زهرة حياتي 💔

الجزء الثامن 8️⃣

الجزء الثامن :-

( عمار )

رجعت للبيت ولكيت مرت عمي كالبه الدنيا بالبجي على ابنها طبعآ هاي من يوم يومها هي تكرهني لأن ما خذيت بنتها وضلت حاقدة عليه وانوب ابنها هذا وضعه اكيد راح اذب الحركه بيه واسمعني حجي الما يعجب بس اني دائمآ اردها وحتى زياد وامي مايرضون عليه ايكولون احترمها مهما ايكون هاي مرت عمك بس اني هالمرة كلش مالي خلك الها موضوع مروة واخوها حيل شاغل بالي

سلمت على امي ومرت اخويه زياد وصعدت بسرعه للغرفه واثناء ما صعدت الدرج سمعت مرت عمي ادردم عليه غلست وسويت روحي ما اسمعها

بوجهي على الكنتور طلعت جهاز مبايل ما استعمله احتياط مخلي خليت بي سيمكارك وخليته على الشحن

ورجعت خذيت ملابس وطبيت للحمام اسبح ورى ما طلعت سمعت مرت اخوية ادك باب الغرفه تسألني اذا محتاج شي او لا

طلبت منها اسويلي بس جاي على ما ابدل واطلع

شربت الجاي وخابرت على حسن سألته اذا صار شي او لا
كال اخو علي اجه وسمع الولد واخته من هذا الحجي الزين واتهجم على الولد وراد ايضربه بس طلعنا كوة

اني هنا خذيت المبايل ورجعت للمستشفى
انطيت المبايل لمروة بعد ما خليت بي رصيد وكلتلها اي شي ايصير بلغيني لان اني اليوم لازم ارجع لبغداد واخذ اجازة حتى لا انفصل من وضيفتي كلها شغلت يومين

مروة / واذا رجعوا اتهجموا علينه بغيابك شنو راح اسوي ؟

حجتها بس ماعرف شنو صار بيه بذاك الوكت حسيت نفسي مجبور اسوي المستحيل حتى انقذهم اما موضوع عملية ابن عمي فالدكتور اجلها على ما نلكه متبرع اما موضوع هي تتبرع فمستحيل اخلي هذا الشي ايصير

اول مرة اروح بيها لبغداد ولوضيفتي والمكاني الي احبه واني بهذا الشعور
جبت الكريق كله مهموم ومحتار لأخر لحظه يارب سترك طول عمري اني امشي بمزاجي وما اهتم لأحد
يارب ساعدني حتى اتخطه هاي المشكله والوضع الي انحطيت بي

وصلت للشقه بس مالي خلك لأي شي حتى اكل ما اشتهي جبت وياي عصاير وحلويات خاف اجوع بلليل شيطلعني بعد وصعدت للشقه

المكان هدوء حيل اذكرت اول ايام اجيت بيها هنا شكد جنت فرحان اليوم حتى الشباك مالي خلك افتحه ولا اباوع منا ومنا

حسيت بنفسي وبعمري الي ما اهتميتله كل هاي السنين ضليت لا زواج ولا استقرار علاقاتي واني لا فد يوم اتحملت مسؤولية اهل ولا اهتميت بأحد طول عمري عايش لروحي

جنت دائمآ اشوف الفلوس والعائله مادام متوفرة معناها كلشي املك ونسيت اذا مر عليه ضرف بيوم من الايام وخسرت كلشي شلون راح اعيش ؟ او شلون راح اتحمل مسؤولية غيري ؟ او حتى شلون راح اخذ حقي من الي ظلمني ؟ مثل ما صار وي مروة واخوها ومو بس هي هواي اكو ناس مروا بنفس ضروفها هاي اذا مو اصعب

كعدت على القنفه شمرت سترتي باوعت على الساعه بعد وكت ب٨ خلي اتصل على مروة  واسألها شنو الوضع

اتصلت محد رد رجعت اتصلت الى ان صارن خمس اتصالات شو ماردت السادسه شو رفضت الاتصال
طفرت من مكاني بس لا صاير شي وياهم اني شلون عفتهم واجيت

رجعت اتصل بعد ما ضليت احاول اكثر من نص ساعه جان تفتح الخط

عمار / الو . وين انتي؟ ليش مارديتي ؟ عود اني موصيج ؟ مروة متردين شبيج ؟ صاير شي ؟

مروة / ................