وانا ياسعود طحت لي بحب مخلوق

البارت الثالث عشر

سعود قام بعد ما ودع امه وابوه وبعد توصيات وطار يجهز اغراضه وسيده على المطار...
عند عرسانا ليان& منصورها:
دخلو الفندق وكان الوضع صمت ثنينهم مو مصدقين انهم اجتمعو في بيت واحد
وبعد دقايق من الصمت قرر منصور يتكلم وهو كان طول وقته ساكت مو عارف يعبر عن الفرحة
منصور: لياني بدلي وخلصي وانا بطلع اطلب العشاء
ليان: من عيوني
منصور : ياذا العيون الي ماخلت فيني عقل اعشقهم
ليان بخجل: ياحبيبي انت، طلع منصور بدون رد وطلب العشاء على ماتبدل ودخلت دورة المياه "يكرم القارئ "
وبدلت ملابسها وحطت من كريماتها بريحة الياسمين وفيها من ريحة العود وخلصت بسرعه وفتحت شعرها الويڤي ياخذ راحته وطلعت بعد ما خلصت وشافت منصور قاعد يستناها
ابتسم منصور برضى وحضنها بكلللل قوته وقال وهو يضحك : تدرين احس اني مو مستوعب احس اني في حلمم هو صدق احنا اجتمعنا في بيت واحد!
ليان وهي تضحك بخجل: ايه صدق نقدر نقول انتصر الحب
منصور بأبتسامة عريضة والله انتتصرررر وقاطع حديثهم الجرس دليل وصول العشاء وانتهى يوم منصور وليان برضى وحب
نوره &نواف: مشت ليلتهم نفس ليان ومنصور بحب وكان نواف طاير فيها من الفرحه كان جمالها يوجع القلب
عند سعود بعد نص ساعه وصل المطار وقعد بستنى الطياره وكان باقي عليها دقايق بس تكى على الجدار وقال شعر قبل يركب الطياره :

اشتقت لك وانا على البعد مجبور
ودي اغمض وافتح العين والقاك
-
ياحبيب قلبي بعد فرقاك مقهور
وش حيلة الي يترجى يسمع صوتك

اضحك مع الناس ولاني بمسرور
سارح بفكري واشتكي ضيم فرقاك
تنهد بضيقه وركب الطياره تارك كل شي وراه يبي ينسى الهنوف وينسى كلشي صار بينهم
يوم جديد على اهل عناد اجتمعو كما عودناكم على سفرك الغداء كانو الكل موجودين ومسويين غداء بمناسبه زواج ليان ومنصور ونوره ونواف وكانو عرسانا متواجدين
بعد الغداء اجتمعو كلهم بأمر من الجد وبدء يتكلم : الله لايغير علينا اللمة وانشاءالله نشوف احفادكم يارب
الكل بردود مختلفه : امين / الله يحفظك وغيره
الجد: قبل لا اتكلم الا يامنيره وين سعود ولدك ماجا على الغداء ولا الحين مو موجود
منيرة: والله العذر والسموحة ماكان في وقت عشان نتكلم ولا عشان يودعكم بس سعود راح يكمل دراسته في لندن مراح يطول هو سنتين وبيتخرج والوضع صار بسرعه ومامداه يعطيكم خبر بس
الجد بصراخ وعصبيه : بأمررر مين يسوي كذااا بدون مايشاور احد قلبي الادب والبنت الي ملك عليها بدون حتى يعرس ولا حتى يشاور احد سلامات وييننن احنا قاعدين فيه!!!
منيرة : والله يايبه الولد مادري شفيه متغييير صاير مايتكلم وجايني زعلان ومتضايق وانا حاسه انه فيه شي بس ماتكلم وجاني الفجر قالي الخبر ذا وماحبيت اضغط عليه
الجد بحده : وليه ماتتكلمين وتقولين معليه انا اوريه الخايس
الهنوف طالعت بصدمه وتغورقت عيونها بدموعها من الصدمه بس حاولت تبين انها عادي ومو مهتمه وهي تحاول تنساه وتنسى كل شي صار
صالح تكلم بعصبيه : الوقح يروح بدون مايقولي هو امس طول وقته معي ولا تكلم انا اعلمك ياسعود هين هين
ضحكت منيرة تغير جو لهم وتكلم الجد من بعدها على طول: سمعو انا جمعتكم هنا عشان اقول لكم قراري الجديد زي ما انتو عارفين البنات كبرو وفي الي اعرسو خلاص من الحين لا اشوف وحده من البنات كاشفه عند عيال عمها كل وحده تمشي فالبيت بغطاها خلاص البنات كبار
وانتو يالعيال لا اشوف واحدً فيكم كاشف على وحده منهم بتقعدون مع بعض كل وحده تلبس غطاها وتجي وسالفة انكم تطلعون من البيت بحجاب ذي انسوها كل وحده من بكرا تلبس نقاب
استمعو له الكل والكل وافق وبدون اعتراض لانهم عارفين جدهم مايحب احد يعارض كلامه ومن بعد كلامه
اجتمعو البنات في مجلس الحريم ويسولفون ومن ضحك عشان يغيرون نفسية الهنوف لانهم حاسين فيها تعبانه بس مايدرون وش فيها
"مرور زمني"
بعد مرور سنتين بدون اي احداث مهمه تخص سعود والهنوف
الاحداث المهمة :
ليان ومنصورها رُزِقو ببنوته اسمها نوران عمرها ست شهور عايشين حياتهم بكل حُب ومابينهم اي مشاكل ابدا
نورة ونواف: رُزِقو بتوؤم بنت وولد رعد ورغد عمرهم سنه كانت بينهم مشاكل خفيفه فالبدايه بس الحمدالله انحلت ومشت حياتهم سعيدة خالية من المشاكل تماماً
رهف تزوجت اخر صديقها مقرن ثلاثيني طيوب بس مايرضى الغلط ابداً وعاشت حياة حلوه بين صديقتها وزوجها ورُزِقت بولد اسمه تميم عمرة سنه وست شهور
نجي عند بيت من زمان ماتكلمنا عنه
عند اهل حماد تزوجت فرحتهم الاوله من البنات جوري تزوجت اخو صديقتها وعايشه حياة تعيسة بسبب خالتها الي مو راضيه فيها ولا تبيها بس عندها زوجها حمد الي معوضها ويعاملها باسلوب جدا راقي وحلو
وحصه وسلطان بين كل يومين مشكلة مشاكل حصه ابدا ماتخلص وكل شي مو عاجبها ومحد طايقها من اهل زوجها ابدا بس ساكتين عشان سلطان
نجي في لندن عند بطلنا وخريجنا سعود كان يوم تخرجه وكان مسوي بث مباشر حق اهله عشان يطالعون تخرجة عن بعد ودموع فرح خواته وامه اختلطت مشاعرهم بين دموع فرح ودموع شوق كبيير له وهو ماتحلى الجلسه الا فيه
سعود وسط الزحمة والفرحه الي هو فيه : يمه حققت حلمي والله حققته واخذت البكالوريوس يايمهههه وبشتغل في وظيفه احلاميييي
ام سعود من بين دموعها : الله يوفقك يايمه ونشوفك انشاءالله احسن دكتور وفي اعلى المناصب يارب
سعود: اللهم امييين
وقطع نقاشهم مدير الجامعة الي يدرس فيها سعود
المدير : Hello Saud, I want to talk to you about an important issue
"مرحباً سعود، أريد أن أتحدث معك عن موضوع مهم"
سعود: go on what do you want
"تفضل ماذا تريد"
المدير : You are a candidate for a very good and well-paid job
"أنت مرشح لوظيفة جيدة جدًا وذات أجر جيد"
سعود: And what is this job
"وماهي هذة الوظيفة"
المدير: We have a doctor's job at the university. Think about it well
"لدينا وظيفة دكتور في الجامعة. فكر في الأمر جيدًا"
سعود : Well, I'll give you the nod tomorrow
"حسنًا سوف اعطيك الموافقة غدا"
انهو نغاشهم بمصافحة ورجع سعود يكلم اهله وشافهم الكل مجتمع حول الجهاز ويكلمونه من عمامه ومن العيال والبنات كلهم الا الهنوف لانها بالقوة تخطت بس بحدود والكل متغطيين وحاطين البث ف التلفزيون
الجد: سعود وش يبي منك ذا الي جاي يهذر
سعود : يقول انه يبيني اتوظف عندهم دكتور في الجامعة والوظيفة راتبها كويس جدا وقلت لها بجيك بكرا اعطيك الموافقه
الجد بشك بس بدون مايبين : ليه انت ناوي تطول هناك
سعود: اي بمدد الجلسة هنا وبشوف الوظيفة بجربها دام فيها راتب زين ليه لا
ام سعود: زيين يايمة بس تكفى لاتطول علينا ترا مشتاقين لك
سعود توجع من كلمة امه بس مايبي يجي ويقابل الهنوف: انشاءالله يميمتي انشاءالله وانتهت مكالمة طوييلههه بين سعود واهله
عند الهنوف كان صوت التلفزيون عالي وسمعت صوته بس ماعطت اي اهمية وجلست تطقطق بجوالها
عند الجد اول ماخلصو من مكالمة سعود قال : يا عبدالعزيز ويا فتحية دام الهنوف ماشاءالله عليها كبرت وصارت تعتمد على نفسها وقربت تدخل ٢٢ ليه ما تسفرونها لندن تكمل دراستها هناك
عبدالعزيز: والله ماعندي مانع بس وش الطاري
الجد عشان يبعد الشكوك عنهم: لا بس ودنا نفرح فيها
ضحكت فتحية وقالت: انا والله ماعندي مانع الشور شورها والله يوفقها انشاءالله
سمعتهم الهنوف وهي رايحة المطبخ ودخلت وقالت: كاني سمعت اسمي وبتسفروني ليه؟
الجد: اي بتخليك تكملين الدراسه في لندن
الهنوف نطت بفرح وقالت : العبببب حلمي بيتحقق
ضحكو عليها وقال ابوها : روحي رتبي امورك واحجزي كل شي وابشري بعطيك كل شي تحتاجينه
الجد: وانا بحجز لك الفندق وبرتب لك كل شي هناك
الهنوف باست راس ابوها وجدها وطارت ترتب كلشي بفرحة عظيمة وانتشر الخبر ف البيت ان الهنوف بتسافر تكمل دراستها في لندن بعد اسبوع
في الجهة الثانيه عند رهف&مقرن :
مقرن دخل بيته مرهق من العمل والتعب واضح على وجهه وقابلته رهف عند الممر: تو الناس تجي مو من جدك قايله لك ابي اروح بيت اهلي!
مقرن: رهف يرحم والديك فكيني تعبان ومرهق مالي خلق شي ابدا
رهف: مالي دخل انا من مساعه جاهزه تعبانه ولا مو تعبان انا ابي اروح بيت اهلي طفشت من البيت
مقرن وهو اعصابه بدت تفلت وبحده: رهفف لاتلعبين باعصابي قلت لك ماني موديك وبصراخ فكيييننييي بس!!
رهف بنفس الحده: مراح افككك لو ايش بتوديني الحين
تقدم لها مقرن ومسكها وجهها بقوه وبصراخ : قلت مابي اسمع صوت تعبانننن فكيني ودفها على الكنب
رهف بصوت مهزوز ودموعها اخذت مجراها: جعل يدك الكسر بدق على اخوي يجي ياخذني
مقرن طنشها ومشى ياخذ شور ويرتاح لانه بيموت من التعب
رهف اتصلت على اخوها صالح واول ماوصلها صوته حاولت تعدل صوتها وتكلمت: صلوح حبيبي تعال خذني
صالح: ليه وين زوجك ؟
رهف: جا تعبان ونام تكفى والله مشتاقه لكم مره وبنام عندكم
صالح: من عيوني يلا دقايق وانا عندك
رهف : كفووووو عضيدي كفو استناك جاهزه
ضحك صالح بخفه وقال يلا يلا جاي