دخيلة ابو ردام

بارت 9

كاتبة سالي
-
-
-
رماح :دگيت باب ماكو اي صوت ، فتحته شفت جمرة و ردام متمددين و غافين ، ردام مختل راسة يم رگبة جمرة و هي هم لامة ردام بحضنهة ، للحضة تمنيت اكون مكان ردام ، الي يشوفهم عبالك جمرة ام ردام هلكد حنينة على ابني ، ابتمست واني اتخيل جمرة نايمة بحضني .... بس ... اختفت ابتسامتي من اتذكرت هي على ذمة رجال ثاني ! َ(ڳّأُتٌبّةَ سًأُلَيْ )
طلعت من غرفة امي و صعدت فوگ ،گعدت على جرباية ... روحتها من ايدي ، خلاص رماح هاي هية ارضي بقدرك .. انت ما مكتوبلك تحب و تتزوج و تعيش مرتاح .

لثاني يوم ... كلهم جانوا گاعدين على سفرة يتريگون كل واحد يفكر بمصيرة ، شراح يصير بحياتة قاطع تفكيرهم الشيخ َ(ڳّأُتٌبّةَ سًأُلَيْ )
شيخ : بنيتي جمرة ، بارحة بليل خابرني ابو جواد و خبرني اليوم راح تعقدون عقد محكمة ف حضري نفسج بنيتي عل ضهر جواد يجي ياخذج .
جمرة : صار عمو .
رماح : احم ....ليش ما تأجلون لغير يوم .
شيخ : ليش بوية يتأجل سالفة ؟
رماح : مو ... مو جمرة بعدهة مريضة .. اي بعدهة مريضة .
جمرة : لا حمدلله صرت زينة
كلهم جانوا يباوعون على رماح بأستغراب ، لاول مرة يحجي بتوتر ،هو هم باوعلهم و گام اخذ ردام الي جان بأيد امة و صعد فوگ .
شيخ : شبي هذا ولد ؟؟
ام رماح : ولله ما ادري .
شيخ :راجح بوية لازم نحل سالفتك انت و منار .
راجح : بوية انا منار ما تصيرلي مرة ، هذا ولد (اشر عل تامر ) كل يوم ينكتل ، من اسافر تعاقبهة بلأكل ، لشوكت نتعذب ، حتى ردام ... محد يگدر يعوف هذا طفل وحدة بسببهة ... تأذي اطفال ... لو امير من يلعب ويا تامر شلون تضربة .
شيخ : منار لازم تتعالج من هاي مرض ....
راجح : الله كريم بوية ... رياض اليوم راح نروح للبصرة بدال رماح َ(ڳّأُتٌبّةَ سًأُلَيْ )
رياض : اي عندي خبر .. جايينا اخشاب جديد

ضلوا يحجون بمواضيع شغل گامت جمرة صعدت فوگ فرحانة بس انطفت فرحتهة من شافت ماعدها شي تلبسهة بهيج يوم مميز ، جان تنفتح باب و تدخل ايات بيدهة ثوب ماروني يجنن
جمرة : شنو هاي ؟؟
ايات: گومي لبسي بسرعة راح تتأخرين .
دمعت عيونهة من فرحة ، اخذتهة و لبستهة ، طلعت من حمام جنهة لعابة ،و فرحة باين من عيونهة .
جرتهة ايات سوتلهة مكياج خفيف ، ايات تعجبت من جمالهة لان بحياتهة ماشايفتهة بلمكياج .
طلعوا ثنيناتهم من الغرفة ، صدفة رماح طلع من غرفة من شافهة بقى صافن بوجهها للحضة راد يگللها عوفي جواد انتي اليه و بس ..... بس داس على گلبة و عافهم و نزل استغربوا من حالة رماح

جمرة : نزلت جوة عمتي ضلت تقرا علية ايات و معوذات ، شوي و اندگ باب ديوان ، تامر راح فتح باب طب جواد سلم على كل ، گلبي چان يدگ سريع من فرحة ، احس جواد راح يعوضني عن كل شي عشتهة بهاي سنتين .
من شافني ضل صافن بوجهي
جواد : احم ... جمرة نطلع . َ(ڳّأُتٌبّةَ سًأُلَيْ )
جمرة : اي
سلمنا و طلعنا برة مد ايدة حتى يلزم ايدي ، معت من خجل فتحلي باب و صعدت سيارة هو هم صعد
بحركة فجائية باسني من يم شفتي ، تصنمت بمكاني ، ما توقعت منة هاي حركة ضليت مصدمة بعدين ابتسمتلة ، شعوري بهاي يوم كلش تختلف لاول مرة احس صدك واحد يحبني من بعد امي و ابوي وصلنا للمحكمة طبينة جوة ، بواسطة شيخ مشى امورنة بسرعة و عقدنا و صرت مرتة شرعًا و قانونيا .
جواد :مبروك النه جمرتي ، انشالله طول حياتج راح ادللج
جمرة بخجل : مبروك النة انشالله اني هم مراح اقصر وياك .
طلعنا من محكمة و ماشوف غير وگف گبالنة 5 سيارات مليان زلم انخطف لوني من خوف باوعت على جواد
جمرة : جواد ...جواد هذا جدي !!!
جواد : جمرة هاج سويج سيارة ركضي صعدي سيارة و قفليهة .
جمرة : ماعوفك وحدك جواد راح يأذوك !
نزلوا ولد عمي ، الحارس باب مال محكمة اجة
-خير خوية اكو مشكلة
جان يحجي ابن عمي
-لا خوية مشاكل عائلية
-ها اي هاي هية حلوها بيناتكم .
ابن عمي اسمة كاضم ، كاضم : اسمك جواد صح !
جواد : ايي خير شرايد ؟؟ َ(ڳّأُتٌبّةَ سًأُلَيْ )
كاضم : جايين نرجع بنت عمي
جواد : بنت عمك صارت مرتي ، على جثتي تاخذها
كاضم : صار تدلل
طلع سجين شهگت تصنمت بمكاني خلال ثواني دج سجينة ببطن جواد وگع بين ايدي لان جنت واگف ورا
جمرة : لاااااااااااااا ... جواد لا لا
جواد : ااخ جمرة ركضي
جمرة : لك حقيرررررر زمال الله يحرك گلبك
كاضم : جروهة لهاي ك****
اجوي ثنين من ولد عمي شالوني ضليت ارافس ذبني بصندوگ طلع قطعة قماش و يا شيشة و رش من شيشة على كلينكس و حطهة على خشمي ما رددت اتنفس بس ضربني على بطني و تنفستها و غوشت عيوني و بعد ماحسيت بشي .