دخيلة ابو ردام

بارت 8

كاتبة سالي
-
-
-

رماح : خيير منو انت ؟؟ من وين تعرف جمرة ؟؟
علي : اني علي ابن عمتهة ، دكتور الي عالجهة يصير صديقي و هو خبرني كلة بسببي ما ساعدتهة !
لزمت ياخته ، قبل لا اضربة بعدونا عمامي ..
رماح : لك خسييييسسس بيااا عييين جااااي لهنااااا
علي : اكو سوء تفاهم ولازم تعرفونهة ... اني علي اصير ابن عمتهة هي جانت تثق بية بيومهة خابرتني و گالت اني ببيت شيخ خزاعي ..و جدي ناوي يزوركم و طلبت مساعدة مني بس .. اني عصبت عليهة و سديت فون بوجههة . َ(ڳّأُتٌبّةَ سًأُلَيْ )
(اتذكرت يوم الي خابرت على واحد اسمة علي ! )

علي : اني هم رحت لحتى اتأكد اذا جدي صدك يعرف بمكانهة لو انتوا عازمين جدي ، ردت ادگ باب جان اسمع ابن عمي يسولف لجدي ، شحاجي على جمرة لواحد اسمة ضرغام عل اساس اني حبيبهة و ما ادري شنو هواي خرابيط بس ولله كلة جذب ، هي بحسبة اختي ما فد يوم باوعتلهة بغير نضرة الله شاهد ، كل هاي اتهايم علمود انتوا تطردوهة اهلاً جدي هدر دمهة اي واحد يشوفهة يكتلهة .

ابوي صعد ضغطة من الي سمعة ، يالله شكد ضلمناهة اخذنا ابوي لطواري شكد كرهت نفسي لان ضلمتهة و خليت اهلي هم يكرهوهة ، شوي جان يطب جواد مثل مخبل

جواد : شبيهة ... شبيهة جمرة !؟؟
خبرنا بحالة جمرة گعد خوف و قلق باين على وجه ، بيومهة للصبح يلة تعدل ضغط ابوي و رجعنا للبيت ، حبيت اضل يم جمرة بس بأي صفة !! نبهت جواد علمود ينتبه على جمرة و ما يغيب عنهة للحضة بسبب جدهة و عمامهة . َ(ڳّأُتٌبّةَ سًأُلَيْ )

جمرة : فتحت عيوني احس بوجع براسي ، رؤيتي مغوشة ... شوي شوي يلة توضح .... شفت جواد گاعد على كرسي و غافي .... اتذكرت كلامهم للحضة انهاريت كلش و شعور واخد يتهمج بكتل اهلج كلش صعبة خاصة همة ماتوا گبال عيوني و ما گدرت احميهم جنت حاط ايدي على وجهي و ابچي ..
حسيت بجواد لزم ايدي يريد يهدأني بس جنت كلش منهارة
جمرة : جواد گلبي يوجعنيييي !!
جواد: ششش اهدي موزين عليج ... كافي ياروح جواد .. اصيحلج دكتور .
جمرة : لك شلون اهدأ همة شاكييين اني كاتلة اهلي !!!

طب رماح شاف جمرة بهاي حالة گبل صاح دكتور اجة ضربلهة مهدئات شوي و هدئت بس جانت تشهك
جمرة بصوت ممبوح : اريد ... اطلع .
جمرة ويا كل كلمة جانت تشهگ و كل شهكك جانت تشك گلب رماح ، ورى ما خلصوا معاملات رجعوا للبيت
رماح : خوية ايات صعديهة فوگ خل ترتاح .
جمرة : لا .. اريد احجي وياكم
رماح : انتي تعبانة مو وكتهة
جمرة : لاااا وكتهة َ(ڳّأُتٌبّةَ سًأُلَيْ )
من صيحت جمرة ، رماح صار اعصاب راد يصيح عليهة لان يكره واحد يعلي صوتة علي .
شيخ : رمااح عوفهة خل تحجي ، تعاي بنتي
جمرة : اريد اسئلكم ... شنو الي سمعتوا عني ؟؟ و خلاكم تباوعولي بنضرة كره ، بنضرة وحدة رخيصة و...كاتلة !؟؟
شيخ : بنتي بلأول سمعيني ..... انا وحدة غريبة اجتي ك دخيلة لبيتي و يجيني كلام  من ابن عمج هو اقرب ناس الج .. يحجون هيج شي عليج شنو تتوقعين مننا نسوي !!! انتي الي خليتينة نشك بيج لان ماحجيتيلنة سالفتج ... اما بخصوص اخر كلمتين گلتيهة ... ولا واحد مننا باوعلج بهاي نضرة انتي الي تهيئلج لانج زيادة عن لزوم حساسة .