وانا ياسعود طحت لي بحب مخلوق

البارت الثالث

البارت الثالث
ومرت يومين بدون اي احداث ويعتبر الاسبوع ذا الاسبوع الميت...
في يوم الاثنين الصباح كانو الهنوف وامل يتجهزون حق حفل تخرجهم الي بعد ثلاث ساعات كانو ياخذون العقل من جمالهم كان يوجع يهبلون شوي دخلت ام الهنوف وام امل يحصنون بناتهم ويشوفون اذا محتاجين..
شي
عند سعود كان ماله خلق يدوام ابدا بس. مستانس انه بيوصل أمل ومعها الهنوف راح عند جناحهم ودخل غرفة اخته يسألها متى يخلصون كان مايدري ان الهنوف موجوده دخل وانصدم من جمال الهنوف كان يوجع جمالها كانت لابسه تنورة لين نص ساقها سوده وبلوزه بيضه وحاطه ميكب يناسب لبسها وحفلها وكانت اخر لمساتها في نفسها روجها الاحمر الي نفس لون هياة تخرجها وأمل كانت لابسه تنورة كحليه وبلوزه بيضة والهنوف كانت هي الي حاطه لها الميكب اول مادخل سعود انفجعت الهنوف وصرخت وصد وطلع على طول سعود وهو مو مصدق ان ذي الهنووف هام فيها وفي جمالها
طلعت له أمل تسأله شفيه وقالها متى بتخلصون وقالت شويات انزل استنى تحت ودخلت عند الهنوف الي رجعت تضبط عمرها وتجهز وشوي ولبسو عبايتهم وخذو اغراضهم وهداياهم نزلو تحت واول مانزلو شافهم سعود وكانت الهنوف شايله في يدها كيس هدايا وورد احمر كثير وجات في باله اغنيه بيشغلها ف السياره يمكن تحس فيه كان سرحان فيها وهو كل شوي يتذكر تفاصيل وجهها وشعرها الطويل الويڤي صحى من سرحانه على صوت أمل وهي تقول :سعود وين وصلت يلا حنا جاهزين نمشي
مشو وركبو السياره وكانت المدرسه بعيده شوي واول ماحركو شغل سعود اغنيه وبدء يغني مع البارت الي جا يقول:
لو سألت الورد وهو مابين يديك
اقطعك واقول لك عمري فداك
انصدمت الهنوف من صوت سعود كان صوته حلو بما تعنيه الكلمه وحست انه يقصدها بالاغنيه لان عيونه كانت طول الوقت عليها وشوي ودخلت معه وهي تقول
بصوتها العذب:
لو رجع عمري ابرجع وابتديك انت اجمل شي عشته ياملاك
سعود وجعه قلبه من صوتها وهو كل ماسمع صوتها تذكر شكلها
وشوي يوم خلصت الاغنيه صرخت أمل بحماس وصفقت وهي تقول والله وطلعت اصواتكم حلوه ياكلاب ماتو ضحك عليها واستمرت السوالف والضحك بينهم ويوم قربو المدرسه خذت أمل الجوال وشغلت اغنيه وليتها ماشغلتها جابتها على جرح سعود
بدت امل والهنوف يغنون مع الاغنيه ويقولون:
غارت عيوني من عيوني عليك
وشلون لا شافك من الناس غيري
لاتسأل الي ميتً حيل فيك
وبدء سعود يغني معهم ويقول :
اموت في حبك وهاذا مصيري بعدين وقف الاغنيه وقال اي والله هاذا مصيري من هنا بدت امل تشك ف اخوها انه يحب كانت بتسأله بس ماحب تحرجه وسكتت ووصلو المدرسه ونزلو ورجع شغل الاغنيه مره ثانيه وهو يشوفهم يدخلون المدرسه ووده ان محد يشوف الهنوف غيره من هنا ادرك سعود انه جايها على وجهه مشى سعود واتجهه للجامعه
دخلو المدرسه وبدء حفل تخرجهم وكانو ماخذين عقول المدرسات والطالبات بجمالهم كانت حواراتهم كلها عن امل والهنوف وخلص التخرج وكان فخم وكبير وراحو سعود وصالح ياخذونهم وصلو المدرسه وكانت الهنوف وقافه مع نايفه وباقي صديقاتها وامل واقفه بعيد مع صديقاتها وشوي واشرت امل حق الهنوف ان سعود وناصر جا ودعت الهنوف صديقاتها ووقفتها نايفه تسالها مين الي يسوق وقالت لها انه سعود ولد عمتها وطارت فيه نايفه حبته من اول نظره بس ماقالت حق الهنوف ومشت امل مع الهنوف وركبو السياره وكانو مستانسين حيل شوي وقالت أمل سعود عطنا شوي من شعرك قال لها ابشري وبدء وقال على قولة خلف هذال :
من هواها طيور الهواء فلاّس
بالشوارع قليل تخطيها ، دونها
الباب والقفل والحراس حذروها
وانا ميتً فيها !
كل ماجيت بسلا من الهوجاس
مال ميزان قلبي بطاريها
خدها ورد وعيونها نعاس
بأحسن اوصاف ربي مسويها !
وصفقو كلهم امل و صالح بحماس وكانت الهنوف منصدمه انه شاعر وكان متقن الكلام وصوته كان حلوو
عند سعود اول ماخلص شبك جواله وشغل اغنيه عبدالمجيد وبدء يغني ويقول:
فارقه ما تشبهين الاك ياصعب المنال
وقامو الباقي يرددون معه وشوي ووصلو البيت واحتفلو مع الهنوف وامل بتخرجهم وجهز الغداء وتغدو وكل واحد راح على غرفته عند الهنوف راحت غرفتها ووصلها اتصال نايفه وردت وسولفت معها شوي وقالت لها انها طول اسبوع الاختبارات بتجي عندها كل يوم عشان تذاكر معها استغربت الهنوف لان ولا مره قالت لها بتجي بيتهم بس وافقت وسكرت ونامت ومر اليوم والاسبوع بدون اي احداث مهمه...
دخلنا اسبوع الاختبارات النهائيه كان البيت هدوء مافيه حس كانت نايفه قاعده مع الهنوف وتدور بعيونها على سعود وشوي والتقت بسعود وهي رايحه دورة المياه وقالت له سعود شخبارك ؟
انصدم سعود وهو مايعرف من ذي ووش تبي منه صد عنها وقال مين انتي ووش تبين !!
قالت له شدعوا شفيك خايف مراح اكلك الا بقول شرايك فيني
عند سعود عصب حيل وهو مايحب البنات الي من ذا النوع صرخ عليها بقوه وضحكت نايفه ضحكت استهزاء وقالت يازين المعصبين وراحت تحت انظار سعود الي عيونه تطلع شرار من العصبيه
عند نايفه راحت وجلست تذاكر مع الهنوف ولا كان صار شي وانتهى يوم كئيب بسبب الاختبارات ..
نجي الصباح كانو كلهم قاعدين يفطرون سريع عشان يلحقون يراجعون قبل الاختبار وتوزعو في السيارات
سعود وناصر وصالح مع بعض وبياخذون من البنات الهنوف وامل و سامي واميره
و خالد بياخذ رانيا ودانيا  وعماته التوؤم لانهم يدرسون جامعه اخر سنه برضو والريم وليان ورهف كلهم في جامعه وحده
وباقي الاولاد مع بعض والي راح شغله ومرت يومين وثلاث ايام بدون احداث مهمه في عايله عناد وبرضو في عياله حماد كانو يمرون في نفس الايام وكل يوم تكرر مافي شي جديد وكل يوم نايفه تلتقي مع سعود وتقعد تسوي حركات قدامه لين اخر مره راح قال لاخته امل بحكم انها اقرب وحده له وقال انه يحب الهنوف وكب العشاء عندها بس للحين الهنوف ماتدري ماقالت لها وراحت امل في اخر يوم اختبارات نهائيه عند نايفه مسكتها  امل في زاويه وهزئتها لعبت فيها لعب وقالت لها تبتعد عن سعود لانه يحب الهنوف عاد هنا نايفه حقدت على الهنوف وراحت انهت علاقتها مع الهنوف وقطت عليها كلام يجرح وغير ذا صفقتها كف ورجعت الهنوف البيت منهاره صياح لان اقرب صديقه لها مدت يدها عليها وغير ذا انهت علاقتها كانت مو مصدقه ابدا منهاره حيل عكس باقي البنات والعيال الي كانو فرحانين انهم خلصو اختبارات نهائيه...
(السلام حبايبي رجعت ببارت جديد وحلو حيللللل اتمنى يعجبكم ❤️‍🔥❤️‍🔥 عطوني رايكم في التعليقات وتعالو انستا roow22a )