Unicode
မြန်မာနိုင်ငံ မြန်မာလူမျိုးတို့၏ တစ်ခုတည်းသော နှစ်သစ်ကူးလသည် တန်ခူးလသာ ဖြစ်ပေသည်။ တန်ခူးလသည် အပူရှိန် အပြင်းဆုံးလဖြစ်ပြီး ရေများခန်းကာ ခြောက်သွေ့သောကြောင့် အေးမြမှု့ကို ရရှိစေရန် တစ်ဦးနှင့်တစ်ဦး ပျော်ရွှင်စွာ ရေပက်ကစားကြခြင်းဖြစ်သည်။ တန်ခူးလတွင် အစဥ်အမြဲ ကျင်းပလေ့ရှိသော မြန်မာ့ရိုးရာ အတာသင်္ကြန်ရေသဘင်ပွဲသည်
မြန်မာ့လူမျိုးတို့ရဲ့ ဓလေ့ဖြစ်သည်။
တန်ခူးလတွင် ဝေဝေဆာဆာ ပွင့်လန်းသော ပိတောက်ပန်းကိုလည်း ချန်ထား၍မရ။ " ပိတောက်ပန်း" လို့ ဆိုပြန်ရင်လည်း နှစ်သစ်ကူးပြောင်းသည်ကို မြန်မာလူမျိုးတိုင်းသိသည်။ " ပိတောက် " သည် အာရှနိုင်ငံများတွင်သာ ပေါက်ရောက်ပြီး မြန်မာနိုင်ငံရဲ့ " National Flower " ဖြစ်ပါသည်။
"သားရေ ရှု့ရှိန်း...."
"ဗျာ... တီလဲ့"
အိမ်ရှေ့မှ နာမည်အား အော်နေသည်က တီလဲ့အသံ။ တီလဲ့သာလျှင် အသံစွဲကာ ခေါ်သည်။
အိမ်မကြီးဘေးရှိ ရေကန်တွင် တစ်နေ့တာ၏ တာဝန်များကို စတင်ပြင်ဆင်ရသည်။ ပြင်ဆင်ရသည်က မျက်နှာသစ်ခြင်းသာ။ မျက်နှာသစ် သွားတိုက်ခြင်း အမှုအပြီး ရင်းနှီးသည့် အသံကြောင့် ပြန်ထူးကာ အိမ်ထဲသို့ ဝင်လိုက်သည်။
အိမ်မဘေးရှိ တံခါးပေါက်မှ ဧည့်ခန်းဘက်သို့ဝင်လိုက်ရာ တီလဲ့၏ လက်ထဲမှ ပွေ့ပိုက်လာသော ပိတောက်ပန်းခက်များ။ ရှု့သဘောကျ နှစ်သက်ရသော ရွှေဝါရောင်ပိတောက်ပန်းများ။ ခပ်သင်းသင်းပန်းရနံ့ တို့မှာ အိမ်တစ်ခုလုံး လွှမ်းမိုးသွားလျှက်။
"မွှေးလိုက်တာ.... ပိတောက်ပန်းတွေက ပွင့်နေပြီလား"
"တန်ခူးလရောက်တော့ ပွင့်နေပြီ သားရဲ့ ပဲကြော်ဖိုဘက်သွားရင်း တစ်အိမ်ကျော်မှာ
နှစ်ပင်လုံး အတူတူပွင့်တော့ လှလိုက်တာသားရယ် ပိုင်ရှင်ကိုပြောပြီး သားဖို့ယူလာတာ"
လက်ထဲမှ ပိတောက်ခက်များ ရှု့အားပေးလာသဖြင့် လက်လွှဲယူရင်း ထိရှိုက်ရှူလိုက်သည်။ 'တကယ်ကို သဘောကျစရာ ရနံ့လေး'
