مصوره كل شي من اول ما دخل ريان عند الهنوف لين خلصو
اول ما استوعبت الهنوف الي قاعده يصير صفقت ريان بكل قوتها وقالت : انت كيف تتجرئ انك تقرب مني وتطالعني
وصرخت في وجهه وقالت : صدددد بنظرك ياحقيررر صددد
وطلعت تركض من الاسطبل واختفت عن انظار ريان الي رجع لمجلس الرجال بقهر وهو حقد على سعود وحقد على الهنوف
عند الهنوف رجعت تركض عند قسم الحريم ودخلت المطبخ من الباب الخلفي وهيي تبكي ومو مستوعبه الي صار
شافتها الريم وهي جايه المطبخ تاخذ شغله وقالت : بسم لله عليك الهنوف شفيك في احد سوا لك شي !!
ردت الهنوف بعد ماهدت وقالت لها كلشي صار وختمت كلامها وقالت: تكفين يا الريمي لاحد يدري مو ناقصه مشاكل
حضنتها الريم بكل حنية وقالت: معليك ياعيوني محد يدري اهدي وامسحي دموعك وامشي نطلع لهم
وبعد ساعات من السوالف والضحك استأذنو اهل ابو فيصل عشان يرجعون لاهلهم واهل حماد بما ان المسافه بين الديره والرياض من اربع الي ست ساعات قالو بيباتون عند عناد لين يوم ثاني ويرجعون للديره مع بعض وهم قررو اهل عناد بيرجعون للديره يوم ثاني عشان يمديهم يجهزون لعرس نوره ونوافها وليان ومنصورها
بعد اسبوع بدون اي احداث مهمه في الرياض تحديدا بيت الجد عناد
كان سعود قاعد يسولف مع امه وابوه وطرت في باله فكره وقال : الا يمه شرايك املك على الهنوف وبعد ما اتخرج واتوظف نسوي العرس
ردت عليه امه : والله ماعندي مانع ياولدي بس اول شي نشاور عمك والهنوف اذا رضو الله يتمم لكم على خير ولا انت شرايك يا عبدالمحسن
رد عبدالمحسن : لا بالله ماعندي مانع قوم نشوف عمك ونكلمه ونملك اليوم
قال سعود يلا اجي مشينا نكلم عمي واتجه سعود وابوه لبيت الجد عناد عند ابو الهنوف عشان يكلمونه ولحسن حظهم كان موجود في الصاله يسولف مع ابوه وامه
اول مادخلو طار سعود يسلم على جده وجدته ومن بعدهم عمه ودخل ابو سعود وسلمو على بعض وقامو يسولفون وسعود قاعد متوتر خايف عمه يرفض وتكلم عبدالمحسن وقال: الا يا عبدالعزيز وش رايك نملك على سعود والهنوف اليوم وبعد مايتخرج سعود ويتوظف نسوي زواجهم
قام ابو الهنوف وقال: والله تصدق لي يومين الفكره تطري في بالي والله حلو بس لازم نشاور الام وبنتها
وقال عبدالمحسن : ابد روح شاورهم وتعال انا موجود
قام ابو الهنوف واتجه لجناحه عشان يكلم ام الهنوف والهنوف بالموضوع
دخل ونادى وكانت امها موجوده في الصاله  الهنوف وقال : تعالي اجلسي يابنتي عندي لك موضوع مهم
تقدمت الهنوف وقالت: امرني يبه
ابو الهنوف : اسمعيني يابنتي ذا الشي بسويه برضاك واذا انتي ماتبين بكيفك
زوج عمتك جاني من شويات مع سعود وقالو يبون يملكون عليك اليوم وبعد مايتخرج سعود ويتوظف نسوي العرس وش رايك يابنتي
فزت الهنوف من سمعت اسم سعود وطاري الملكه ومسكت قلبها بشووق له وقالت: والله الشور شورك يايبه انا ماعندي مانع والي تبيه سوه
قال اجل باذن الله اليوم المغرب تملكون
وانتشر الخبر في بيت عناد وبيت حماد واتجهو كلهم يتجهزون للمغرب...

(السلام حبايبي جيتكم ببارت حلوووو اتمنى يعجبكم ورايكم يهمني🌚❤️❤️❤️
تعالو انستا roow22a)