Unicode
1652.4မီတာ ကျယ်ဝန်းသော ကိုယ်ပိုင်ဆေးရုံဝန်း၏ အဆောက်အဦများစွာထဲမှ ငါးထပ်အဆောက်အဦအတွင်းရှိ ဆရာဝန်များ နားနေခန်းအတွင်း တာဝန်ချိန်ပြီးဆုံးသောကြောင့် duty coatအား ချွတ်ကာ နောက်မှီခုံတွင် တင်လိုက်သည်။
ပြတင်းပေါက်မှတစ်ဆင့် လေအေးလေးများ ဖြေးညင်းစွာ တိုက်ခတ်နေသည်က တစ်နေကုန် ပင်ပန်းထားသမျှအား ပြေပျောက်စေသည်။ တစ်နေ့လုံးပြေးလွှားနေသော ခြေထောက်အစုံအား အညောင်းသက်သာစေရန် ပြတင်းပေါက်ဘေးရှိ ကျွန်းခုံပေါ်တွင်ထိုင်ကာ မျက်လုံးများလည်းမှိတ်ထားလိုက်သည်။
သူကြိုက်သော ဆေးရုံနံ့ သူမြတ်နိုးသော duty coat သူတန်ဖိုးထားသော လူ့အသက်တွေ ဒါတွေက သူ့ဘဝအတွက် အရေးပါလေသည်။ ထိုသို့သော အိမ်မက်ကို စတင်ဖြစ်ပေါ်လာစေခြင်းက သူချစ်ရသော အမျိုးသားတစ်ယောက်ကြောင့်ပင်။ အိမ်မက်ကို
အကောင်အထည်ဖော်ပေးသောသူက
ထိုအမျိုးသား (သို့မဟုတ်) သူ၏ခင်ပွန်း
ဦးတည်စေမင်း ။
Style Pant မီးခိုးရောင်အိတ်ကပ်ထဲမှ Iphone 13promax အနက်ရောင်လေးမှ ဖုန်းသံမြည်လာသောကြောင့် လက်၏ လှုပ်ရှားမှုနှင့်အတူ မျက်လုံးအားဖွင့်ကာ phone screenသို့ ကြည့်လိုက်သည်။ screenတွင် ခေါ်ဆိုလာသော အမည်နာမကြောင့် တုံ့ဆိုင်းမနေပဲ accept လုပ်လိုက်သည်။
"ဦးတည်"
သူ၏ချစ်ရသော လူကြီးမို့ နှုတ်ဆတ်စကား ခံမနေပဲ ထိုအမည်နာမအား ခေါ်လိုက်သည်။
"ရှူ့ ဂျူတီချိန်ပြီးပြီ မဟုတ်လား"
ဖုန်းလိုင်းထဲမှ လူကြီးအသံသည် သြဇာငြိမ့်ညောင်းပြီး ရှူ့ရဲ့ နှုတ်ခမ်းထောင့်စွန်းလေးများ ညွှန့်တက်စေရန် လုံလောက်သည်။
"ဟုတ်ကဲ့ ပြီးပါပြီ ဦးတည်"
တစ်ခွန်းမေးလျှင် တစ်ခွန်းပြန်ဖြေမှ ကြိုက်သောကြောင့် ရှူ့သေချာဖြေရသည်။
"အဲဒါဆို အိမ်ပြန်ပြီးမှ သေချာနား ရှူ့"
"ဟင်! ဦးတည် ဘယ်လိုသိလဲ"
