#ذكريات_ لا تموت .

4/12

رُغم قلّة ثرثرتي في الآونة الأخيرة ، رُغم شحوب وجهي ، وذبول ملامحّي ، رُغم تركّي لأغلب هواياتي كالقراءة والكتابة ، رُغم حدة تعاملي على غيّر العادة ، رُغم بحة صوتي الواضحة وضوحًا تام ، وعيوني الغارقة بالقليل من الدمعات ولمعتُها الحزينة ، رُغم نزول وزني وإنحدار مستواي في المُدرسة ، رُغم عدم تواجدي بينهم بشكل دائم على غيّر عادة ذلك ، كُل تِلك الأعراض الغير محجوبة للغريب والقريب لم تُلاحظ عائلتي كل هذه ، حتى أقرب أصدقائي لم يسأل ويلاحظ حُزني ، هل فعلًا بأن كل شخص مسؤول عن نفسه ؟
يعني أن لا نطمئن على بعضنا البعض ؟
أم هذا بسببي أنا ؟
أم حقًا أنا لا أعني لأحدهم شيئًا؟

_________________
تبارك: مرت الايام كلعادة، لهل سبب مكتبت، شي روتين عادي جان
اليوم دوامنة صباحي، يوم ثلاثاء رمضان ونعاس كوة نكعد ونروح، كعدوني البنات دخلت الغرفتنة، اخذت الملابس بدلت وكملت كلشي طلعت، غدير كملت هم نتضرنة بنو، كالت تجي بناين ونروح فَ نتضرنة شوي واجت بناين، شو هاي ب سيارة كالت يلا تعالو ضلينة صافنين بوجها اشرتلها بدون ميشوفون بحركة اني اعلمج، صحنة بنو وطلعنة كلنة السلام عليكم وهاي، لحد موصلنة والرجال يتشاقة ويانة، فً كتلها منو هاذ ابوج؟
بناين:يااا ولجن هاذ جيرانة، شافني وضل يلح ستحيت اردة
تبارك:عزااا شكد عيب شنحس،
ضلينة نضحك، وصلنة دخلت للصف سلمت ع لبنات وكعدت اراجع عربي عدنة امتحان ادب شوي واجت فطوم طلعنة نراجع ونسولف لحد ما بدة الدرس الاول شاغر، ودرس ثاني كذالك وحنا لو نفتر لو ندخل بلصف، ونسولف كلنة، اني وفطوم وبنو ويقين وزمردة فَ شوي نسحبن بنو وفطوم شو شوي واجت ست اسيل وياها لبنات ويبتسمن،
اسيل:منو متقبل تطفي السبلت منو شغلة اصلا؟
تبارك:احنا ضلينة صافنين وهدوء ست اسيل كامت تعيط، اخر شي حجت غدير
غدير:ست اني بس طفيتة ولبنات مقبلو؟
اسيل:يا بنات؟
غدير:اشرت ع مريم و اية (الثنائي التس)
اسيل:ليش متكومن ومتحجن وشنو هاي المكياج والحمرة كومنننننن؟ 
تبارك:اباوع لـ بنو وفطوم يبتسمن بشماتة، ويقين كذالك ادير وجهي لزمردة اني وياها نباوع بستغراب كلت الهن  ولجننننن شنو نعديتن صرتن تسس مثلهن؟
يقين:خيولن اصلا يطبهن مرض ولجننن تطلبني بوسة ع هل سالفة (تقصد بنو وفطوم)
تبارك:طبعاا، مر الوقت وهذن ترزلن وستدعو ولي امرهن للأدارة،
فَ مر الوقت ورحنا امتحنة، بعدهي مر الوقت وضلينة بين سالفة وضحكة ويقين تسولفنة ع بنت عمتها وقصتها بعدين طلعنة للبيت، وصلت والتعب الفف رتاحيت شوي وصليت بعدهي صعدت ع جرباية ونمت من التعب مكعدت غير ع صوت
شفق:كومي ولج
تبارك:بتسمت بوجها وتذكرت اليوم عدنة قراية مال جرح الامام علي (ع) هسة شوي واكوم، وبعد مكدرت انام كعدت غسلت وهاي سلمت ع شفق وعمة زهراء بعدهي دخلت اسبح كملت وهاي، كلشي مر الوقت عادي، صارت ب 6 عمتي اخذنة جهازها وكعدنة اني وشفق وهي وفطسنة ضحك وهي ترزل بينة، اخذنة جهازها حت نثبت الها هايلات اكل بعدهي صار وقت الفطور حضرنة كلشي وفطرنة بعدهي رحنا نحضر للقراية بدلت لبست قميص وبنطلون جارلس، وشال كلهم اسود، وغدير هم قميص وبنطلون، بس شفق وبنو صايات، بعدهي دخلنة للمجلس وسلمنة و رقية وكحة متكعد بس تعيط، وام حسن وجنتها يكولن هاي عاقلة لجبيرة وهادئة مو مثل هاي، اني ابتسم الهن مجاملة، مليخلك تعودت ع هل حجاية. صح اني بكل مكان هادئة الة بل بيت دائما عصبية بس بنفس لوقت متجنبتهم، بعدهي مر الوقت وكمل المجلس وصديقات غدير بس هم اجو صديقاتي محد اجة منهم، بعدهي مر الوقت اكلنة جبس وراحو شفق وعمتي زهراء واحنا صعدنة فوك بدلنة وكعدت اني وبنو ع اجهزتنة وغدير وعمتي نامو ولبقية كذالك،
وهسة كاعدين ع اجهزتنة والجو مطر طبعا بس عادي طلعو النسوان بس قليل الي اجو،
ضوجةة ومللل فَ حقرا قصة احسن 🦉.
مر الوقت، وحنا بغرفة عمتي حارة كلش فَ خلينة ونزلنة بل صالة فرشنة بنو نامت، وكلها تقريبا جانت ساعه 2 ونص، اني ضليت ع لقصة، ومشغلة لطمية، لاترد مات الورد كلش حلوة، شوية وصارت ل 3 خليت، ونمت وباجر اصلا مكو دوام و عطلة 🦉 .
_____________________________________
‏
4/15
____________________

تبارك: صار يومين من، اجيت بيت جدي روتين عادي
صاايمين فَ مكضيتها ع جهازي ونوم، وصلاة
يصير الفطور، بعدهي يمر لوقت اتسحر اندومي وانام،
راسلت هدئ وتفقت وياها نروح ونرجع سوة، لان المدرسة بعيدة شوي ع بيت جدي، وباجر احد، عندي متحان انكليزي قريتة بقة اراجع، و انام و الله كريم منا الباجر و بس مريد اكتب نفس لروتين كليوم، لان معروف شنسوي بحياتنة ليومية، واذا اكو حدث جديد اكتبة 🦉 .
**
أعلم يا الله انك تسمع بما يدور في داخلي، انا وحيد و اشعر بالحزن، لا احد بجانبي، ولا احد يشعر بي، الأكتئاب صنع مني شخص لا اعرفه، اصبحت احب العزله والبقاء في غرفتي كثيراً، لم يبقي لي صديق بعدما كنت اجتماعياً، الاهل يقولون اني شخص فاشل لا ينجح فشئ، لا اريد سوي ان ارجع كما كُنت .