دخيلة ابو ردام

بارت 1

كل واحد ياخذ من قصصي بدون علمي او ما يكتبون اسمي ما ابري الذمه

قصة جديدة من وحي خيالي ........
كاتبة سالي
-
-
-
گعدت ورى باب بقهر ، شنو ذنبي اذا ابنهم قاتل !! ولكم خافوا الله بيه اني يتيمة ما الي احد ليش هيج تسوون بية .... هل مرة مراح اسكت كافييي هواي سكتتت بس لهنا و كااافي .... َ(ڳّأُتٌبّةَ سًأُلَيْ )
نزلت جوة بعصبية صيحت علي جديتي و مرت عمي
جمرة : تحلموووون اروح فصلييية افتهمتوااا ، ابنج يستاهل ينسجن ما افدي بروحي علمودكم

گامت مرت عمي جرتني من شالي و ظربتني دفعتني للگاع ، گامت تدفرني بكل مكان ركضت عمتي و دفعتها
مريم : تنكسررر ايديج زماااله شلون تمدين ايدج عليييهة !!! گومي بنيتي گومي ... حسبي الله عليج حسيبة
حسيبة : اخذي جلبة بلا اخلاق تراددني اكص لسانهة حقيرة ...
اخذتني عمتي و طلعتني برا ، حظنتها و اني ميته قهر رفعت راسي جان اشوف واحد واگف صافن علية و حاط مبايل جوة أذنه ، اتقرب علينة بقلق حاجة عمتي
رماح : عفوا محتاجين مساعده
مريم : لا ابني تسلم
صاحوا له و راح بس كل ساع يلتفت علينه ، طبيت جوة لغرفتي
مريم : گومي انهزمي !
جمرة : شنوو !!! صدگ تحجيين ! َ(ڳّأُتٌبّةَ سًأُلَيْ )
مريم : ما اگدر اشوف جمرة الراكان هيج تتعذب
جمرة : بس شلون ... اخاف يلزموني ولله يموتوني !!
مريم : شوفي هذا الولد الي شفنا برا هذا شيخ ابو ردام من بيت شيخ **** ركضي صعدي سيارتهم أهم شي تبتعدين منانة و من توصلين روحي يم شيخهم متأكد هو راح يساعدج
جمرة : بس ...عمة خايفة كلش
مريم : ماعندج غير هاي حل ..... عوفي الخوف و انهزمي راح يدمروج ... تدرين شنو معنى فصلية !!! يعني خدااامة لا عبالج مثل هاي قصص  يعقد عليج شاب حلو و يعذبج و بعدين يحبج لا هاي قصص كلها جذب ب جذب ... تدرين منو راح يعقد عليج ؟؟
جمرة برجفة : منو ؟؟
مريم : ابو الولد الي مات ! عمرة 65 سنة !!
انصدمت من صدمة گعدت بلگاع گمت الطلم و اضرب وجهي و اجر بشعري و اصيح و اعاتب بأمي و ابوي لان عافوني بأيد هيج ضلام ، لزمتي عمتي و حظنتني و هي تبجي وياي ...
مريم : كافي ..شششش ... موزين عليج لا سكرج يرتفع وعد مراح اخليهم يدمروج
جمرة : عمة ...اريد ابوي و امي ... محتاجتهم كلش
مريم : عساها ببختهم إنشاءالله ... گومي بنيتي راح اجيبلج مستمسكاتج  اخذي و انهزمي مثل ما گلتلج صعدي بسيارة واحد من هذول شيوخ ..بس دربالج تصعدين سيارة بيت شايب الي راح يعقد عليج ...
جمرة : بس شلون اعرفهم ؟؟
مريم : هسة تشوفين نفس ولد الي شفنا برا واگف يم سياراتهم و انتي شوفي يا سيارة مفتوح صعدي بلصندوگ ماشي
جمرة : ماشي

طلعت عمتي ورا دقايق رجعت بيدها جنطة ويا علاجي و ابر انسولين
مريم : هاج هاي ابر انسولين اخذيهن وياج كلهة

طلعت صورة امي و ابوي و حطيت بداخل جنطة
مريم : انتظريني اهنانة خل اشوفلج طريق خاف يكشفونا
همين طلعت ما طولت هواي رجعت لزمت ايدي و رحنا بأتجاه باب وراني حظنتني بكل قوتها .
جمرة : عمة ما ادري شلون اجازيج ربي يحفضج الية .
بست راسهة و طلعت ، جسمي كلها جان يرجف وصلت ليم باب أمامي شفت مليان رياجيل مسلحين  ، گلبي جان يدگ الف من خوف و جسمي كلها دا ترجف ، لاحظت  نفس ولد اجه شغل سيارتة و نزل طب جوة گلت هاي فرصتي ركضت فتحت باب صندوق ماخليتة ينفتح هواي صعدت و سديتهة تنفست براحة بس بعدني خايفة و راح اموت من خوف اتذكرت ابوي من علمني دعاء