#ذكريات_ لا تموت .

3/1

الأشياء الخفية المتراكمة على قلبي جعلتني مجردًا من كُل شيء حولي جعلتني لا أشعر بأي شيء حولي وأنا الذي كنت مصابًا بعمق الشعور .
_________________________♪

الاربيعاء .
تبارك:كعدت الصبح كبل نزلت غسلت وهاي، بعدهي رحت جبت الكتب وقريت مادتنة مال دروس اليوم اخذتهم من بنو،لان البارحة وقبلهاا مجازة، فَ كملت بعدهي مر لوقت، ضليت ع جهاز وبين انزل واصعد ومدري شنو، صار وقت ابدل بدلت ملابس الدوام وسويت شعري وسرحتة، لبسنة الشالات وكملنة كلشي نتضرنة بناين طلعنة لكيناها جاية فَ قبل لنطلع تلاغيت وي امي وتغير مودي حضنتها ومشيت بعد هن يسولفن واجت بناين شبيج ومدري شنو ضلت تلح واني مكتفية (مبية) وامشي وهي ضلت تلح كالت اهلج هزيت راسي ومشيت بعدهي وصلنة كبل سلمت ع لبنات وبعدهي ذبيت الحجاب بصف غدير شوي واجت فطوم حضنتني بعدهي سويت شعري صارت لحضة ادراك الفطوم كالت يمااااا يجننن يجننن، حضنتهاا معرف شحجي بهيج مواقف 😔😂 .
بعدهي مر لوقت طبعاا حختصر لان صراحة مبية، لمهم صار وقت الاصطفاف ولبنات كلها تهوس وستتم لان ليوم عيد المعلم، فَ رحنة اني ويقين للادارة عايدت المدرسات حضنتهم وهاي بعدهي رحنا بمكانة، وكفت ست جيهاانننن الحمدالله رجعتلنة هي مرشدتنة، كرمو الي ماخذين ب 90 وفوك، وحنا ضلينة لباقين نصفكلهم ونضحك ونسولف لحد ما مرت مراسيم الاصطفاف بعد وقت طويل دخلنة للشعب وبعدهي طلعنة معدنا شي ويقين كالت هم شعرج يجننن، لمهم كلها كالت احلا، فَ زمردة لعوبة ليوم مجاية، مر لوقت نتمشئ اني وفطوم ونسولف ونضحك كلعادة سوالفنة متخلص بعدهي اجتنة بناين وهم ضلينة دككك سوالف وبعدهي اني وياهم وبنو ويقين حرفيااا تونسنة شوي دخلنة للقاعة الجبيرة وست ريام ومروة ولطالبات لعبن لعب ديجي مشغلين واغاني وردح بس اني وفطوم ضلينة وحد واكفين ع جها نضحكك بس ونحش منكدر، وهاي بنو ويقين ذبن لحمممم فلكك وبناين وي صفها راحت، صدك ضحكنةة كتلهن لو بناين هنا جا صنفتجن، فَ مر لوقت وهم لتمينة نسولف ع سفرة وهاي لحد مااا اجة وقت نطلع للبيت، بعدهي هم طلعنة سوة، رجعنة بدلنة وتغديت ولبنات هم، كذالك امي طالعه للدكتورة مدري شعدها وي نبأ رايحة، ومريم وبيبي يم جود حسون جان ماخذ جهازي رقية وياي وفضة هستوها كعدت من النوم ومر لوقت غسلنة المواعين بابا راد علاج بطنة توجعة غدير جابت من الصيدلية وراحت للمحاضرة واني اخذت جهازي من حسون وصعدت، وهسة كاعدة عادي حشوف انستا وكعد اقرا قصة .
مر لوقت كلعادة حجينة اني وبناين هوايي وكالت مروح بسبب اهلها،
_________________________________

3/2 .

تبارك:اليوم التالي،

كعدت ع صوت بنو تركع مدري شنو همزين فزيت لاننن جنت بحلم ايعع احلامي نصها غريبة، وتخوف، فَ كبل هن كامن يبدلن وجانت ساعه 8 الصبح، نرلت غسلت وهاي، بعدهي بديت ابدل لبست البنطرون الجارلس ويا شونن، السترة صفرة بس بيها سحابة وحزام بعدهي شال ماروني مخطط بأسود وحذاء ماروني واسود عالي وجنطة ماروني، كلش طلع مرتب وحلو، ولبست الشفقة، خليت تنت ومسكارة بس وكملت كلشي، بنو نزلت كالت كلش حلو بعدهي اجت زهراء بنت الحجي علينة حت نروح سوة، فَ كالت
زهراء:هاييي شطالعه يجننن والله
تبارك:حبيبي انتي الحلوة والله 😔😂.
كتلها تفضلي وهاي، خليت عطر وامي تصيح كافييي حت عبالك سبحت بي موبيدي احبة 😂😂😭 .
فَ مر لوقت اتجهزنة كلنة، وهاي
اجت زهراء محمد ويانة وتوجهنة للمدرسة، وصلنة شفنة المنشأت(السيارة العالية)  فَ دخلنة سلمنة ع لبنات كلعادة وصديقاتي لي بلصف كالو لبسج حلو، (هلكلامم لانو اني دائما شايفيني بملابس الدوام وملابس الدوام مو مثل ترتيب البيت والطلعة، صح حلوات بس مال طلعة اني كلش اعتني احب شي اسمةة اناقةةة 😭😭 بدون موبالغة اهمشي عندي منضري من ناحية كلشي احب النضافة والبس الي يكون مستور مو مبالغ بي اني من لبست هلبس ابدد مو شي يطلع جسم لو عيب لا مرتب ومستور .)
فَ مر لوقت وحنا كلنة بلساحة وجانو مداومين الابتدائية فَ المدير لعب جولة وشسوة تخيلو طردنة، كال انتضرو برة معندة غيرة ولا كال هذول بنات؟  لمدرسات كلش مقبلو ع تصرفة، دائما يكون همجي خلحجيها هاي مو اول مرة اسلوب معندة .
فَ مر لوقت وقتنع يدخلنة بلقاعات ونبه ع تصوير الي بساحة عود ميقبل اخذنة صور بلقاعة اني والبنات وهاي، بعدهي مر لوقت واجن المدرسات والمديرة، طبعاا جانو سيارتين وحنا عددنة هوايي فَ صرنة وجبتين روحة ويجون ع لباقي فَ صرنة احنا اخر شي صاحت الاسماء وراحو نص وبقينة احنا بدو يصيحون الاسماء صاحو اسماء شلتنة بقت بس يقين،
زهراء محمد: تبارك سمعتي ام الفيزياء شكلتلج؟ 
تبارك:لا
زهراء:كالت هاي شطالعه عيني تبارك
تبارك:هههه مدري ضلينة نضحك ونسولف اني ولبنات فَ مر لوقت واجة دورنة وحنا متمسكين ايد بأيد، لحد مصعدنة السيارة كلنة، وبدة الدك ولركص شغلو بلسيارة وفطسنة ضحك ونصفكك ولاغاني تجننن، حرفيا تونسنة بيهاا، فَ مر لوقت هيج وصلنة وهم سوة دخلنة تحت االانضار، بعدهي لكينة مكان فرشنة فرشة وكعدنة عليها احنا الخمسة، وبدينة نصور ونسولف ونكرز حب بعدهي صورنة ع اغاني ترند وكمنة نفتر ونضحك ونتناكر كلعادةةة، لازم وحدة تطنكر اني اكيد 🙂😂😂😂😂 .
وهن ميكعدن راحة فَ مر لوقت رجعنة وكعدنة بمكانة تقريبا ساعة 1 وينننن يلا اجة الاكل الي وصتلنيا المديرة كالت سودة عليةةة تعالن اكللن ويانة بس مقبلنة ونضحك ع كلامها لطيف 😂😭 .
فَ راحن فطوم ويقين ياخذن الطلب لحد ما اجن تقريبا ب 2 كملنة اكل كمنة نغسل وهاي، رحنة عود نلعب اول شي صعدنة الاخطبوط وتونسنة وتصوير وست اصيل ويانةةة ولبنات تقريبا الاكثرية بس مدرستنة لان مكو احد مدري شعجب هلمرة كلش حلوة بهدوئها، فَ مر لوقت عود رحنة للمنخل (الدسكفري) وجان يكول منشغل وطفاها، عود مأيسنة رحنة للسفينة وهم كذالك وحنا اني وفطوم ضلينة ندك ونلطم، ولبنات لبقية راحو يصعدون بلسيارات كعدنة ع لمساطب ومرحنة وحنا ضايجين حرفيااا دمعت عزااا هاذ التعي ولوقت وتاليها منلعب، فَ مر لوقت اجة رجال شغل المكص قنعتة فطوم يشغل السفينة عود اجينة احنا وكم بنية من الثالث والرابع وتقئ وهاي وتاليها مشغلها كال مدري شنو فالت عفناها وكنالة عمو فدوة شغل العربة كلشي ملعبنة، وهلمرة كعد حضنةةةة الحمدالله صعدنة اني وفطوم الي ورة وزمردة ويقين كدامنة عاد بنو صورتنة لعبنةةةة جولة بلعياط بس مجرد هيج علواهس اما هي كلش حلوة علاقل طلعنة شوي من الي بداخلنة، فَ الحمدالله من لعبنة اتونسنة بيها فَ مر لوقت نزلنة وكالو حنروح للبيت، رحنا اخذنة عصير اني وفطوم وطلع مطيب عفتة واخذت عصير بارد من غدير وفطوم لعبت نفسها فَ كالو اجت السيارات وهم تقسمنة شفتين، فَ راحو اول وجبتين وضلينة احنا نفتر وناخذ صور ولمدرسات صدك يونسن كل الي راحن سبورت وجانن ( ست اسيل و اصيل امال و فاء ست رنا لمديرة وست مروة) المهم ضلينة نفتر اني وفطوم يم صديقات غدير كلش يضحكن، فَ مر لوقتتتت واجت السيارات يعني دورنة، رحنا نركض نصعد وفطوم كاضة ايدهاا لان مكدر من لكعب كسرني يمةةة رجلنة راحت من التعب فَ صعدنة وضلو يصيحون اسماء وهوسة لحد مكملت وبدن يشغلن الاغاني اني رقية كعدت بصفي وهي متكعد راحة فطسنة ضحك وهم ركص واغاني حرفيااا لعبن لعب اكثر من لروحة وست اسيل وفاء يكولن كافي متعبتن وهن مكو مكيفات ع لوضع، مر لوقت هيج كلش لطيف وحلو انو نكون وي الاصدقاء وناس لطيفة وايجابية يعتبر هيج شي، فَ كمل هليوم الطيف وصلنة ورحناا سحللل للبيت حرفيا تكسرنة سولفنة ع يومنة وهاي وصعدت فوك ع جهازي شفت الانستا وهسة كتبت الاحداث وحرجع اشوف االانستا اخليهن يدزلي لصور 🫶💖

اي مر لوقت سويت اندومي اكلت اني وخواتي وحسون، بعدهي غسلت المواعين وهاي وصعدت ضليت اقرا قصة وطفر بلبرامج صارت ب 12نمت .

سأقوى وإن كنتُ وحدي .
________________♥.