#ذكريات_ لا تموت .

1/21

لا أريد أن يعود لي شيء قد انتهى ولن أعمل من أجل ذلك أريد أن تهدأ روحي فقط .

________________________♪ …

صباح اليوم التالي .

تبارك:عمتي كلساع تكعدنة اني ولبنات ومنكعد ساعه 8 واني زينة ب اسلامية يعني ميحتاجلها هلكد وقت، رجعت نمت فزيت ع صوت ضحئ هم تكعدني،
ضحئ:تبو امج تكول خل تكعد ساعه 9
تبارك:يمعودة هي سلامية وحافضتها هسة شوي وكعد، دور بعد مكدرت اغفئ كمت بنو كاعدة ع فونها نزلت غسلت والم بطني فضيعع، رحت يم غرفتنة ماما دتبدل لجود ورقية كاعدة فضة نايمة حسون بلامتحان، رحت سويت كهوة وكعدت اقرا صبيت ال رقية وبيبي والي وكعدت اقرا واشرب راجعت كلشي واجت عمتي يردون يتريكون فكمت رحت بصالة كملت، وندكت لباب اجة حسون وكال مجاوب الحمدالله، اني صعدت فوك ودخلت ع تلي لكيت محادثة طيبة مراسلتني، طبعا اني ممتعودة اكول طيبة لان قبل متعودة اصيحلها زنو، لمهم هسة انزل تلي كاتبتة احلا محادثة من الصبح ☹️ .

زنو (طيبة): يلاا سندي وروحيي ، عوفييي كلشييي منن ايدج عوفيييي الفوننن وعوفييي الشغلل وعوفي اهلجج وعوفيي لاصدقاء والونسه وعوفييي كلشيييي بهللل فتره ، مالل امتحانات اضغطي ؏ نفسجج شكددد ماتكدرين شكددد ماتحولين اضغطي ؏ نفسجج واقري زيننن ، وانيي ادريي بيجج انتيي كفوو وكدهاا وطلعين معدلل قوي وينرفع بيي الراس ، حراماتت تروح سنهه كاملهه ععليج ، كلل ماريده منججج طلعينن معدلل قوي وجميل مثلجج واريدج ترفعين راسج وراس اهلج بلل معدلات وتكسرين عين العدو ، ووقبللل كلشيييي اقري فاتحهه لام بنين راحح تسهلج كلشيي صعب احبج 😭 🥹🫶،

تبارك: يروحي انتي حاضر ونشالله التسهيل من ربي مطول جاي اقرا ميضيع تعب احد احب وجودج وياي صدك سند الي وياريت ع طول ربي يديمنة لان احنااا خير لبعض ومعدنة غاية لشي +كلامج محنسااا احبج هواي يحيلي زنو .💖💖.

بما انو معندي شي وساعه 11 الا حروح اقرا قصة بين ما اكوم اصلي ونروح للا امتحان .

مر لوقت نزلت لبنات ديبدلن واني رحت بدلت وتوضيت صليت خلصت ومنتضرين بناين عسريع لبست لشال ولسترة خليت عطر وبنو صاحتني رحنا تلاثتنة لان غدير رايحة، دنمشي وشفنة فاطمة بسيارة ع شارع لعام، ضحكنةةة ضلينة نمشي هايشنو؟
بناين:يضحكون علينة شني هاي حفطسس،
تبارك:ولجن امشن ع شارع لعام منكدر منا، رحنا ع شارع لعام لحد موصلنة دك لجرس كبل اصطفاف وكلولنة ع قاعات الامتحان اني وبنو وزمردة سوة ولبقية من لبنات، ويقين وفطوم سوة بناين وحدها مكو احد من شلتنة بس وياها غدير لان ثاني ورابع واحنا رابع واول، كوة كاتمة ضحكتي من ام العربي مال غدير وكفت علينة وست خولة، بدو يسلمون لدفاتر واجت الاسئلة قريت الفاتحة لام لبنين وبديت احل، الحمدالله طلعنا مجاوبين اخطأ بسيطة عدنة، ضلينة نفتر بساحة كلساع مفترقين وبعد نرجع نلتم ضحك وسوالفف لحد ما ام لفيزياء صاحت وكالت حنطي لاوراق، هلشهر مزفتين اني 48 وهي مكسرتنة لان حلي زين اني وزمردة 82 ويقين88 فطوم 57 وبنو 35 اني بلسعي انجح لان هذاك لشهر ناجحة، لمهم مر لوقت بنو طلعت هي وغدير وفطوم اجاها اخوها زمردة راحت هي وزينب خط اجاهم واني وبناين طلعنة سوة صعدنة عود ع شارع العام شو اهل الدراجات كلساععع سطرونة خلينة ونزلنة من لنزلة الي يم لمدرسة ورحنا ع لفرع الي يطلع ع بيتنة كبل وصلنة يم افرع بيتنة لقريبة نضحك وناخذ صور وكلساع اكلها طفي لاغاني بتلمطي جايبة جهازها وتشغل، وصلنة هي بقت تحجي وي بنو بعدين رحت سديت لباب وراها وفضة كلساع تكلها باي باي هيج تلح جلبت، دخلت رحت غيرت ملابسي وكعدنة نتغدة اني ولبنات وامي وحسون ولصغار اكيد، كملنة غدير راحت للمحل واني غسلت المواعين بنو فوك، بعدين مشالله كبت لعيطة ع مود لمواعين مريد اذكر هلاحداث لان متخصني، اكتب بس الي يخصني لهل سبب مرات اختصر ومرات اذكر، لمهم ضليت بلغرفة يم جود كلساع يبجي وفضة تكمز ع راسنة مر لوقت حسيت بنعاس عود نمت شوي وعاط جود كمتلة واخر شي كلت لامي تنطيني لجنطة وكعدت اقرا متحان باجر لعربي ساعه 5 ونص تقريبا كملتة وكمت هايشنو شفت لساعه 7 ونص شكد مار وقتتت واني محاسة لان هواي بي فة لتهيت لمهم كمت توضيت وصليت كملت وصعدت فوك ع جهازي وغدير دتقرا هم متحانها وبنو جوة وهسة حفتح انستا 🦦 .

مر لوقت 12:33 ع انستاااا ضليت اراسل ومدري شنو وانشر اكلت جبسي وبنو نامت وضليت كاعدة قريت قصة رحت شفت نشر لقناة، وهس حنام 🙂.