زهرة حياتي 💔

الجزء الحادي والعشرون 2️⃣1️⃣

الجزء الواحد والعشرون :-

( فيروز )

العلوية / لا اتعبكم ولا اتعبوني السحر جنتج هي الي مسويته هي تنطي الفلوس وخواتها يرحن والام تدري بكلشي مخليه السحر الكم بالأكل والشرب وماخذة من ملابسكم كل الي بالبيت ومخليتكم واحد ميريد الثاني وحاليآ البيت مرشوش بكل مكان منه واكثر شي بالعتبه ومخليه الولد من تطلع امه واخته ايريدهم بس من ايشوفهن ودة يكتلهن موت وما يدري بنفسه

اما الولد فالسحر مالته مسويته قوي ومدفون والمدة مالته اكثر من أربعين سنه وهم ماكو امل ينفك وحتى لو حاولتوا اتفكونه راح ايرجعن ايجددنه اكثر واقوة من قبل

وهاي مو اول مرة ايسونها طلع كلهن نفس الشي ماشيات بالأسحار من قبل ودينهن ومعبودهن الاعمال وخلوها ابالكم السحر ما ايتم الا على ( نجاسه ) يعني شغلة ينطن عرضهن حتى ايتم السحر وحتى الاب يدري بكلشي وهو الي يمشي وياهن وبيدة ايوديهن وايجيبهن

واله طلعه من البيت بس مو هسه بعد هواي وما يطلع الا بمشكله جبيرة بس ديروا بالكم على الام لأن صحتها ما تتتحمل والها انتكاسه بس ان شاء الله اتعدي على خير

بس اني راح اسويلكم بطله اله بلكت تنفع ولو اني كلتلكم حتى لو بطلتها هم راح ايرجعن ايجددنها

بعد ايام وبعد ما سوتلنه العلوية ابطال السحر مثل ما كالت علي

ورة ايام اجانه اتصال منه وطلب ايشوفني بالبداية ما رضيت اشوفه لان انظلمت وانهانيت هواي ولازم احد ايرد اعتباري

لان ابني الجبير ما يحجي ويانه لان سوة مشاكل ويا هواي وزعله وخلا ما ايطب عليه ويهدد بي بالكتل هو واطفاله وحرمني منهم من اول يوم ازوج بي ما صار عليه زواج صار انتقام شهر مشاكل وسبع اشهر مطرودة من بيتي

بس ضل يتوسل ويطلب السماح لحد ما وافقت وشفته وبعدها رجعني للبيت اني وخته بس من ساعة الرجعت اني كلبي مقبوظ  وما بيه حيل لاي حجاية ولا مشكله جديدة

رجعت على اعصابي اول ايام الوضع طبيعي وهدوء ابني ساكت اما جنتي من وجها امبين نيتها موزينه وابد ما ناوية على خير هالمرة بس اني شنو اصير كبرت بالعمر ومو حلوة اضل ابيت مو بيتي حتى لو بيت بنتي

بعدين عرفت انو ابني الجبير من داري بالموضوع وداري بيه اني مطرودة ومو مثل ماكالوله على اساس امك رايحه تتونس يم بتها

عارك اخو وهدده اذا ما رجعت امي واختي للبيت اطردك انت ومرتك وما اسكتلك ولا ايهمني اكبر واحد
لأن حتى المشاكل بين الأخوان والزعل الصار هم سببها السحر

بعد مامر اسبوع صار حجي منا ومنا رجع ابني الجبير يحجي وياي وحتى وي اخو بس جنتي مرت الصغير ما قبلت لان اتغار منهم وحتى من اطفالهم تكرهم كره ما صاير

مشينه شهر بس الوضع يوم على يوم ايزيد سوء صحيح حجي العلوية الظاهر رجعن جددنه ورجعت المشاكل ورجع الظيم من جديد

بس هالمرة اكبر من كل مرة وكام.........