Hotel အတွင်း အပ်ကျသံပင်မကြားရ။ တာဝန်အသီးသီးကျသည့် ဝန်ထမ်းများမှာလည်း တစ်ခြမ်းပြန်ဖွင့်ထားပြီဖြစ်တဲ့ Hotel ဘက်တွင်တကုပ်ကုပ်လုပ်နေကြသည်။ အခါတိုင်းဆိုကြီးကြပ်ရေးမှူးမရှိတုန်း အပါးခိုချိန်လေးရပေမဲ့အခုမှာဖြင့် ဘောင်းဘီအိတ်ကပ်ထဲလက်နှိုက်လို့ ရုပ်တည်ကြီးနှင့်မျက်စိထောက် ထောက်ကြည့်နေပါသော ကြီးကြပ်ရေးမှူးကြောင့် ယားလို့တောင်မကုတ်အားကြပေ။
" ဟိတ် ဟိုကတစ်ယောက် အချိုရည်လင်ပန်းကိုဘယ်လိုကိုင်နေတာလဲ"
Hotel အဝင်တွင်အချိုရည် နှင့်ကြိုဆိုဧည့်ခံရသည့်အတွက် လင်ပန်းကိုင်ကာရပ်စောင့်နေတဲ့ Beta အလုပ်သမားလေးကိုလှမ်းအော်လိုက်သည့်အသံဟာ ဟိန်းထွက်လို့။
မျက်မှောင်ကြီးကျုံ့ထားသည်မှာ တစ်လောကလုံးသူ့လုပ်စာထိုင်စားနေရတဲ့ရုပ်မျိုးပင်။ ထို့ကြောင့် ဝန်ထမ်းလေးလည်း လက်တစ်ဖက်တည်း မ လာတဲ့လင်ပန်းကိုနှစ်ဖက်ပြောင်းကိုင်ရတော့သည်။ မဟုတ်ပါက Hotel အပြင်ကို ဂုတ်ကနေဆွဲလွှတ်ပစ်မလားမသိ။
တစ်စုံတစ်ယောက်ကြောင့်ဖြစ်ပေါ်လာသောဒေါသများသည် အပြစ်မရှိတဲ့ ဝန်ထမ်းများအပေါ်သက်ရောက်သည်။ အပြင်ပိုင်းသာတည်ငြ်ိမ်နေရပေမဲ့ စိတ်ထဲမှာတော့ Hotel တစ်ခုလုံးပြောင်းပြန်လှန်ပြီးလေပြီ။
အထူးသဖြင့်ဟိုလူပေါ့ အမိန့်တစ်ချက်နဲ့လုပ်ချင်ရာလုပ်တဲ့ Ultima Alpha ဆိုတဲ့လူ။ တွေးရင်းတွေးရင်း တနုတ်နုတ်ပေမို့ အံကိုတင်းအောင်ကြိတ်ထားမိသည်။
ထိုအချိန်မှာပဲ တုန်ခါလာသည့်အိတ်ကပ်ထဲကဖုန်းကြောင့်ကိုင်လိုက်၏။
" အင်း ဘာလဲ"
*ဒီနေ့ညီမလေးကိုကြီးဆီလာခဲ့မလို့ရတယ်မလား*
" ဂရုစိုက်လာခဲ့"
တိုတိုရှင်းရှင်းစကားနှင့်အတူ ကျသွားသည့်ဖုန်းကောလ်။ လက်ပတ်နာရီကိုတစ်ချက်ကြည့်ကာ ညီမဖြစ်သူကိုထွက်စောင့်ရန်ပြင်ဆင်သည်။
ထိုသို့ သူတို့ကြီးကြပ်ရေးမှူးထွက်သွားတော့မှသာ ဝန်ထမ်းတွေလည်းအသက်ရှူချောင်ပေတော့သည်။
VOCÊ ESTÁ LENDO
သတိ! ချစ်စကားမပြောရ(completed)
Fanficအခုလိုသာမင်းပြုံးနေလိုက် ကမ္ဘာမှာနေဆယ်ဆင်းထွက်ရင်တောင်ကိုယ့်အတွက်အေးချမ်းနေပြီ........ Taekook! Omegaverse! Alpha×Alpha! Strong Bottom! Bottomkook! ( ဤ fic တွင်ပါဝင်သောနေရာဒေသများနှင့်အကြောင်းအရာများသည် စာရေးသူ၏စိတ်ကူးသပ်သပ်သာဖြစ်သည်) Jan.12.2023
