زهرة حياتي 💔

الجزء التاسع 9️⃣

الجزء التاسع :-

( فيروز )

طلعتلهم القابله وكلها جانت منتضرة منها كلمه اطمنهم علية وفعلآ بشرتهم انو صار عندي ولادة وكلها ساعه او اقل ويتبشرون بالمولود

والحمد لله ولدت بعد معانات طويله وجبت ابنية وهي جانت اول فرحتي وفرحه ابوها

وزوجي ما قصر جاب الذبايح وحدة ذبحها ابيت اهلي والثانية وداها هدية للسادة من غير الذبيحه الي ابيت اهله وكلشي وفرلي

ومرت سنتين وصار عندي ولد وبعدها ابنيه وهكذا الى ان صار عندي ٣ بنات و٢ ولد ومشت الامور
اخو زوجي الجبير طلع من البيت والثاني هم بقه بس اخو الاصغر واحد واحمواتي ازوجن اثنينهن

اما حماي اصغر واحد هو هم ازوج وحدة عن طريق معرفه ابوها بزوجي
وزوجي هو الي اتكفل بكلشي من الألف للياء وبعدها هو هم صار عنده ٢ ولد و٢ بنات

عشنه على حب الله سوة كل هاي السنين احمواتي يرحن ويجن علينه واحمويني كذلك على الرغم من المشاحنات بين افراد العائله ولو بكل عائلة اكو مشاكل وخلافات احنه لا اول ولا اخر عائلة ايصير بيها هذا الشي

اما عائله اهلي فأخوية اصغر واحد زوجوا وصار عنده اطفال لكن مع الاسف زوجته طلعت مو مثل ما جانوا متوقعين خلصتها وياهم مشاكل الى ان اتوفه ابوية وضلت امي تحت رحمتها

اخواني الكبار ما جانوا ايقبلون عليها ولا على افعالها ودائما ايرزلون اخوية ويتعاركون ويا بسببها وسبب افعالها لا تحترم احد ولا اتقدر احد

بس اخوية الي هو زوجها جان على طول ساكت لا ايحل ولا يربط ماعرف هذا برود او حظها او شي ثاني اما علاقتها وي امي فجانت تجاوز عليها وحيل متعبتها بحيث امي ما تحجي اتخاف من المشاكل وبناتها ايلعبن بكيفهن لا حسيب ولا رقيب

الى ان مر على زواجي 18 سنة بنتي اكبر وحدة عمرها 16 سنه

و أول خبر بعد وفاة والدي وهو انو الطبيب بلغني بالحالة الصحية الزوجي ولازم ايسوي عملية زراعة كله لان حالته بعد ما تتحمل ننتظر اكثر

وين اروح وين انطي وجهي اذا لا سامح الله وفقدته يعني اني واطفالي راح ننذب بالشارع

واهله محد يقبل ايسويله عملية ايكلولي حتى لو سواها ميعيش

وفوك هذا اني حامل بالطفل السادس وما عندي اي متابعه للطفل لان المصيبه العندي صعبة حيل صعبة ومحد وكف وياي اروح لأمي اشكيلها حالي وحال زوجي ومرضه اتكلي يمه عوفي ولسوين اي عملية احسن ما تخسرين كلشي والناس هم ايكلولي نفس الشي

زين اني كلبي شلون ينطيني اتخله عنه بهاي اللحظه
و اذا ما سويتله العملية ومات واني عندي ذهب وعندي فلوس بيت

اي صح عندي فلوس البيت الي رجعت لان جنت متفقه وي زوجي اطفالنه كبرت ولازم ايصير عدنه بيت مستقل حالنه حال الناس 6 اطفال مو عدد قليل ولازم انأمن مستقبلهم وفعلآ اشترينه كاع مساحتها 250 متر وعن طريق الاسكان بنيناها على النص وكل المواد جانت كامله

كل يوم ايمر نحلم اني ويا وشلون ننتقل البيتنه الجديد وشلون انعيش بي ونفرح بأطفالنه وشنو الاثاث الي انخلي بي
حسبنه حساب كلشي حتى ميز الطعام وين انخلي وشلون من انزوجهم كلهم ونبقى بس اني ويا انداري نفسنه ونكمل حياته لأخر لحظه سوة

بس ما جان لأحلامنه الحظ انو تتحقق حالنه حال الي حلمو قبلنه وعاشوا مثل ما يردون

من وكع واحتاج العملية بعد منو يبني البيت وعمتي ام زوجي من درت راح نعزل ما اتقبلت الموضوع لان زوجي هو المسؤول على الكل وهو الي يصرف
فرفضت الموضوع نهائيآ وحلفتنه ما نطلع ولا نعزل لأخر عمرنه

فزوجي قبل لا يوكع هاي الوكعه اجاني بيوم من الايام وجايب ويا علاكه بيها مبلغ مالي من سألته شنو هاي صدمني وكال بعت البيت

بوكتها انقهرت قهر ما صاير ليش سوة هيج لو مخلي سند لأطفالنه هاي الدنيا ما تنضمن ولا الناس تعرف الحق من الباطل كله عدها واحد

وبالنهاية لكيت نفسي وحدي اركض راجعنه الدكتور وانطانه موعد للعملية ولازم الكه متبرع بأي طريقه ومو بس هاي لازم احضر الفلوس هم

بعدها.............