زهرة حياتي 💔

الجزء السابع عشر 1️⃣7️⃣

الجزء السابع عشر :-

( فيروز )

طلع بأستخارتج عليج عمل شيطاني والي مسوي واحد من دمج وعايش وياج بنفس البيت ديري بالج على روحج العمل مسوينه يم واحد قوي والله اليستر

بالبداية خذيت الموضوع بسهوله بس بعدين فكرت وفكرت الى ان حسيت عقلي راح يوكف
اني الي بحياتي ما وكفت على باب كشاف ولا سحارة هاي تاليتها واحد وياي بالبيت ايأذيني بالاسحار

منو وياي ابني وبنتي معقوله ايسوون اليه وثالث شخص جنتي ما صارلها اكثر من اسبوع اسويلي سحر على شنو علاقتي وياها زينه ومابيه اي أذية ليش حتى اتأذيني وضليت على هذا التفكير والقلق الى ان وصل بيه الحال وطلبت من رب العالمين ايشوفني هذا الشي بعيوني

واجه هذا اليوم الي تجي بي امها برجلينها النه الصبح الساعه ب٧ اتفاجأت جايتنه بهذا الوكت شكو شنو صاير ما حجت شي وكالت اني جايه اشوف بنتي وجايبه بيدها علاكه صغيرة كالت هاي بيها حجابات لبتها ورجعت خذت علاكه من بتها هم بيها ملابس بس ما حجت اي شي

مشيت الامور الى ان طلعوا حاجيت بتها وكلتلها شنو هاي العلاكه الي جابتها امج كالت هاي حجابات مالتي امي جابتهن اليه ومن فتحتهن شو هذني كلهن اتراب زين الخذتهن امج شنو ذني كالت ملابس العرس امي خذتهن للكشافه حتى اسويلي حرز من العين والحسد

من كد ما احتقرت الموضوع ضحكت وكلتلها ياعين ياحسد هو احنه منو طاب علينه حتى ايسويلج سحر احنه حتى العرس ما عزمنه احد

على ما كد هي غلط بغلط بس جانت تحجي كلشي
الله بعد ايريد يفضحها

ورة فترة بالقرآن والدعاء رجعت نفسيتي اتحسنت والخنكه راحت

بس هم ما تابت من سوالفها وراها بفترة امها هم اجت وجابت وياها الملابس الخذتهن وطببتهن كبل لغرفة بتها بدون ما حتى الاحظ اي شي

بس بنتي ذكية وما يمشي عليها هيج شي من شافت الوضع هيج حجتلي كلشي وحتى واجهت مرت اخوها وكلتلها اذا امج وخواتج يردن ايضحكن عليج بموضوع الاعمال ترى ماكو شي اسمه عمل محبه هذا كله اسحار وانت ترى اول وحدة راح تتأذين فلا اتخليهن ايضحكن على عقلج

ومن هسه انصحج اذا انطنج مي او تراب ديري بالح اسوين الكللج علي

بس المشكله مثل هيج بشر ميفيد بيها اي نصيحه لان طلعت مطيتهن كلشي حتى صور الها واله وطول فترة الخطوبه الي استمرت سنه تقريبآ هنه ايشربن بي اسحار

اما موضوع الي هي بي والوكعه من الدرج فطلع مسويه عملية تجميل شفط دهون حتى تضعف وهو طلع يردي بس ما حجالنه اي شي لان هو الدافع فلوس العمليه وخاف على مشاعرها بس ما خاف من الله من جذب بس احنه حتى من درينه سوينه نفسنه ماندري بشي 

بعدها بفترة سوت نفسها................