#ذكريات_ لا تموت .

2/7

اليوم .

تبارك:كعدت ب 12 الضهر وتوتر اني وبنو لان ليوم النتائج، نزلت غسلت وهاي وضليت منا ومنا لحد ما رحت اصلي كملت ورحت ابدل لبست تراك بس مال طلعه مرتب، كملت وشفت بنو ضحكنة لان لابسين نفس لشي بس هي غير لون كملنة كلشي بين سالفه ضحكة وتوتر اكيد طلعنة، وصلنة يم ياسر وجان قرد معرفة كاعد و ومزرب ع كولة فطوم (منكش) وصلنة اول بداية بيت بناين امها كالت مريضة، عفناها رحنا لفطوم كالت امها بعدين يجون، رجعنا اني وبنو وطلعنة كبل للمدرسة وصلنة وصايرة زرق ورق من لبس لبنات، ولالوان وكفنة يم لباب محد جاي ومفاتحيها شفنة عذراء ورملة ضلينة نسولف ونضحك عذراء فطستنة صايرة كلش، المهم مطول بلاحداث مرت تقريبا ساعة ونص يلا دخلنة وهوسة، فطوم اجت هي وامها فضلينة ع جها لحد ما سلمو نتائج الثالث بعدهي احنا، وكفنة وست زمن تحاجينة ع مود نشتكي ع ست اصيل ام الفيزياء، ع مود مدخلة كم فصل وحنا مشارحي لمهم مر لوقت ودخلنة غرفة المديرة و ست ريام دورت لحد مطلعت نتيجتي وطلعت بلفيزياء مكملة، لحمدالله ع كل حال ما اعترض، صح ضجت بس مكول غير حسبي الله ونعم الوكيل وبس هوا يشوف بعينة جان موضوع عادي وبنو الحمدالله ناجحة كبل طلعنة للبيت وصلنة وكالو عادي وهسوالف رحت كبل بدلت ونمت بدون لا حت احجي ويحاجوني مرد كعدت وصعدت فوك ع جرباية عمة عود انام شوي ونزلت جوعانةة ما اشتهي بس بطني صوتها طلع 😭 .
نزلت صبيت الي غدة واكلت بعدهي رحت نفرفر منا ومنااا لحد ما اجة وقت، بنو كالت يلا نبدل لان حنطلع نسوي عيد ميلاد مريم، اخذت ملابسي وصعدت بغرفة عمة كلها كاعد تبدل انيهم بدلت وبعدهي رحت ع المراية خليت مكياج بناتي (تنت ومسكارة) كلعادة بعدهي لفيت الشال وكملت كلشي لبنات هم كملو مريم نزلت تبدل كلت لغدير امشي نشتري علج ونرجع طلعنا نشتري ورجعناا، وغدير فطست عليها ممتعودة ع البينصل لان ضيق اني عادي التنورة صح عدلة بس مو ضيقة مريحة، بعدهي ضلينة فوك لحد ما اجة ضافر السايق حت ياخذنة صعدنة وفطسنة ضحك غدير صارت ع جهة الجامة واني بصفها بعدهي بنو وعمتي ومريم بلصدر صعدت، فتحنة الجامة وهو شغل اغاني ضلينة نصور لحد موصلنة، نزلنة يم مطعم (مزايا) وضلينة نتمشئ لحد ما بنو وكفت مريم بشارع واحنا دخلنة ناخذ هداية اختارو البنات كلشي وطلعنة، مر لوقت اجت عمتي زهراء وبيبي سلمنة وهاي وهم رحنا الهداية لارين نختار، اخذت سوالف نازكة كلادة ومحبس واني اخذت سوار كلهم فضة، لان احلا طلعنة وعبرنا ع شارع الثاني حت نختار الكيكة من الشكرجي، بقينة برا اني وبنو ومريم وهم يختارون واني اخر شي دخلت وختارينة الكيكة اني وعمتي زهراء طلعنة وعمتي كالت امشن ناخذ العمر (19) شمعة يخلوها ع الكيكة، رحنا اني وبيبي وعمتي زهراء ضلينة نفتر ومكو لحد مدخلنة مكتبة المودة لكينة عدهم اخذنة وطلعنا منتضرينة يم مطعم (مضايف اهلنة)كلش نازك وحلو ديكورة، تصلت زهراء ع دعاء وكالت احنا فوك بلسطح اصعدو، صعدنة يمة يجننن هستوني رد ادخل صار بوجهي الي يشتغل فوك عبرت ودخلنة، جان ديكورة حرفياا حلو، ومرتب واحلا شي جانت باردة ومكو احد صاعد بس احنا اول مصعدت بنو كالت يمي،
تبارك:فديتتت ليحجزلي مكان 😭😭😂 .
ضلينة نضحك ونشاقة، شفت غدير دتصور يم ستاند بي اضائة يجننن واني شون كيفت بعد كبل اخذت جهاز عمتي زهراء لان ايفون ويطلع الصور حلوة، ضلينة ناخذ صور اني والبنات كومةةة اخذنة، بعدهي عمتي اجتني كالت يلا اخذيلي هسة، ضلينة كلساع نختار مكان ونصور وجابو الاكل اني ضليت اصور ما اشبع احبهمم، لحد مصاحت بيبي يلاا تعاي وعمتي كالت بعدين اخذذي، رحت كعدت بصف بنو، اكلت شوي وكمت نفسي لعبت معرف ليش، شغل اغاني ولجو يجننن جان يوم يجننن بعدين هم كملو مر وقت شوي واني ولبنات نركص ونكعد بس مو ركص حفلات لاا ع الاغاني وجانت غنية شيرين واموت عليها مر وقت وعمتي بدت تحضر للعيد ميلاد حضرت الغراض وبدينة تصوير واجواء العيد ميلاد معروفة، فختمنها بصور وركصة بس قبل لنطلع ضلينة اني وغدير نباوع من فوك واخذنة صور المهم نزلنة، وطلعنا نتمشئ تحت الانضار كنسلت الوضع وضلينة نسولف ونمشي اني وغدير فَ وحنا ودنمشي شفنة بيت عم بابا خالة وسن وزهراء بتها، سلمنة وهاي وضلينة نمشي سوة دخلنة مجمع ملابس وسوالف بنات اكسسوارت دخلو هم ياخذون ومر وقت هواي وطلعنا لحد مكالت عمتي يلا خابرنة ضافر، وبنو تكمز تريد تاخذ جبس الكرادة وتكلها ما اصعد الة تاخذيلي،دنمشي وصوت هورن ورانة طلع ضافر، اني مردت اروح كتلهم ارجع وي عمتي وبيبي راحو هم، واني رجعت واحد ضل يباوع خزرتة ومشيت هوا اني ضجت وهذول بطرانين الهمج، كالت بيبي هاا مرحتي كتلها ارجع وياج، ضلينة نمشي وعمتي تسولف ع بوشي (بزونتها)كلش لطيفةة تجننن، نمشي لحد موكفنة وسيارات تمشي ننتضر عمو علي يجي (زوج عمتي) فَ مر لوقت واجة صعدنة واني صرت بحضن بيبي صدك ضحكنة صرت ع جهة الجامة ختنكت لحد موصل بيت عم بابا واني نزلت من حضنها كعدت ع جها وهي ع جها ضليت اصور وهم يسولفون وصلنة وتشكرناهم، دخلنة ورحت كبل ابدل وسولف وي امي الي كاعدة وي جود وهو يبجي مر وقت وبعد عركة اني وحسون يلا قبل يشتريلنة اني والبنات كتلة يجيب اندومي لان مَ اكلت زين اني وجوعانة، راح وضليت منتضرة لحد ما اجة مريم ضلت تكص كيك وخلت لامي هم اكلو، بعدهي اجة حسون كمت سويت الاندومي وكعدنة ناكل سوة خلصنة ورحت اغسل المواعين وصعدت ع فراشي وهنا ضلينة اني وغدير نراسل زهراء حت تدز الصور بعد وقت يلا دزتهم وكبل صممنة ونشرنة انستا وتاكات وسوالفنة بعد، مر لوقت بنو نزلت تسوي اندومي واني هم جعت حرفيا نفتكت ع الاكل اكلت الجبس وبنو اجت اخذت منها لبن واكل ضلينة نضحك ونسولف وبعدهي راسلت انستا، ضلينة نحجي طيبة وبناين وزنو، ومصطفئ كتلة ع نتيجتي لان سئلني وضل يكول الحمدالله وهسوالف ختمتها بأعجاب ع المحادثة مليخلك اسولف، اصلا بعدهي صارت ب 1 كبل بنو نامت واني شوي ونمت .

وكمل اليوم الطيف حبيتة هواي . 2023/2/8

____________________________♪

سأقوى وإن كنتُ وحدي .