دخيلة ابو ردام

بارت 6

كاتبة سالي
-
-
-
رماح : جاوبت على ضرغام و اتفقنا نتشاوف ، رحت لمكان اتفقنا علي ، شفتة واگف ينتضرني
ضرغام : هلا ضلع َ(ڳّأُتٌبّةَ سًأُلَيْ )
رماح : هلا بعضيدي ، ها بشرني !؟؟
ضرغام : عرفت كلشي
رماح : احجيلي بلتفصيل
ضرغام : مو گلت إبن عمهة صديقي ! رحت ع اساس جاي اخطب بنت عمهم جمرة ، ف هو تبلك و توتر و بعدين حجالي كلشي گال

(( جمرة قبل ما يتوفون اهلهة جان عدهة علاقة ويا ابن عمتي اسمة {علي}  جانوا يحبون بعض كلش ، هو اجة و طلب ايدهة ، بس اهلهة ما وافقوا رغم جان ابن اختة بس عمو راكان جان يعرف علي عندة سوالف سرسرلوغية ، الا هي جانت مخدوعة بي و شكد حجينالهة على علي و سوالفة طايحة الحظ ، بس هي ماصدگت بأحد لحد هسة هي منخدعة ب علي و ما تصدك ... ف من توفوا عمي و مرتة جبناهة يمنة و هي استغلت الأمر حاولت تنهزم اكثر من مرة ويا بس جدي جان يلگفهة و يموتهة كتل ، شكد جننا نگول لجدي خلينا نكتلهة و نغسل عارنا بس هو يگول {لا هاي امانة ابني } لحد يوم فصل مشكلة ابن عمي ياسين لما بيت شيخ خزاعي حلهة بفصلية قرر جدي ينطي جمرة فصلية بلكي تعقل بس هي انهزمت ويا حبيبهة } َ(ڳّأُتٌبّةَ سًأُلَيْ )

حجالي كلشي ، لما جاب اسم علي اتذكرت اليوم لما خابرت على واحد همين جان اسمه علي ! كلش انصدمت من حجي ضرغام
ضرغام : هاي حجي كلهة يا خوي ... ها نسيت اگلك ترا بيت جدهة يشكون بيهة هي الي كاتلة اهلهة لان ما قبلوا بعلي
رماح : لا مو لهاي درجة
ضرغام : صراخة اني صدگتة لان ليش هي الوحيد بينهم طلعت عايشة و ما صار بيهة شي 
رماح : زين شلون توفوا اهلهة ؟؟
ضرغام : ما ادري حسب حجي ناس يگولون واحد هاجم عليهم و كاتل امهة و ابوهة .
رماح: بلكي علي هو الي كاتل اهلهة !!
ضرغام : اي هي هيج قصدهم متفقة ويا علي و كاتلينهم حتى بوكتهة كال علي هم انسجن بس ما ثبنت على تهمة و طلع من سجن . َ(ڳّأُتٌبّةَ سًأُلَيْ )

رماح : اممم .... تمام ضلع مشكور ، اني اعرف شلون اتصرف وياهة ، جنت ادري هاي هم خبيثة مثل زينة و اكثر ، على اقل زينة بس عافتني اما هي كاتلة اهلهة علمود واحد ما يستاهل ، بس لا هاي مرة مراح اخليهة هاي تستغلنة .

ضرغام : تدلل خوي الي علي سويتة ، محتاج شي ؟
علي : لا بس سلامتك .
صعدت سيارتي واني بعقلي مليون فكرة خاف اهلهة جذابين !! ما ادري ولله اوف اوف حاسسس كأن حامل جبال على جتافي ، لازم احل سالفة قبل لا تدخلنا بمشكلة جبيرة

رجعت للبيت ، اتذكرت عفت ردام يمهة ، خفت علي بس لا تأذي هي كتلت اهلهة معقولة ما تكتل طفل ، طبيت للبيت صحت على ايات و اجتي
رماح : ايات وين ردام ؟؟ َ(ڳّأُتٌبّةَ سًأُلَيْ )
ايات : يم جمرة
رماح : روحي اخذي منهة و لا تخليهة تتقرب منهة بعدين افهمج السالفة .
ايات بقلق : صار خوية
طبيت للهول و سلمت على امي و بست راسهة ورحت لديوان شفت ابوي كاعد يباوع على تلفزيون سلمت و كعدت يمة و حجيتلة سالفة كلها .
رماح : بوية شنسوي خايف لا تأذيكم ، شنو رايك نخبر جدهة ؟!
شيخ : لا ابني اني وعدتهة احميهة ، اذا خابرت جدهة كون خالفت وعدي و اني موش رجال اذا خالفت وعدي !
رماح : حشاك بوية ، لعد شنو حل ؟؟ بيوم الي  اسافر للبصرة ما اگدر اامن عليكم وهي گاعدة ببيتنة