دخيلة ابو ردام

بارت 7

مرحباً اعتذر عن تأخير بس جان عندي سبب💔💔
سبب الأول صراحة كتبت بارت و ما انخزن 💔
ثاني سبب تعبانة و مريضة منشولة اسم الله عليكم . والا جان نشرتلكم بارت 😕😔.

الكاتبة سالي
-
-
-
طلعت للحديقة خايفة من كعدة اليوم ، بيت شيخ مايدرون مهدور دمي ، كعدت على مرجوحة ادعي بلكي الله يسهل امور و يحل مشكلتي ... حسيت واحد واگف فوك راسي ، باوعت شفته جواد ، ابتسمتلة و ردلي ابتسامة .
جواد : عادي اكعد ؟! َ(ڳّأُتٌبّةَ سًأُلَيْ )
جمرة : اكيد تعال .
سويتلة مجال و كعد يمي ، حط ايدة على ايدي تفاجئت بلأول بس گلت هو حلالي عادي .
جواد : ادري بيج قلقانة علمود كعدة اليوم ، بس ثقي بيه مراح اخليهم يلمسون شعرة منج اذا اضطريت اضمج بگلبي

خجلت من كلامة نزلت راسي بخجل ماعرفت بشنو ارد علي ، حسيت بأمان لان اول مرة واحد يحجي وياي هيج كلام حلو من بعد وفاة امي و ابوي ، جريت ايدي من ايده و ما ادري شلون اجتني هاي جرائة و لزمت ايدة
جمرة : جواد شكراً لانك دا توگف وياي ، وجودك يمي كلش يهمني . َ(ڳّأُتٌبّةَ سًأُلَيْ )
جواد : عيب عليج تشكريني ، اني زوجج من واجبي اوگف وياج و احميج من كلهم .
جمرة : احم .... اي تريد جاي ؟؟
جواد : اذا من ايدج ليش لا .
جمرة : تمام ثواني اجيبة الي و الك .
رحت صبيت استكانين جاي ، شفت رماح بيدة ردام
اتقربت منة و مديت ايدي
جمرة : رماح ممكن تنطيني اشيلة شوي مشتاقتلة .
رماح : هاج بس استعجلي اريد اطلع
جمرة : ليش ما تعوفة يمي ؟
رماح ببرود : لا تسلمين اخذة وياي صديقي يريد يشوفة .
جمرة : ماشي
كبر شكد مغرور ، اخذت منة ردام بوستة جان يضحكلي ، هذا الطفل كلش دخل بگلبي هي عائلة شيخ كلهم ينحبون غير منار . رجعتلة ردام رحت غيرت جاي لان برد صبيت واحد لاخ و اخذتة للحديقة.
جواد : ها شو اتأخرتي ؟
جمرة : شفت ردام ماگدرت الزم نفسي و مابوسة منهاي اتأخرت . َ(ڳّأُتٌبّةَ سًأُلَيْ )
ضليت احجي ويا جواد صراحة نساني خوف دخل بگلبي هذا ولد ، شوي طلع رماح ، سلم على جواد و طلع ، باقي ساعتين لموعد كعدة طبيت جوة شفت منار و ايات دا يحضرون گهوة علمود كعدة .
جمرة : ستحتاجون اسويلكم ؟؟
منار : الله بلخير بعد وكت عينيي ، كملنا كلشي وانتي كاعدة تتمعشكين ويا هذا و هذا .

كلش عصبتني بحجايتهة ، هي جانت واگفة گدامي و بيناتنة ميز طعام  دگيت بأيدي على ميز بكل قوتي
جمرة : اييياج ، ايااااج ثم اياج تحجين بشرفي افتهمتي ، هذا الي برة يصير زوجي و خطيبي مامسوية شي لحتي تگولين تتمعشكين ويا هذا و هذا افتهمتي .
منار : هههه تريدين تقنعيني ماتريدين تنهـ ....
ايات : منااااار كافي لا تجفصييين ، صمي حلگج ، انتي هم جمرة روحي ارتاحي لان وراج كعدة .
لأول مرة ايات هيج تتعامل وياي سكتت ورحت كعدت يم حجية جنت منتضرة منهة تطمنني بس هي هم ماحجت ولا كلمة و تجاهلتني كأني ماموجودة ، شوي طبوا راجح و رياض سلمت عليهم ردوا علية بثگل ، ياربي شبيهم معقول بيت جدي حاچين علية ، او هم سامعين عليه شي ؟؟!! َ(ڳّأُتٌبّةَ سًأُلَيْ )
راجح : يمة فد شوي يوصلون بيت عمامي طبلت عشى من برة لا تحضرون شي .