دخيلة ابو ردام

بارت 25

كاتبة سالي
-
-
-
كل ركضنا للبيت مشتمل و نصيح باسم زينة ، المنضر صدگ مرعب ... سمعنة صوتهة تجي بلداخل ، هي بس رخام هول واگع و شوي مال مطبخ هم ... رماح دفر باب و طب جوة شفناهة واگفة بزاوية ترجف بخوف ...اول ما شافت رماح عرفتها تريد تحضن رماح ، قبل لاتسويهة وگفت گبالها و حضنتني اني و ردام باوعتلهة  و خزرتهة ... اجة راجح و حضنت راجح ، خابرت عل امي .. گالت خالو احمد جاي عليهة و تبات يمهم ... بيومهة محد طب جوة من خوف ... لحد صبح بقينة برا و الجو بارد ... صار صبح راجح گال خل تجي زينة و تعيش يمنة منار گلبت دنيا بلأخير غصباً على راسهة رضت .. انتقلت زينة لغرفة الي جنت بيهة قبل .... َ(ڳّأُتٌبّةَ سًأُلَيْ )

كعدت صبح ... توزاني تخربطت من ورا زلزال .... نزلت جوة حطيت ردام بحضن عمتي ، حضرت ريوك الية و لردام ... و تريگنا و گمت نضفت بيت كلها .....  ايات رايحة لبيت اهلها ف كل شغل علية ، نزلت خاتونة زينة

زينة بصياح : وين اكل ؟؟ ليش مامحضرين اكل ؟؟؟
جمرة : عندج ايد تگدرين تحضرين اكل لنفسج
راجح : شبيج طالعة صوتج لسابع جااارر ؟؟
زينة : جوعانة و مامحظرين اكل
راجح جر اذنهة و گال : عندج ايد لو لا ؟؟؟
زينة : اااخ عوفنييي ، اي عندي
راجح : لعد اليوم غدا عليج ، انتي الي تحضرين غدا افتهمتييي ، جمرة خيتي روحي كعدي ارتاحي
زينة : اييي بس هاي الي گادر علي تصيح و تتأمر علية
راجح : تعلين صوتج علية ولج !! َ(ڳّأُتٌبّةَ سًأُلَيْ )
زينة : ها ... لا اسفة ولله ماعيدهة بدون قصد ولله
راجح : ولييي من گدامي يالله

رحت يم عمتي كعدت صرنا نحجي بلمواضيع بجى ردام ، عرفت بي جاع ، رحت للمطبخ زينة باوعتلي بطرف عينهة ما اهتميتلهة حطيت ممية و حطيت بي حليب بس بقى ماي اسخنها و احطهة ، لبين ما تتسخن ماي خابرت رماح
جمرة : الو حبيبي
رماح : الو يابعد هلي
جمرة : حياتي ترجع علمود غدا ؟؟
رماح : اي راجع هاي اني بلطريق عمري ما تحتاجين شي اجيبلج وياي
جمرة : لا حبيبي بس سلامتك

سديت من رماح ، رحت صبيت ماي و اخذتة اجتي زينة وراية .... ما ادري شعدها ! اخذت ردام من ايد عمتي و حطيت ممية بحلكة باوعت على زينة جان تباوع بخبث ...
اكيد مسويتلها مصيبة ياستار ... وگع عيني على ممية شفت بيهة نقط اسود !!! وخرت ممية من حلگة
جمرة : هاااي شنوووو !! َ(ڳّأُتٌبّةَ سًأُلَيْ )
ردام صار يبجي حطيت دخلت ايدي بحلگة خليتة يزوع ...
ام رماح :يماااا شبيج جمررة
رماح : هاي ليششش جمررة ؟؟
جمرة : رمااح بسرعة خل نوديي لمستشفى الممية بي نقط اسود ...
رماح: ركضييي لبسي عبايتج

ركضت فوك جريت عباية و نزلت جوة ، صعدت سيارة دمموعي تنزل عشرة عشرة .... رماح صار يصيح علية ...اول مرة يصيح علية
رماح : شلووون ما تنتبهييين زيين
جمرة : ولله من صبيت بي ماي جان نضيييف ولله
رماح : لعد من وين اجتي هاي نقط اسسسود
جمرة : ما ادري ولله ما ادري
رماح : خل نوصل و يصييير خير َ(ڳّأُتٌبّةَ سًأُلَيْ )