دخيلة ابو ردام

بارت 22

كاتبة سالي
-
-
-
سمعت صوت سلاح وكعت بلگاع انهد حيلي من منضر الي گدامي و صيحت بكل قوتي َ(ڳّأُتٌبّةَ سًأُلَيْ )
جمرة : رمااااااااااااااااح
گمت ركض اخذ مسدس الي جان بأيد جدي و ضربتة طلقة اجتي بخاصرتة ... وكع ما ادري شصارلي بهاي لحضة ... لاول مرة ما اتندم على شي اسوي ....
ذبيت مسدس و رحت يم رماح
جمرة : رمااح
رماح : را..راجح .... جمرة و ردام ... بأمانتك ...لا تعوفهم ابد
جمرة : لااااا توصييييييييي رماح انت وعدتني ما تعوفني

رياض و راجح ويا حرس شالوا حطوا بلسيارة اني هم صعدت وياهم حطيت راس رماح بحضني
جمرة : رماح اروحلك فدوة لا تعوفني انتهي بدونك

وصلنا للمستشفى اخذوا رماح من حظني اني هم نزلت رحت وراهم ، طببوا رماح لغرفة عمليات كعدت گدام باب
منهارة َ(ڳّأُتٌبّةَ سًأُلَيْ )
رياض : خيتي گومي لبسي هاي بشت ... هسة يجون رياجيل
جمرة : رياض !! رماح مراح يعوفني مو ؟! گلة لا يعوفني ...
رياض : رماح اخوي قوي اعرفة راح يىرجعلنا بس صيري قوية
لبست بشت و كعدت على كراسي و بگلبي نار .. سمعت راجح يحجي ويا رياض و يگلة
راجح : شيخ مرتضى ناقليها بمستشفى ***
گمت من مكاني اريد اموتة ، ركضت حتى لا يمنعوني
راجح : جمرررة خوية اوگفي
جمرة : اليوم لو اني لو هوة واحد بينة لازم يموت .
نزلت جوة همة وراية ركبت تكسي وصلت لمستشفى بس ماعندي ولا فلس
جمرة : خوية اعتذر بس ماشايلة ولا فلس
-مو مشكلة خيتي توكلي
جمرة : شكراً َ(ڳّأُتٌبّةَ سًأُلَيْ )
دخلت للمستشفى شفت سكرتيرة وگفتهة
جمرة : قبل شوي وصللكم رجال جبير بلعمر متصاوب اسمة مرتضى !
-اي بصالة عمليات ...
ردت اصعد فوگ لزمني راجح من ايدي
راجح : اوگفي جمرة لخاطر رماح ...اذا لزموج مراح يعوفوج
جمرة : حقييير بعده عايششش
راجح : اهدي مو زين عليج .. وعد اجيبج غير مرة بس يتحسن رماح الله يخليج ترا مهدود حيلي

رجعت ويا ماردت اضغط علي لان مبين علي مقهور ... رجعت و دموعي على خدي من افكر رماح يصيرلة شي اتخبل ...رجعنا للمستشفى دكتور جان واگف ويا رياض و الشيخ و عمام رماح و ولد عمة ركضت لهم
دكتور : صراحة وضعة لحد هسة مامستقر ... حاطيلة 72 ساعة اذا ماكعد معناهة دخل لغيبوبة ... بس خلوا املكم بالله و الله يشافيه يارب . َ(ڳّأُتٌبّةَ سًأُلَيْ )

من سمعت كلام دكتور وكعت بلكاع لزمت راسي
راجح : جمرررة
-خيتييي ... كاضم صيح دكتور بسرعة
جنت بين فاقدة و واعية ... جنت اسمع كلامهم بس ماجنت اكدر احرك ايدي او افتح حلكي
حسيت واحد شالني و حطوني على سدي ، حطولي مغذي نمت رغم ما ردت انام اخاف اكعد ما الگى رماحي ....

راجح : منا رماح و منا مرتة و من ناحية امي و ابوي واحد وضعة اسوء من لاخ .... هد حيلنة رماح ... رماح مو بس اخوي ... احسة ابني رغم هو يصغرني ب 5 سنوات ... مرت رماح صاعدة عدهة سكر .... خابرت اهلي و گلتلهم هلى وضع رماح ... اتعجبت من امي لما گالت كلة بسبب جمرة !! امي كلش تحب جمرة و تعزهة .