دخيلة ابو ردام

بارت 5

لا اله الا الله
اللهم صلي على سيدنا محمد
استغفر الله
-------------------------
كاتبة سالي
-
-
-
رماح : جان اسمعهة تحجي ويا واحد اسمة علي ، بضبط ما سمعتهة شتحجي لان ابتعدت من ورا الباب ، بس يمكن تريد تنهزم .. فزيت على صوت أيات
ايات : رماح !! َ(ڳّأُتٌبّةَ سًأُلَيْ )
رماح : احم ... ها خوية
ايات : ردام يبجي ما اعرف شلون اسكتهة منا امير كعد يبجي .
رماح : اي جايي
رحت وراهة شلت ردام ، ابوي باوعلي و هز راسك (بمعنى شنو الي صار) هزيتلة راسي ب (لا ماكو شي ) ماريد اظلمهة اروح اسئل عليهة خاف يطلع ابن عمهة لو عمتهة .
باوعت على ردام صافن علي لزمت راسة بست خدهة بوسة قوية صاير يشبهني سرسري ، شميت ريحتة افيييش يا بعد هلي و ناسي .

اجتي جمرة بيدهة مبايل ، رجعتهة لأبوي ، اجتي يمي
جمرة : خوية يمكن ردام موصخ نفسة انطيني انضفة
شميتة صدك موصخ نفسة ، باوعت علي عيونهة يموتن ، كبار و مجرورات كان مصبوب عسل بعينهة ، انسحرت بجمال عيونهة ، ما انتبهت غير لما صاحتني يلة انتبهت ، انطيتهة ردام و اخذتهة للحظة نسيت كلشي و گمت اتخيل هي مرتي و ردام أبننة ، ابتسمت ... بعدين رجعت لوعيي ، شدا اسوي !! كل عقلك رماح ، كل عقلك تريد ترجع تغلط نفس غلطة .. َ(ڳّأُتٌبّةَ سًأُلَيْ )
رماح : يله اني طالع محتاجين شي ؟؟
ام رماح : لا يمة بس دربالك على نفسك
شيخ : وين بوية ؟؟
رماح : اتأكد من سالفة و اجي احجيلك .
طلعت من بيت بعد ما بست راس امي و رحت ليم صديقي (ضرغام ) روح بلروح ، سلمت علي و صار يعاتبني لان من زمان ما سائل علي ، كعدت صبلي چاي ، رشفت رشفة من چاي

رماح : ولله ضلع جاييك بشغلة
ضرغام : أامر ابو ردام
رماح : اريدك تتأكدلي من سالفة .
ضرغام :  شنهوة ضلع ؟؟
رماح : قبل فترة اجتنه بنية دخيلة .
ضرغام : يا هلا همين دخيلة !
رماح : د أسمع بلأول .... هاي دخيلة سالفتهة كلش غريبة .. مدا تحجيلنة شنو سالفتهة .... هي حفيدة شيخ مرتضى ، اريدك تعرفلي كل سالفتهة . َ(ڳّأُتٌبّةَ سًأُلَيْ )
ضرغام : من عيوني اصلاً حفيد شيخ مرتضى يصير صديقي ، اروح يمة و اعرف شنو سالفتهة .
رماح : ماشي ... بس دربالك يعرفون بنتهم يمنة !
ضرغام : ولا يهمك ضلعي .

بعد ما گعدت ويا ساعتين و طلعت من يمة و رحت للمحل ، چيكت على وضع و رجعت للبيت .

جمرة : جنت متأكد علي مراح يساعدني ، ولله خجلانة كلش من شيخ و عائلتة احس دا اخدعهم ، رجعت مبايل لشيخ و اتقربت من رماح طلبت ردام لان جان يبجي ، جان يصفن علية ، ياربي شسالفة ولله خجلت ، جريت ردام على كيف يلة انتبهة ، صعدت فوك لغرفة رماح اول ما فتحت باب ، صفنت على جمال غرفة ، شكد حلوة و مرتبة ، الغرفة عبارة عن ابيض و شكري ، بلنص حاط جرباية جبيرة ام نفرين و يمة جرباية ردام ، و كنتور ردام مبين صغير . َ(ڳّأُتٌبّةَ سًأُلَيْ )
رحت طلعتلة بدلة حمرة بيهة نقش أخضر ويا حفاظتة و حطيت لهاية بحلگة ، رماح جان عندة حمام بداخل غرفتة ، رحت فتحت ماي  دافيء جبت ردام و نزعتلة ملابس و غسلت راسة و شطفتة ، اول مرة اشوف طفل يعشك ماي . صار يلعب بلماي بعد ما كملت لفلفتة بلخاولي و حطيتة على جرباية