وانا ياسعود طحت لي بحب مخلوق

البارت التاسع

ودخلو نامو بعد يوم كان حلوو من جهة سعود والهنوف ...
عند الريم ماقدرت تنام من التفكير وعجزت تفسر نظرات صالح لها مستغربه وهي اول مره تشوفه يناظرها كذا وبعد ساعه من التكفير غطت بنومه عميقه ..
صباح يوم ثاني كان سلطان قاعد في سيارته بتعب والحزن طاغي في وجهه بعد مالقى شقه مؤقته وكان قاعد يفكر هو وش سوا عشان ابوه يمد يده عليه قدام اخوانه ويسوي ذا المشكله كلها
وحرك مشى متجهه لبيت اهل زوجته وبعد نص ساعه وصل ونزل يطق الباب وفتحت بنته الجوري الي عمرها ١٢ سنه
وحضنت ابوها بفرح وقالت بابا واخيرا شفناك
ابتسم سلطان بضيق وبادلها الحضن وقال ياعيون بابا انتي روحي نادي لي امك
وهزت راسها بمعنى طيب وراحت تركض تنادي امها
وشوي وطلعت حصه له وقالت: اهلا سلطان وين اختفيت
رد سلطان والتعب باين في وجهه : تكفين ابي اريح شوي بموت تعب من امس وانا ادور شقه وبالموت حصلت ابي ارتاح ساعه على ماترتبون اغراضكم
ردت عليه حصه وهي فرحانه : صدق زييينن يلا ياحبيبي اصلا واضح آنك تعبان ادخل المجلس وريح المغرب بجي اصيح
هز راسه سلطان بموافقه وقبل تمشي حصه مد يدينه وحضنها باقوى ماعنده وتنهد وقال: اهخ توني صرت بخير
ابتسمت حصه برضى وبادلته الحضن بس بعدت عنه بسرعه ووجها احمر من الخجل قالت بس لاحد يشوفنا
ضحك سلطان بخفه ودخل وحط راسه ونام بتعببب شديد
في الجهه الثانيه "الديره " عند اهل عناد :
في جهة البنات كانو يرتبون المكان حق الغداء مع جدتهم ويساعدونها
وعند العيال كانو متجمعين في مجلس الرجال يسولفون على بآل مايستوي الاكل
وبعد مارتبو وتغدو وخلصو تجمعو كلهم في الصاله الكبيره من حريم ومن رجال وكانو البنات مخططين على فكره حلوه ويبون ياخذون رايهم فيهم
ابتدت نوره تتكلم وقالت اسمعوني كلكم عندنا فكره حلوه وقلنا بناخذ رايكم
كلهم سكتو وبدو يسمعونها
قالت: حنا يوم نروح السوق عجبتنا فكره الملابس والاشياء القديمه الي كنتو تلبسونها وتسوونها وقررنا ان نسوي حفله زي عروسكم القديمه منها نتعرف على الديره والناس الي فيها ومنها نتونس شوي
كلهم عجبتهم الفكره وقال الجد عناد : ابد سوو الي تبون واي شي تحتاجونه طلعو مع العيال وجيبوه بس متى بتسوون الحفل ؟
ردت عليه دلال قالت ينفع بكرا ؟
كلهم ردو عليها بحماس اييييي والي يقول حلووو وحماس
وبعد ما وافق الجد وهو بعد قرر يسوي حفله زي عروسهم القديمه بينصب خيمه كبيره وبيعزم فيها كل ربعه والي عزون عليه
نرجع الي كانو في الصاله الامهات راحو يقيلون بقى البنات والعيال جلسو يخططون وش بيسوون وهم تقريبا شرو نص الاغراض وبقى اشياء بسيطه يشترونها وانقسمو نصين
دلال ودانيا وليان بيروحون مع منصور والوليد وناصر للسوق يشترون باقي الاغراض الناقصه
و عُمر وسعود وصالح بيروحون ينصبون الخيمه ويجهزون كلشي داخلها
وباقي البنات الريم والهنوف ورانيا و نوره ورهف وأمل وتغريد بيجهزون البيت ويرتبونه لان يبي له شغل كثير وبعد ما خلصو قسمه كان على اذان العصر صلو العصر واتجهو كل واحد وعلى شغله
في السوق كانو منقسمين البنات راحو يشترون الي ناقص حق حفلهم والعيال يشترون الي ناقص حق الخيمه
عند البنات دلال ودانيا كانو منشغلين يختارون وليان كانت قاعده على جوالها ومفهيه ماتدري وش قاعد يصير شوي وجاها واحد حاول يتحرش فيها وليان تبتعد عنه ويقرب اكثر
فهد: افا ليه ليه الخوف قربي مراح اسوي لك شي
ليان : انقلع ا. ابعد تكفى لاتسوي لي شي ودموعها خذت مجراها
فهد: صاحيه تبيني اشوف الزين ذا كله ما اسوي شي ! وتوه بيقرب اكثر ومسكه منصور من ياقته ودفه على الجدار " كان منصور يراغب كلشي من بعيد ويوم دقق اكثر وشافها ليان راح يسرع لها وعيونه شوي وتنفجر من العصبيه " الجمه كف بكل قوته وبدء يضربه ضرب وبالموت فرقوهم عن بعض واول ما فرقوهم راح فهد يركض ولا لقو له اي اثر اختفى من السوق كلياً
عند منصور راح يركض عند ليان وشافها واقفه مع البنات سحبها من يدها وقال لها : سوا لك شي القذر؟؟
قالت بهمس عشان محد يسمعها : لا ياحبيبي ماجاني شي انت واضح تعورت اسفه والله
رد عليها منصور بنفس طبقه صوتها : معليه فدا ياعيون منصور اهم شي وسوا لك شي
هزت راسها بمعنى لا ومشو اتجهو للمزرعه وهم خلاص تقريبا خلصو وشرو كل شي يحتاجونه
الجهه الثانيه في المزرعه كانو البنات يشتغلون ويتهاوشون بنفس الوقت وبعد عناء طويللللل ومشاكل خلصوا ورتبو المكان الي بيحتفلون وبعد ماوصلو الي ف السوق كملو معهم ترتيب وخلصو وكان المكان في قمة الروعه كان مرتب وجميل
عند العيال كانو نفس حال البنات يشتغلون دقيقه وطول وقتهم هواش وخلصو بعد اربع ساعتين من الكرف والشغل
وبعد ماخلصو ورتبو راح الجد مع عياله يشوف الخيمه الي سووها وانبهر من الترتيب وكلشي كان يبيه الجد مسويينه بضبط
عند البنات نزلت الجده مع الامهات يشوفون وش خبصو بناتهم وهم متوقعين انهم ماسوو شي بس تغير ذا كله بعد ماشافو المكان كيف كان حلو ومرتب
وجا الحين دور الجد عناد مع الجده فهده وعيالهم وحريم عيالهم يطلعون للديره ويعزمون كل الي يعرفونهم 
عند البنات والعيال اجتمعو كلهم في المشب وقعدو بتعب وقال سعود شرايكم نطلب من المطعم ووافقو كلهم وبالموت حصلو مندوب يوصل لهم الاكل
وقعدو بزهق يستنون الاكل وقال عُمر شرايكم تقولون لنا شعر ولا قصيد وهالمره بدء صالح يقول :
ياسعود لي وليف بقلبي احب طاريه
واعشق حروفه الاربع واغنيها على شانه
هو في عيني عطيته قلبي كله
وخليته بمحبتي منفرد ووحدّاني
ولا ودي الناس يعرفونه ويحكون معه
طبعي اناني واحب.. املاك قلبه .