دخيلة ابو ردام

بارت 24

كاتبة سالي
-
-
-
جمرة : باوعتلة بصدمة ، فعلاً تصنمت بمكاني ، ل خمس دقائق ما تحركت ولا رمشت عيوني من صدمة
جمرة : خ...خالو احمد !!!! َ(ڳّأُتٌبّةَ سًأُلَيْ )
احمد : جمرة !!! لا مستحيل ، جمرة هاي انتي !! انتي عايشة ؟؟؟
جمرة : ا...اي خالو اني جمرة ، مدللتك ... وينكم خالووو وينكم
احمد : اااااخ يا جمرايتي تعذبنا بدونج كلش
ارتميت بحضنة و صرت ابجي
احمد : بس ...شلون ؟؟ شيخ مرتضى گال انتي و ابوج توفيتوا ؟؟
جمرة : لا جذاااب ، جذب علية هم ... خالو تدري مامة عايشة بس ما ادري وينهة ، خالوا اروحلك فدوة اذا تعرف وينهة گلي !!!
احمد : شنو امج عايشة !! اصلاً هي جانت اصابتهة خفيفة ، بس من سمعت بخبر وفاتكم دخلت بحالة اكتئاب حاد صارلهة سنتين ما نطقت ولا حرف لا تقبل تحجي ولا تقبل تطلع من غرفتهة
جمرة : ا...امي يمكم !!! هي يمكم !! هههه ما اصدك !! لگيتهة ، لگيت اميييييي ياناااااس ياااعالم لگيت امييييي

حضنني قوي صرنا نبجي مامصدگين ولله ، لان جننا واگفين گبال باب غرفة رماح ، ف سمعوا صوتي انفتح باب كلهم يباوعولي بأستغراب ، وگع عيني على رماح يباوع بغضب و عيونة تجدح نار َ(ڳّأُتٌبّةَ سًأُلَيْ )
ابتعدت عن خالي ركضت طبيت جوة و اني اضحك و ابجي بنفس وكت استحيت احضنة گبالهم بس بست ايدة
جمرة : حمدلله على سلامتك رماحي .... ما اصدك فرحتين بنفس يوم

طلعت برا لزمت خالي من ايدة و طببتة جوة تحت نضراتهم مستغربة باوعتلة
جمرة : عمو .... هذا خالي احمد ، عمو لگيت امي !
الشيخ : ش..شلون بنتي ؟؟؟
احمد : مرحبا شيخ خزاعي ، انا احمد ابن الشيخ غياث ، مثل ما مرتضى لعب على جمرة و كذب عليهة بموت امهة ، سوى نفس شي بينة و كذب علينة بموت جمرة .
رماح : جمرايتي !! لگيتي امج !!
جمرة بفرحة : اي رماح ايي لگيت امييي لگيتهة
رماح : چا شمنتضرة روحي شوفي امج !
جمرة : اروح !!
رماح : اي روحي شوفيهة
جمرة : بس ماريد اعوفك انت ايوم كعدت !!
الشيخ : بنتي رماح احنة يمة ، روحي شوفي امج
رماح : اي صارلج فترة تنتضرين هاي لحضة . َ(ڳّأُتٌبّةَ سًأُلَيْ )

--------
طلعت جمرة ويا خالها صعدت سيارة ، وصلت لمنطقة راقية ...وگفت سيارة يم بيت جبير و حلو ، نزلت من سيارة و وگفت بصدمة گدام باب ، مدا تصدگ حالياً الحاجز وحيد بينهة و بين امهة هاي باب !!

جمرة : معقولة هسة راح التقي بأمي ؟؟؟ اني الي عبالي ميتة طلعت عايشة !! ما تفصل بيناتنة غير هاي باب !!! امي الي انحرمت منها لسنتين ، هسة راح اشوفها !! مدا اگدر اتخيل شلون راح يصير لقائنا .... خايفة و متوترة بنفس وكت فرحانة و متحمسة .... َ(ڳّأُتٌبّةَ سًأُلَيْ )

خالي جان فاتح باب و ينتضر مني افوت ... خطيت اول خطوة ، بعدين سميت بسم الله و طبيت جوة لگيت گدامي مرت خالي و بيدهة بنوتة عمرها سنتين ... اكيد هاي نارين !! شكد كبرانة ولدت قبل حادثتنا ب اسبوع ...
اجتي باستني .. واني مثل مصدمة لا اگدر احجي ولا ارمش فقط ابجي ....