( فيروز )انولدت بستينات القرن التاسع عشر في بغداد /العراق
بين احضان عائلة بسيطه مكونه من خمس ذكور و٣ بنات اني اصغرهنطبعن اني اكثر وحدة مدلله بيهن والكل ايحبني
اخواني مو كلهم من نفس الام والاب لا اكو بيهم تابعين الأمي واكو بيهم لأبوية
بس بالنهاية احنه كلنه مجموعين تحت خيمه وحدة وعمود واحدامي وابوية صح فلاحين وحالتهم المادية بسيطه وجان ابوية يشتغل بأكثر من شغله علمود يصرف علينه
مرة اشتغل بالبناء ومرة ايعالج الناس بالاعشاب وغيرها من الاعمالومرات يضطرون يرحون للجنوب بمواسم الحصاد وي مجموعه من الناس واصحاب البساتين ينطونهم محاصيل زراعية مقابل التعب مالتهم بالحصاد
اذكر مرة خذوني وياهم جانت من احلى ايام حياتي خلصتها هناك بين الزرع والناس الريفية الاصيله جنت العب وي اطفالهم والاكل اشكال واللوان بعد كله طبيعي نسلق الاشجار وناكل بكيفنه التفاخ والتكي وكلشي انريد ومن كد ما انمل ايصير الاكل عبارة عن لعبة ناكل من التفاحه اشوية ونعوف الباقي منها بعد اطفال شفهمنا هذا تبذيربس بالليل تتحول الحياة عبارة عن كابوس من ورة البك الموجود يشبعنه كرص اضل من ورى بس ابجي ماعرف هاي الناس العايشة هنا شلون متحملته حتى اطفالهم يختلفون عن اهل المدية طاقة تحملهم اكبر مو مثلنه مايعين
ومرة ورطوني الاطفال وصعدت اجلكم الله على مطي عود ردت اصير ريفية بأمتياز هو مشة وجان اوكع منه بس ما اوفلكم الخوفه والالم اتكسرت اتكسر والاطفال تضحك
نرجع لأمي هي ربت بيت ممتازة هي الي مداريتنه كل الاعمال مال بيت عليها
عائلة دافية وبسيطه واتحس بالسعادة من تدخللهم هذا الشي الكل يتمنامن صار عمري سنتين ازوج اخوية الجبير لان جان حق زواح والفرق بيني وبينهم هواي
بحيث كان ابنه بعمر اخوية الصغير وكذلك باقي اخوتي لحد ماصار عمري حق مدرسه دخلتها وجنت الطالبة الوحيدة بالبيت لان كلها اكبار فدللوني بالمدرسة والملابس كلها جاهزة ومستلزمات الدراسة كلها جانو اخواني ايجيبوها ومن احسن نوعية بس جنت احب المدرسة مو علمود الدراسه وانما علمود الدروس الفنية من اني واصغيرة احب التصميم والخياطه وكل شي ينطوا النه بدرس الفنية وشاطرة بي بس باقي الدروس درجاتي على كد النجاح طبعآ المدرسة كلش قريبه على بيتنه لا اتعب ولا شيمرت ايام وسنين لحد ما كملت الابتدائية اهلي ما قبلوا اكمل كالوا لهنا كافي لان مدرسة المتوسطة بعيدة علينه خافوا علية من الطريق
اهنا تركت دراستي وكعدت بالبيت بس ما حسيت الدنيا اتوقفت لا بالعكس صدك ما اكدرت اكمل الدراسة واخذ الشهادة لكن المدرسة ضافتلي مهنه الخياطه مقابل الشهادة
وهنا صرت خياطه ممتازة بعد ما جنت اخيط الملابس البسيطه بدرس الفنية والبسها لأطفال اخواني صرت اخيط ملابس للكبار والصغار نسائي ورجالي وبديت بأهلي ما خليتهم يحتاجون شي حتى بدلات الاعراس هم جنت اصممها ومرات اخيط على تصاميم غيري صارت الخياطه اجمل وامتع شي الية بالحياة
وبعد سنوات صارت هي مهنتي الخاصه الي اصرف بيها على عائلتي واعينهم على هاي الدنيا بعد ما ازوجوا كل اخواني الكبار وضليت اني وامي وابوية واخوية الصغير بنفس بيت العائلة عايشين
كمت اخيط للجوارين وشوية شوية انعرفتاخر سنوات خلصتها ابيت اهلي قبل الزواج جانت كلش حلوة اذكر شلون جنت بالنهار اخيط وامي اسويلنه الاكل لحد الان ريحه السمج الشوي بذاكرتي وكأنما بعدني ثابته بذاك الزمان اما بلليل نبقى سهرانين على التلفزيون الاسود وابيض يشلع كلبنه يله يشتغل بس احنه مصرين الا نشغله انطلع الافلام العربية القديمه ونكعد كلنه انباوع وناكل ونضحك بس اغلب الاوقات ابوية وامي ايتعبون فما ايضلون ايسهرون ويانه فندز على اخواني المزوجين القريبين من بيتنه ونسوان اخوتي واطفالهم واصير احلى جمعه عائلية واحلى سهرة
من كد ما جانت ساعات وايام حلوة اتمنة الزمن يتوقف
لكن الصدمة بيوم من الايام دخل اخوية الوسطاني للبيت وويا رجال غريب............
أنت تقرأ
زهرة حياتي 💔
General Fictionبين ازدحامات الطريق والهوسة بالاخير وصلت بس شوكت العصر بس بهاي الفترة صار وياي شي بالسيارة خلاني اصفن صفنه حياتي بدون حتى ماعرف شنو السبب واني طبعآ كاعد بصفحه الشباك نزلت الجامه لان جان بوكتها ربيع والجو حلو وما شوف نفسي الا وغفيت على هذا الهوى الط...