دخيلة ابو ردام

بارت 2

كل واحد ياخذ من قصصي بدون علمي او ما يكتبون اسمي ما ابري الذمه

كاتبة سالي
-
-
-
رماح : گعدت صبح ردام بعده بحظني ، حطيتة علي جرباية و گمت صليت صلاة صبح و دعيت ربي يحفضلي اهلي و ابني و يوفقني بحياتي ...لميت سجادة و حظرت جنطة ردام لأسبوع شلتة و هو بعدة نايم نزلت سلمت علي امي و انطيتها ردام شافت ايده ضلت تدعي علي منار و تنوح بست راسهة َ(ڳّأُتٌبّةَ سًأُلَيْ )
رماح : يمة راح اسافر اسبوع علمود اشوف أثاث مال فرع بصرة
ام رماح : ربي يحفضك و يوفقك ياررب ... دربالك علي نفسك ..بس شلون علمود ردام !!
رماح : راح اخذه يم أيناس
ام رماح : احسن ابني ، بين ما تنقل اشياء عوفة بحضني   
رماح : ماشي يمة
رحت فتحت باب حطيت اغراض بلسيارة و عدلت كرسي ردام و طبيت جوة اجيب ردام ...

جمرة : مر اكثر من نص ساعة گوه اجر نفس و ادعي الله يرحم بحالي .... ماريد اموت و هذا ولد يبتلي ماله ذنب ... شوي و حسيت انفتح باب اتمددت و حطيت ايدي علي حلگي خفت بس لا يسمع صوت انفاسي.... شوي عاف باب و طب جوة رفعت راسي ماكو احد نطيت لي گدام وگع جنطة ردت اشيلة بس سمعت صوت طفل يبجي نزلت بسرعة و سديت باب شفت بستان ركضت طبيت للبستان .... َ(ڳّأُتٌبّةَ سًأُلَيْ )

رماح : طبيت جوة شلت ردام جان يفز و ضل يبجي، نزلت مرت اخوية أيات ...
رماح : خوية أيات بلا زحمة حظريله ممة بس
ايات : صار خوية
حظرت ممية و اخذتة من ايدي و شربته حليب
ايات : خوية ابو ردام ليش ما تعوفة يمي
رماح : لا خوية هي انتي ماتلحگين لأبنج

بعد ما ردام شرب ممية اخذتة و شلت جنطة الي بيهة اغراضة ضرورية سلمت علي اهلي و بست راس امي و ابوي و طلعت برة استغربت باب سيارة مسدود مو عفتها مفتوح !!! يجوز سديته و ما ادري بنفسي ... ما اهتميت لموضوع حطيت ردام بمكانة خاص و حطيت ملهي بحلگة و نوع سيارتي جان جكسارة و ورا كشن بيهة شاشة مثل ايباد ، ربطت قناة اطفال و حطيت بيدة لعبة و صعدت ... ضل طريق كلة يناغي لحد ما وصلت لبيت اختي دگيت باب و سلمت عليهة و علي زوجهة و اخذت ردام من ايدي و انطيتها مصروف بلأول ما قبلت ولا زوجها قبل بس اصريت ماريد اي شخص يصرف على ابني غيري ...سلمت و توكلت رحت للبصرة ......... َ(ڳّأُتٌبّةَ سًأُلَيْ )

جمرة : دخلت بلبستان و گعدت جوة نخلة گوة اجر نفس لحد ما ارتاحيت و گمت حسيت نفسي دايخة كلش احتمال سكري صاعد لازم اضرب ابره انسولين بس ما اعرف اني اضربهة كلها امي لو عمتي مريم جانوا يضربولي ابرة ... رجعت بأتجاه بيت شيخ و دگيت بابهم و اني مابيه ذرة طاقة و گلبي يدگ سريع ... انفتح باب
راجح : تفضلي خوية
جمرة بتعب : شيخ ... موجود
راجح : اي تفضلي منو انتي ؟؟ شرايدة من شيخ ؟؟
جمرة : الله يخليك خليني ...افوت
راجح بحيرة : تفضلي !
طبيت جوة لديوان شفت رجال جبير گاعد بشموخ ركضت له .... همة طلعوا اسلحتهم عبالهم راح اهجم عل شيخ ... من شفت سلاح جسمي گام يرجف ... گعدت جوة رجلين شيخ
جمرة : شيخ ابوس رجليك انه بشاربك و دخيلة عندك انقذني
شيخ : گومي بوية گوميي گعدي و فهميني وضع
جمرة بخوف و تعب و بجي : ش..شيخ اوعدني راح تنقذني ... َ(ڳّأُتٌبّةَ سًأُلَيْ )
شيخ :وعد بنيتي
جمرة : شيخ وعدتني ..
شيخ : شيخ خزاعي عد وعدة و بهل شارب انتي گومي ارتاحي و بعدين احجيلي سالفة

تنفست براحة ، الولد الي فتحلي باب صاح لبنية و اجتي ساعدتني حسيت خلاص هاهية نفذت كل طاقة عندي و وگعت بلگاع بعد ماحسيت بنفسي ..

أيات : بعد ما توكل ابو ردام گمت احظر ريوگ و همزين أمير نايم ... حظرت سفرة نزل حماي راجح ويا ابنه تامر و كلعادة خاتونة منار ماتنزل ... شفت تامر خدة مطبوعة مكان ايد شهگت و رحت يمة
ايات : شنو هااي !! َ(ڳّأُتٌبّةَ سًأُلَيْ )
حظنني و بجي ، تامر : عمة امي ضربتني لان حجيت صدگ !!
باوعت علي راجح ، نزل راسه بقهر بعدته عن حظني و گعدت گباله صرت بمستواه مسحت دموعة و بست خدودة
ايات : حبيبي تامر .. انت ما غلطت سويت شي صح .. و حتي لو ماما هم ضربتك انت رجال مايصير تبجي صح ...
مسح دموعة بطفولة احترگ گلبي على ، دعيت علي منار ... جان يندگ باب بوحشية
راح راجح فتح باب جان يطب بنية ... سبحان الله مو بنية حورية بس جان وضعهة متبهذل و بزور تمشي و تبجي ... طبت لديوان ورى شوي صاحني راجح  لحتى اخذ بنية ... رحت اخذتهة جان گبل توگع و فقدت وعي اجة راجح شالهة و حطهة علي تخم ..

جان تنزل منار شافت راجح شال هاي بنية هرجت دنيا علي راس راجح
منار : وللللك رااااااااجح تتزوج علية الله لا يوفقك لا همين جايبها للبيت منو هاي ساقطة هاااا

رادت تهجم على بنية لزمهة راجح ضربهة راشدي
شالها من ايدهة و ضربهة مرة لاخ و جر اذانهة

راجح بعصبية : هاي اول أخر مرة تستعملين هيج مصطلحات گدام اهلييي افتهمتييييي ... هاااي بنية دخيلة عدنا ولو انتي تستاهلين انزل عليج ضرة و اكسر خشمج ...هسة انگلعيييي من گدامييي يللله َ(ڳّأُتٌبّةَ سًأُلَيْ )

حيل بيهة جان لازم من زمان تاكل هاي كتلة .... البنية فتحت عيونهة و ماشاءالله عيونها خضر و كبار و رموشهة جانت مبللة من ورا دموعهة
جمرة : م...ماي ... اريد ماي
راجح : ايات خوية جيبي ماي بسرعة
جبتلهة ماي و اجيت ، شربتهة ماي ، عمتي لزمت راسهة جانت مصخنة
ام رماح : يمة راجح شيلهة تراها مصخنة لا تنشمر بنية
منار : شنوووو عينييي عشتو عود ليش زوجي يشيلهااا لا ولله ما تشيلهة
ام رماح : منااار مو وكت سوالفج ..شيلهة يمة
منار : علي جثتييي زوجي بحياتة ماشايلني عود يشيل هاي بنية لا ولله

ام رماح : منااااار كاافي هواي زودتيها عود حاسبة نفسج مرة و تغارين علي زوجج وخريي من گدامييي يللله

باوعت عليهة ماشوف غير خشمهة انطگ دم و همة دايتعاركون ، فتحت عيوني بصدمة و صيحت
ايات : يماااا بنية راحت
كلهم باوعو عليهة وجههة انترس دم ركضت صحت رياض جان گاعد يم ابو َ(ڳّأُتٌبّةَ سًأُلَيْ )

اجه هو و شيخ طبوا جوة صاح شيخ علي راجح
شيخ : ماتشيلهاااا بنية راح تموت
ايات : عمو منار متقبل ، رياض فدوة شيلهة لا تموت بنية
شالهة رياضو اخذها و صعدها بسيارة و اتقرب شيخ من منار و گال
شيخ : حسابج بعدين
عوجت حلگهة معاجبهة عجب ، طلعوا راجح و عمي
سمعت صوت امير يبجي رحتله ....

جمرة : فتحت عيوني اكو وجع براسي ..شميت ريحة ديتول باوعت على مكان وگع عيني علي قطعة صغيرة مكتوب بيهة اسم مشفى فزيت كلهم فزو وياي ، گمت بخوف شلعت كانونة ، بس لا يلگوني اهلي ابن عمي يشتغل بهاي مشفي
شيخ : بنتيييي اهدي
جمرة برجفة : لا لازم نطلع ...لازم نطلع منااا
شيخ : شبيج ليششش خايفة دفهميني موضووع
جمرة : ابن عمي يشتغل بهاي مشفي اذا شافني راح يخبر جدي و ياخذنييي فدوة شيخ ابوس ايدك طلعني منا قبل لا يشوفنييي
شيخ : خلاص اهدي .... راجح حظر سيارة راح نطلع......  يتبع ❤️‍🔥❤️‍🔥 َ(ڳّأُتٌبّةَ سًأُلَيْ )