#ذكريات_ لا تموت .

1/10 .&

- بعد أن تَراكمت
كُل هذه الأحزان
فوق بعضها
، أنا الآن لا أعرف
أيَّ حُزنٍ غيرني لهذا الحد .

تبارك:ستلمنه كتب قبل ايام وشترينه قرطاسيه وملابس الدوام كامله .

جان اليوم اول يوم دوام كعدت تقريبا بـ11 لان دوامي ضهري فَ غسلت وهاي وبدلت صار الاذان توضيت وصليت بعدهي طلعت وي جنات وفضه وتوجهت لـ زهراء سلمنه ع بعض وبعدهي مريت ع بنو جانت ساعه 12 ونص فَ توجهنا للدوام جنت متحمسه هواي وكلش هم لان منتضره هل يوم حت اشوف فطوم، ولبنات فَ وصلنه من بعد كلام صعدنه فوك لصفنه لانو الخامس يكون فوك فَ سلمنه ع لبنات وهاي
بنو:شو يقين ماكو؟
تبارك:اي ولج ماكو لا هي ولا فاطمه طبعا زمرده اجت وحضناها بس بناين متداوم ليوم عدها ضرف
مر الوقت وكالو اسطفاف واني بالي يم فطوم سطفينه وهاي واجت يقين وكلعاده، حضناها فَ مر الوقت وتوجهنا فوك للصف جانت عيني ع الباب ومنتضره فطوم ثانيه ثانيه وكلساع اتخيلها تجي كمت من الضوجه اكلجن حنزل جوه بلكي اشوفها تجي
البنات: تمام
تبارك:تماره تعاي وياي خل ننزل
تماره:يلا
تبارك:نزلنه وبعدني وصلت نهاية الدرج شفت فطوم بملابس طلعه مو بيت وياها امها
هلوو وحضنتها وهي هم
شونج خاله؟
ام فطوم:هلو حبيبتي
فطوم:مشت امي كدامنه واحنا وراها صعدنه وهمست يم تبو شوفي، امي.....
تبارك:كلامها جان حرفيا مثل الصاعقه ختفت ابتسامتي وبهت وجهي شنو؟
فطوم:اشش ولج،
تبارك:ضليت صافنه حرفيا ممستوعبه شنو حترحين ليش مكو ملابس دوام؟
فطوم:حنقل لمدرسه اهلية اوروك اسمها
تبارك:هنا ما اعرف اوصف وضعي شنو ضربتين ع الراس صعبه هواي جان يوم ما اعرف شنو اوصفه
ضليت امشي وياها واني روحي باهته وهي تحضن بيه
فطوم:شوفييي كلمة هيج تكتبين
تبارك:كلبي يدك سريع الموقف صعب دموع مكو بعيني من لصدمه بس غصه صارت بروحي ركضت جبت ورقه وقلم واني بالي يم موضوعها، اجو البنات وسلمو عليها ونصدمو انو حتنقل واني بالي ما اعرف وين صرت مشتته شنو جان مريت بي وي فطوم معقوله بعد؟مراح اكدر التقي وي صديقة روحي؟
فطوم:حضنتها وحت ما اعرف شنو اكول
تبارك:فطوم وصتني وبعد ودعتني وراحت واحنا نباوع لبعض بس محضنتها؟ مكدرت انطي اي ردة فعل من صدمتي حرفيا نصدمة حرفيا،
لبنات كالو حنروح للحانو بس يا اكل ويا شي الي يشفيي هل جرح لبكلبي؟دخلو لبنات واني نتضرتهم برا، الغصه بلعومي ودموعي معلكات لحد مستوعبت اي ستوعبت بهل لحضه احس نهاريت اجت يقين تركض ودموعها وياها وعصير بأيدها
يقين:لججج هاذ العصير جنه سوه نشتري،
تبارك:هي ضلت تحجي واحنا نهارينه، من البجي بوقتها يقين خلتني انهار وهي تسولف مكدرت الزم دموعي اكثر بعد،
اجت بنو وزمرده وهم يصبرون علينه بنو جان الموضوع ما اعرف عدها عادي او هي نصدمة ومكدرت تعبر، صعدنه فوك واني روحي رايحه ونصها تباوع علينه لان نصبغنه من البجي،
واني اتلافه هل شي محبه،
عاد هن كعدن واني نزلت جوه توجهت للساحه ومكانه المعتاد جان ع الصبه جنت ابلع غصتي بس حت اوصل واني اكول ياعلي دخيلك ياربي، يا الله صبرني جنت بس اكول هل كلام وانخا الائمه من وجع كلبي وروحي كعدت هل مره بس وحدي بمكانه وحدي هلمره
كعدت ومر شريط ذكرياتنه واني نهاريت مر الوقت واني ع هل حال، مشو بنات وحده من كرايبنه اجت هي وصديقتها
البنت:شبيج ليش تبجين صاير شي؟
تبارك:بتسمت بوجها ومسحت دموعي لا حبيبي مكو شي بس صديقتي صار نقلها وهي معزتها اكثر من اختي ف هيج شي
البنت:بأسف اااا نفس موضوعي يعني حقج اخذت صديقتي ومشيت
تبارك:هم راحو واني صافنه بلفراغ حسيت بحركه وراي شفتهم يقين وبنو وكالو قبل لا احجي
يقين جانت تحجي بدموع:عرفنه كعدتي هنا كلعاده فَ كبل اجينه بدون مندور
تبارك:خليت ايدي ع وجهي وكعدت يمي وثنينه صرنه نشهك ونعاتب عبالك هي تسمعنه بس هي وين؟
شفت بنو تضحك هوا ما اعرف وضعنا يضحك صرت ابجي واضحك ويقين كذالك، وبعدهي خلينه وكمنه صعدنه هن خلو وكعدو وراي زمرده ويقين وبنو بصفي،
محد تاخذ مكاناها احس هي بس منو يعوضها؟  بس اعرف وراء كل خيبة قوه بفضل رب العالمين حنتعوض وراح ننجبر هواي  .
ضلو لبنات يسولفون بمواضيع الدوام والتهو يرتبون لدفاتر بس اني جان مليواهس بشي طفت واهسي  فطوم بعد ما اني جنت تاركه كلشي وراي ورجعت اضحك هي رجعتني للصفر بهليوم، خليت راسي ع الرحله ودموعي توكع اثرت بيه هواي مر الوقت وطلعنا ننزل ونفتر بس روحي رايحه احس تدرن جنت حاسه احس كلبي لاعب من جنت انتضرها؟
يقين:جنت اباوع وابتسم بحزن فطوم جانت كلش معزتها قويه عدنه هي صنعت هل شي بسوالفها وحركاتها لطفوليه.
تبارك:مر الوقت انطونه درس احياء وجدول وطلعت واني حت مليواهس الشي راح حماسي حتَ عاد نزلنه واخذنه جنطنه لان قرب وقت نطلع للبيت، طلعنه اني وبنو ورحنا لبيت يقين اخذت بنو منها كاويه وتوجهنا للبيت، ودخلت كبل اخذت جهاز بنو وسويت الي كالت عليه فطوم
مر وقت خليت وطلعت لبيتنه اكل ما اكلت كبل بدلت وصافنه كلت لامي وماما ضحكت،
حقهم محد مجرب هيج شعور ومراح يحسون شنو الي صار بداخلي اصلا هاي مو مبالغه، هاي قطعه من روحي صارت وراحت .

مر الوقت ورحت صليت المغرب وكعدت اكل لان دخت وكل تفكيري يمها شصار وياها هسه وضعها صعب وضعي صار اصعب منها .
كعدت اقرا احياء ورتبت الدفاتر .
وبعدهي اجيت كعدت يمهم بلصاله بابا نام وجود وفضه هم نامو ورقيه كاعده وحسون طالع وماما يمنه
واني ما اعرف شنو بعد منتضرني اكثر منهاذ؟ هههه هوا شبقا اخسره .
الحمدالله ع كل حال هلشي مقسوم بعد . ولوضع مدري شونه كاعده ع جهازي و نت مكو بس منزله مسلسل حت مليت لان واهسي طافي ما اعرف بس اذا ترجع فطوم حترجعلي روحي وياها واذا مرجعت اريد بس من ربي الصبر وربي يوفقها ساعه ب العشره بعد وقت فَ بعدين انام وهاي هي .
---------------- .

قولو لها انني
لازلت اهواها
مهما يمر ...
لا انسا ذكراها
قولو لها انني
لازلت اهواها
مهما يمر ...
لا انسا ذكراها
هي التي علمتني
كيف اعشقها؟
هي التي سقتني
مهدويها،
روحآ من الله
سواها لنا بشر
كساها حسنآ
وجملها وحلاها
لليل لليل يا لليل يا لليل .
.......