زهرة حياتي 💔

الجزء السادس 6️⃣

الجزء السادس :-

( عمار )

مروة
اني واخوية الوحيدين لأهلنه امي اتوفت على الولادة بأخوية مثنى وبوكتها عمري 4 سنوات

ابوية من بعد امي قرر ما يزوج ابد ولا تدخل بحياته اي وحدة بس اقاربه ما انطنه مجال لان بعده 30 ما صاير وهو هم وارث املاك عن اهله يعني متمكن ماديآ فضلوا ايلحون علي بالزواج بحجه اطفالك ولازم احد يعاونك بتربيتهم وحاولوا هواي حتى ايقنعوا بس حبه لوالدتي واحترامه الها اقوى من ملحتهم وبالنهاية ما وافق على اي وحدة بيهن .

مرت عمي الوحيد وعمي مزوجين صارلهم 3 سنوات ابيت جدي فقرروا ايعيشون ويانه بنفس البيت وهي لان عدها طفل عمرة سنه ونص فهي الي جانت تعتني بأخوية وحتى رضاعته وبنفس الوقت شغل البيت هم عليها وجانوا حيل ايحبونه وما حسسونه بنقص عشنه مدة 4 سنوات سوة بس بعدها والدي حالته الصحيه ادهورت حيل ويوم على يوم ازيد الى ان اجه اليوم الي لازم انفارك بي ابوية مثل ما فاركنه امي

وشاء القدر انو نكمل حياتنه بدونهم بس المشكله مو هنا يبقى الموت هو قانون يطبق على الكل وانما المشكلة هي بمعاملة عمي ومرته النه

من بعد موت ابوية عشنه بدمار وياهم واستغلونه علمود الفلوس وعاشوا بخير اهلنه حتى المدارس بالكوة يله خلوني اكمل السادس اعدادي بس من وصلت للجامعه ماخلاني اكمل وجبروني ازوج من واحد من اقاربنه بس اخلاقه موزينه ابد اخوية بهذا الوقت بصف الثاني متوسط من صارت هاي المشكله وشافني رافضه وابجي واكثر من مرة ردت حتى انتحر في سبيل اخلص من هذا العذاب اتفق وي عمي انو ايبطل من هذا الموضوع وبالمقابل يتنازله عن كل الاملاك قطعتين ارض ومحل ملك وحتى شراكه بمحل ثاني وي صديقه بس ايعوفولنه البيت الي عشنه بي وبالنهاية عمي وافق وبدون اي اعتراض لان ما يلكه احسن من هاي الفرصه ابد وفعلا ما بقى غير هالبيت عدنه وبطل من المدرسه وكام يشتغل بمحل ملابس لصديق ابوية

عشنه على هذا الوضع كل هاي السنوات وما احتاجينه الاحد بس بقت حياته ناقصه لا اني اكدر اعوفه ولا هو وهسه هو عمرة صار 19 واني 23 وعلاقتنه قوية بس بصديق ابوية اما باقي الناس ما نختلط بيهم انخاف من المشاكل

عمار/ لعد وهاي السيارة منين ؟

مروة / هاي لصديق ابوية مرات مثنى ياخذها علمود ايجيب بيها بضاعه وياخذ بضاعه للمحلات وهو متعود على هالشي ومضبوط بالسياقه ولا مرة سوة مخالفه او حادث بس ماعرف شلون صار ويا هيج

وسام / هاي انتم هنا شجاي اسوون

عمار / بعدين نكمل كلامنه

طلعت وسام من الغرفه وقبل لا اطلع كلتلها اي شي تحتاجين بلغيني اني يمج مو بعيد وان شاء الله كلشي ينحل

رحنه يم علي ولكينه الدكتور يفحص بي وكال وضعه بالكامل لحد الان مستقر بس العين يحتاجلها عملية هاي الايام اما نبدلها او انو يفقدها قرروا وبلغوني بس حدكم لباجر الصبح حتى نمشي بأجرائات العملي وبنفس الوكت نلكه متبرع

ورة ساعات اجه الصبح طلعت برة الغرفه وكعدت على الكراسي البرة واني احس نفسي انحطيت بأصعب موقف بحياتي اشخاص تحت ايدي صاروا واستنجدوا بيه ولحد الأن لا أني متأكد من برائتهم ولا اني اكدر الكه حل لأبن عمي غير المتبرع

بهذا الاثناء شفت المحقق طالع من غرفه مثنى ركضت بسرعه عليهم لكيت الولد توة صاحي وهسه يله كدروا ايحققون ويا لان جان فاقد للوعي بس طول هاي الفترة جانوا ولد عمي امشين الوضع بالفلوس ميردوا يوصل للحكومه وخلوا الملف ينقفل يردون عمامي ايحلوها عن طريق العشائر لهذا السبب ما قبلوا المحقق ايحقق بأي شي

دخلت يمه واتقربت على الولد وسألته شنو الي صار
جان بلكوة يحجي والكلمه تطلع كوة من يمه بس ملخص كلامه وصاني بأخته وكال اي شي ايصير عليه موت او سجن اريدها بحمايتك لان مالها غيري ومن سألته عن الحادث حلف وكال مو قصدي جنت ماشي طبيعي بس شفت واحد هو شمر نفسه على السيارة هذا الي اذكرة من الحادث

بس الولد ماقصروا ما انطوني مجال حتى احجي الحقيقه وما صدكوني .

حتى من كعد الولد هم ما حصلت نتيجه اذا ابن عمي شامر نفسه يعني رايد ينتحر زين شنو الي ايخلي ايسوي هيج

استغفر الله ابدال ما ينحل الموضوع انوب اتعقد بالزايد بهذا الاثناء ودخل عمي استلم الولد رزايل وغلط وراد ايضربة بس جريته كوة وطلعت من يمها . و وصيت حسن و وسام على الولد محد ايأذي لان ذولة متفاهمين .

لثاني يوم من اجيت من بغداد لحد هسه ما شفت امي ولا حجيت وياها لازم اشوفها هسه اكيد زعلت عليه
رجعت للبيت ولكيت........