#ذكريات_ لا تموت .

2/10

كنت صامتًا ، لكني لم أكن أعمى
I was silent, but not blind .
_______________________________♪

تبارك:مجان اكو احداث وروتين عادي فَ مكتبت ع البارحة .

اليوم:

تبارك:كعدت ع صوت رقية عطت بيها لان تريد افتح الرمز اخذت الجهاز شوي وصعدت عمتي ضلينة نسولف شنو نلبس وكالت لتاخذن صايات بس جادر صلاة بس اني اريد صاية واخذ الجادر، هم وتفقنة ع لبسنة، المهم هي نزلت تسوي الكليجة، وغدير هم نزلت بقينة اني وبنو شوي وكمت اغسل وهاي وكعدنة نسولف ع باجر، (نروح لكربلاء) بعدهي كمت توضيت وصليت لان ساعة وحدة الضهر، كملت وبنو صلت، هم اجيت ع جهاز واجت الكهرباء دخلت ع انستا ضليت اشوف ستوريات وطلعت، رحت ع تيك بعدهي شفت لواتباد فطوم مراسلتني وتكول مشتاقتلجن وهاي، كلنةة مشتاقينن لبعض لان منتضرين لدوام بس ايععع، مريدة المهم ضلينة ع جهاز وهس حنزل اتغدة.

2:20.
عود نزلنة حضرنة الاكل كعدنة؟  اني وبنو ومريم وغدير،
واو الاكل ستغفرالله اني محب لبامية كلش، اكلنة شوي عود بعدين مكدرنةةة لان مطيبةة محبيناها كمنة اني وبنو، وضلينة نحجي، اني ممتعافية واكول الحمدالله، بس هوا الصوج مو بلاكل بيهم، الئ متئ كافي لعبو نفسي كليوم، اني اكللل وجبة وحدة؟ لو ثنين حسب ما اجوع بس اني مو كلش وي الاكل، المهم يعني اكل الضهر وابقا الثاني يوم هاي كلعادة؟ ويحجون ع لاندومي يابةةةة والله الاندومي اصلا احسن بهواي علاقل اكل واشبع وبراحة، مو مثل سوالفهم اكل مدري شونة حشة نعمة الله، خليت وصعدت مكول غير الحمداللهه بسس، من ورا سوالفهن 🙂 .

حروح انستا لو تيك،

2:35.  بما انو طفت الكهرباء فَ حقرا لقصة،

مر لوقت وهسة ساعة 4 شكددد مندمجة لعد ضليت اقرا قصة الليث الاسود، كلش حلوة ومو مملة حبيتها، ولعبت لعبة نزلتها عود ع مود لروحة بسيارة كضي وقتي بيها وبعد مدري لان محب انام بلطريق معرف وتضل نفسي تلعب ولمشكلة مَ اتقيئ، كلها جوة بابا وعمو اجوي من الشغل بنو نزلتت اصلا بقيت بس اني بلغرفة وهسَ حنزل.

فَ شنو، نزلت جوة وضليت كاعدة بصالة ونسولف ماما و بابا وفضة كلعادة تكمز، شوي وكمت بدللتلها ومشطت شعرها وعطرتها وراحت بشارع هي وجنات شوي ودخلن يتكافشن، صعدت فوك لان اجت لكهرباء وضلينة ع جهاز اني ولبنات شوي وصار وقت الغروب و ب6 نزلت صليت وهاي، وبعدهي مر وقت عادي بابا نام ومنتضرة الدراجة يجيبوها ع مود يروح حسون يجيبلي الشغلات الي احتاجهم، جادر صلاة وهاذ لبس معرفة لمهم مثل الخفاش ينلبس فوك لملابس 😂😂 .
مر وقت عادي ضليت بين جهاز وبين يصيحوني نزلت جوة اكلت وضلينة نسولف اني وبيبي ايمان، شوي وصعدت بعدهي هم نزلت لان جابو لدراجة وصيت حسون بعد مقنعتة يروح شكد خبيث، راحو وصعدت فوك، كلها سبحت وبقينة اني وبنو اخر شي غدير دترطب جهرتها وماسكات، اني وبنو شوي منتضرين المي يحمة حت هي تدخل واني بعدها، وبعدهي ناممم، ومن ارجع الاثنين بسلامة، بعد منروح باجر، اكتب الاحداث، وشسمةة معندي نت هناك فَ جهازي حأاخذة اكتب الاحداث وانزلهم من ارجع وبس 🦉💙 .