Unicode
အကြောင်းအရာ _ စိတ်ကောက်နေတဲ့အမျိုးသားကို ချော့မယ်။
"သူတအား စိတ်ဆိုးနေတာလား "
ဝမ်ရိပေါ် သူ့အတွက် အကြိုလွှတ်ပေးလိုက်သည့် ကားပေါ်တက်ထိုင်လိုက်ရင်း ရှေ့ခန်းမှာ ရှိနေသည့် အတွင်းရေးမှူးယွဲ့ကို မေးလိုက်သည်။ ဒရိုင်ဘာတောင်မဟုတ်ပဲ အတွင်းရေးမှူးယွဲ့ကို အကြိုလွှတ်လိုက်ကတည်းက အခြေအနေသိပ်မကောင်းမှန်း ရိပ်မိပေမယ့် သေချာအောင် သတင်းနှိုက်
ကြည့်ရမည်။
"မသိပါဘူး ဝမ်သခင်လေး"
"အာ ကျွန်တော့ကို တလေးတစားကြီး ဆက်ဆံစရာမလိုပါဘူး ဝမ်ရိပေါ်လို့ပဲခေါ်လို့ ရပါတယ် "
"ဘော့စ် မကြိုက်တာကို လုပ်လို့မဖြစ်ပါဘူး သခင်လေးဝမ်"
အတွင်းရေးမှူးဖြစ်တာပဲ နှစ်တွေကြာလှပြီ သူ့ဘော့စ်အကြောင်းကို သေချာသိလေ၏။ နေရင်းထိုင်ရင်း ရှာလကာရည်သောက်နေ
မည့် ဘော့စ်ကြောင့် သူ့အလုပ်လေး မဆုံးရှုံးချင်ပါဘူးနော်။
"ဓာတ်ပုံတွေ တွေ့သွားတော့ သူတအား ဒေါသထွက်နေလားဟင် "
"မသိပါဘူး "
"နည်းနည်းလောက် ပြောပြပါလား"
"မသိပါဘူး "
ဘူး တစ်လုံးဆောင်နေသော အတွင်းရေးမှူးယွဲ့ကြောင့် ဝမ်ရိပေါ် ကူကယ်ရာမဲ့သွားရ၏။ အင်းလေ ဒီလို နှုတ်လုံလို့ပဲ ရှောင်းကျန့်ရဲ့ အတွင်းရေးမှူးဖြစ်လာတာပေါ့။ ကုမ္ပဏီနှင့်နီးလာလေလေ ရင်ပိုတုန်လာလေပင်။ ကိုယ့်နှလုံးခုန်သံတောင် ကိုယ်ပြန်ကြားနေရသည်အထိ ထိတ်လန့်နေမိသည်။ ဓာတ်ပုံရိုက်သွားတဲ့သူကို သိရင်တော့လား။ ကောင်းကောင်းကြီး ပညာပေးလိုက်မယ်။
အား!!! အားတဲ့ နတ်ဘုရား ဆင်းကယ်ပေးကြပါ!
____________
ဒုတ်...ဒုတ်... ဒုတ်...ဒုတ်
သူ ထိုင်နေတာ နာရီဝက်ကျောက်နေပြီ။ ရောက်ကတည်းက ထိုင် ဆိုတဲ့တစ်ခွန်းပဲပြောပြီး အလုပ်တွေပဲ အာရုံစိုက်နေဟန်ရှိကာ
သူ့ကို ဘာမှပြောမလာသလို ဘာမှလဲမမေးပေ။စာရွတ်လှန်တဲ့အသံကလွဲ တိတ်ဆိတ်နေကာကြာတော့ လူကရူးချင်လာသည်။ တစ်ခုခုမေးရမှာမဟုတ်ဘူးလား။ မေးမှ
သူလည်း ဖြေရှင်းလို့ ရမှာပေါ့။ ဒီလိုကြီး
လစ်လျူရှုထားတော့ နေရခက်လာလေ၏။
VOCÊ ESTÁ LENDO
သမီးတစ်ယောက်ကိုပြုစုပျိုးထောင်ရတာလွယ်ကူမနေဘူး!!
Fanficနေရင်းထိုင်ရင်း သမီးတစ်ယောက်နှင့်ယောက်ျားတစ်ယောက် ကောက်ရလိုက်ပြီးနောက် ဘဝကြီးက ကမောက်ကမတွေစဖြစ်တော့တာပါပဲ😑😑😑
