Ikaw yung dati kong tahanan
Na kailanma'y hindi ko na maaaring uwian
Hindi na maaaring puntahan
Dahil may iba ng naninirahan
Tahanang minsa'y bumuo
Sa nawasak kong puso
Na siya rin palang magiging rason ng aking muling pagkabigo
Muling pagkawasak ng puso
Ngunit hayaan mo na lang sana ako
Na mahalin ka ng patago
Hanggang sa kusa ng sumuko
Ang natitirang pagmamahal ng aking puso
Araw at gabi ay dadaan
Ngunit ang ating nakaraan
Ay mananatili na lang sa ating mga munting tahanan
At hindi na maiibalik ng oras kailanman
