زهرة حياتي 💔

الجزء الخامس عشر 1️⃣5️⃣

الجزء الخامس :-

( فيروز )

طلبت ايد بنتي لأبنها واني بدون اي تردد وافقت
والحمد لله مشت الايام والسنين

زوجت الكل وما بقة عندي بس ولد واحد كلت ازوجه وافرح بي واعيش ويا وهو الي ايلم كبرتي ماقصرت ويا لا بمصرف ولا بلبس ولا حتى دعاء
ما جنت افرق بين احد بيهم كلهم احبهم نفس الحب والهم نفس المقام بكلبي بس تبقى الحزازيات بين الاخوة موجودة لان ميعرفون امهم او ابوهم اذا فد يوم قسه او صاح بيهم او منعهم من شي شنو الهدف منه

على طول كنت انصحه واتمنى ايصير انسان ناجح مثل ما اخوانه كل واحد استقر بحياته وكون عائله

كنت اتمنى اشوفه مزوج بنت الحلال الي تسعدة وادير بالها عليه مثل ما بناتي سون وي عوائلهم ومثل ما ابو بار بأمه وداراها ودارة اخوانه وحتى بعد مماته محد كدر يحجي علي حجاية غلط كلها تحمد بي واتحبه وتتمناله الرحمه كنت دائمآ اكله انت لان مداري امك الله مستحيل ايظلمك وحتى الحساب بالاخرة راح ايكون سهل عليك وحبك الامك ورضاها عليك هو الي راح يشفعلك

وحتى اني كل الي اكدر علي قدمته الهم والمجازات على رب العالمين احنه انسوي العلينه والقبول والرفض والتوفيق هو من الله سبحانه محد يكدر يعرف شنو ضامتلنه الدنيا

فتحت ويا موضوع الزواج وهو مارفض لان دراسه وكمل وشهادة صارت عندة محترمه وحتى الوضيفه اتوضف وصار عندة راتب الكل يتمنا ايكفي وايزيد ومحد عندة بالبيت بس اني ويا واخته طالبه هي الي مداريتنه بالبيت

وقابل شنو اصرف غير المقسوم والي اكدر اكله لان المرض يمنعك من الاكلات الي اتحبها وايقيدك بالي اينفعك

وحتى بناتي وابني الجبير ما عايفيني هم مصرفي منهم ماشي وزوجت ابني الجبير مداريتني واذا اطلب منها شي متقصر

لكن اني اريد الصغير يستقر وبيوم من الايام قررت ادورله على زوجه صالحه ووين ما ايكلي روحي اروح بس بداخلي اريد بنت اوادم الي ما ينخاف منها وضليت ادور وادور وكل مرة الكه وحدة واكول هي تطلع ضروف تمنعنه ونتراجع ونرجع انروح على غيرها والقسمه اتحيرت هواي

وبيوم من الايام اجاني وكال بعد لا اتعبين ولا ادورين لكيت الي اني اريدها

منو يمه الي اتريدها كالت بنت فلانه وصدمني صدمه اكبر من صدمت موت ابو وبيومها انقبض كلبي وحسيت تعبي راح اي فعلآ راح لان الي ايطبهم بعد ما يطلع وكل بيت وحدة بيهن اذا طبتله تهجمه يعني تهجمه

كل هاي السنين اني مبتعدة عنهم وعلاقتي بيهم سطحية لا خذيت منهم ولا انطيتهم خوفآ من المشاكل ليش هيج ايريد ايسوي ويدخلنه بمشاكل احنه بغنه عنها

اصر على موقفه وما قبل بأي وحدة غيرها شنو السبب ماعرفت اول مرة ايسوي هيج

استسلمنه للأمر الواقع وصار يوم الخطوبه رحنه بس الوجوه كلها تضحك وفرحانه

يارب بتهم كون ما تطلع مثل امها وخواتها والله مالي خلك مشاكل جبت عمري كلها ضيم بضيم كلت كون على كبري ارتاح وهذا اخر واحد اخلص من همه

مشت الايام ومضى على العرس اسبوع كلما احاجيها اتكول ضهري يوجعني وعلى اساس واكعه من الدرج سويت روحي ماكو شي وكلت ميخالف ايام واطيب وتتعامل حالها حال الجناين ببيوت اعيالهن

ومن السبعه شو اني اتخربطت كمت اختنك وبالأخص بليل ينكطع الهوى واضل افتر بالحوش الدنيا شته وثلج بس ما احس بالهوى واحس روحي اتريد تطلع اصيح عليهم يمعودين اريد الهوى يمعودين الحكولي ما جاي اتنفس الضغط والسكر كامن ايعلكن عندي ومن اتصير صلاة الصبح يرجع وضعي يستقر بس شنو حالي ميته من التعب اخلص نهاري بالنوم بسس تعب الليل

ثاني يوم خذوني للطبيب فحصني كال مابيج شي وانطاني علاج للضغط جديد وللقالون وكال اسبوع وراجعيني انشوف شنو الوضع

لليل شو هم اتكررت الحاله وثالث يوم وعلى هذا الوضع اسبوع انتهيت بي لا علاج ايفيد ولا شي الشغله مو طبيعيه كلتلهم اذا اضل اكثر اموت اخذوني للزيارة كربلاء والنجف وعلاجي هناك يم الأئمة

فعلآ خذوني وبعد مارجعت اتحسنت حالتي فترة وبعدها هم رجعت الحاله من جديد هنا وحدة من جيراني سولفتلها حالتي كالات ما خسرانين شي راح اخذلج استخارة يم وحدة واي شي يطلع اجي اكلج بي

وثاني يوم اجت بالخبر وكالت ياخيه ما اجذب عليج وراح احجيلج الطلع بأستخارتج

سبب الخنكه والضيق الي عندج هو.............