#ذكريات_ لا تموت .

2/6

.-
هذه القسوة الّتي تتفاخرين بها لا تشبهُكِ أبداً، كل تصرفاتك الجنونيّة والغير منطقيّة الّتي تُحاولين فعلها لا تُرضيكِ من الأساس ، اللامبالاة لا تليق بكِ أيضاً ، كلماتكِ القاسية لا تشبة عيناكِ أبداً،
حتّى وأنتِ تُحاولين الإنتقام من أحدهم تظهر طفلة ما بداخلك ، هذه الّتي تُحاولين تخبئتها عن الجميع تُحاولين دفنها بداخلك تظهر لتفضح هشاشة قوتكِ .
_______________________♪

عن اي حياة تتحدثون؟ عن اي امان وانا الذي اصنع امانا لنفسي لن اجد احد ليساندني او يقف معي لم اجد احدآ مع حزني انا اشاركهم افراحهم وحزنهم لكن من يرى ما في داخلي؟ لم اجد سوا الخيبة ولغدر والانكسار ومن ثم اتاني ماذا؟ القوة ولقساوة ليس بعاطفة لم اعرف البكاء والعاطفة ما هي؟ تماما لم الين قلبي لشيء مضئ انا افكر بحاضري وماذا يحدث فقط لم اريد ان اعيد ما حدث اريد ان اعيش بسلام فقط
لـ تبو .
________♪

البارحة: مر روتين عادي صار العصر ضليت الهي نفسي بلرياضة العب لان ضوجة نزلت بدلت ولبست غير تراك وخليت تنت للشفة ولخدود احبةةة، رفعت شعري وسويتة ع شكل دائرة بعدهي كملت وصعدت شوي ع جهاز ونزلت لكيت عمتي زهراء جاية ضلينة نسولف وكالت حشتري بزونة شوفتنياها كزكزت من كد محلوة احبهم بس الي يكونون بيض وهيج، بعدهي شوي ودخلت خالتي ولولد (علي و مجتبئ) كبل طفرت
نبأ:هلو وبتسمت الي، سملت عليهم وهاي وعمتي طلعت هم و امي هم وبنو نزلت سلمت وغدو،

ضلينة بين سالفة وضحكة ومدري شنو مر لوقت خالتي كالت بدلي حت تطلعين ويانة،تعشينة بس مردت اني اكلت شوي وكمت اني بلبداية مردت بعدين كلت خلروح هي ضوجة، رحت للغرفة فتحت الكنتور لحد مختاريت تنورة سودة عدلة قصيرة بس شوي وجواريب لون اسود خفيف صارت احلا وياها بدي مثل الهاينك مثل لون جوزي ع صفار واسود (جلد النمر 😭😂)واخذت سترة لونها بيجي وبوت لون اصفر ع جوزي غامق يعني وشال جان اسود ورصاصي معرف شجابة بنص بس المهم كسر الالوان خليت مسكارة ومرطب بي لون اكثر شي احبة هن مجرد ارفع رموشي واجرها تبرز سحبة عيوني بيها، كملنة كلشي وشوي وجابو الولد تكسي وطلعنا للهورة، اني وحسون ولولد وخالتي وروان بنت خالي صغيرة، بعدهي وصلنة روان انزلي قبلي خل انزل التنورة مرفوعة شوي، نزلت وعدلتها شو هستوني اريد اسد باب السيارة شنهاي رفعت عيوني وبعدة داير وجها من الدراجة بدينة ع الهمج يمشي بدراجة ويعيط هع يلفتون انتباه عود؟ شكد اكرهم صدك غثة،
نزلنة كبل رحنا لجوكليت بار دخلنة رفعت عيوني صارت ع ولد كبل غلست ودرت وجهي صعدنة فوك وهو جان مسؤل ع هاذ الطابق لان هم 3 طوابق واحنا صرنة بلوسط، ختارينة مكان ع عددنة وكعدنة اني وخالتي ومجتبئ وحسون وعلوش كدامنة روان راحت للالعاب بيها تلعب وي الجهال ولولد صاير كبالي اني اتقيدت لان اكره التجمعات وهسوالف ابد محبهم بس خالتي عيب محبيت اضوجها وهي قبل ايام رادتني اطلع وياها ورفضت، ضليت اباوع بجهازي الهي نفسي وكل ما ارفع عيوني هوا يباوع لو يدير وجهاا من يحس طلبو الولد عصاير النة اولشي اني ردت عصير فرولة وهم ختارو كلواحد شي ضلينة بين سالفة وضحكة وعلوش وحسون لعبو جولة بس يحششون يعني تافهين بختصار مجتبئ هم يخبث ممتعودة ع هدوئة شو هاذ كاعد وبس يبتسم ويسولف عادي لحد ما شوي شوي وطلعت سوالفة وضل هم وياهم، خالتي كرصتني كتلهاا هاا اشرتلي بعيونها ع حسون، درت وجهي لكيت حسون يخطف نضرات ع بنية تطلع بعمرة اني هنااا نمت ع الميز صدك ضحكني ضحكنة علية كلنة وهو يضحك ميعرف علية وهاي خالتي كومي وصوري عود دتعدل بشالها وهي تصورة يعني صدك ضحكنة، جابو العصير وهناا جيب لي يخليني اشرب حرفيا معرف هاذ طبعي معرف اكل واحد يباوع علية يوترني فأنطيت العصير لروان مشربت وبعدهي طلبو اكل حلويات وهيج، اني هم مأكلت نفس لوضع ضليت اصور و عجهاز لحد مكملنة وطلعنة نتمشة ولهوى يجنن احب هيج امشي بطريق صح سيارات بس حلو لمهم، وهم مخلصنة من سوالف اهل الدراجات وهذول الهمج يعني حت لو نلبس عباية وبوشية وهم نفس لشي نفضت كلشي من بالي وكلت طبهم مرض ضلينة نمشي ونسولف ونضحك، لحد مخالتي كالت
نبأ:يلا ناخذ سيارة؟
لولد:اي باردةة
تبارك:لاااا حبابة بهذاك الشارع الثاني واخذي
هم مكالت لا
نبأ:يلا عادي لخاطر ست تبارك وتضحك،
تبارك:بتسمت ومشينة لحد مَ وكفنة ونريد سيارة توكف مكو ولي يسألو يكول مروح لان منطقة بيت جدي معروفة بلمطر كلش محلوة شوارعها احناشوارعنة زين شوي، المهم لحد ما وكف رجال وصعدنة وضلو لولد يسولفون واني نطرشت اضوج من واحد يضل يحجي هواي وخالتي تضحك بدون صوت علية وكلساع افتح الجامة وتكول باردة لحد ما بعد مسديتها ضليت اشتم الهوى لحد موصلنة للبيت نزلنة بيت جدي لان حنبات هناك وباجر نرجع اني وحسون، دخلنة لبيت مشالله جهال خالي مهوسين خالي فوك وخالي الثاني كاعد ع جهاز بلغرفة اني طفرت فوك بغرفة خالتي ابدل نطتني هي ملابس منها لان مَ اخذت بدلت ونزلت كبل غسلت وجهي اضوج عيوني عليهااا شي يبقا لان مو زين اصلا، كملت ورحت اكلت لانن ميتة جوع وبيبي ام ماما بلعمارة بيت عم ماما رايحة، كملت ورحت سلمت ع خالي الصغير جان بلغرفة اخذت الشاحنة وصعدت جنت متكسرة فمالي خلك احد كبل للغرفة ضليت ع شحن وخالتي هم ع جهازها وتحجي وي لبنات (صديقاتها) ضليت اسمع اغاني مدري شونن حبيت الاغنية شسوي كلساع اعيدها (غبت مرة وكف كلشي) وراسلت انستا لحد ما بديت انعس وهذول جوة يلعبون بوبجي، فكمت ورحت ع جرباية قريت شوي من قصة الليث الاسود ونمت تقريبا 1 ونص بعدهي مفزيت غير (اليوم) الصبح الولد نايمين بس حسون كاعد وخالتي بدوام وسمعت صوت بيبي يعني راجعة شفت الساعه ب 12 ضبط ضليت ع جهاز وشوف انستا وبعدهي ضليت اقرا بلقصة شوي ونزلت غسلت وسلمت ع بيبي ورحت ع جهاز وهي دتعزل هوسة الجهال شوي وكمنة بلمطبخ سويت اني الزلاطة وهي سوت الاكل لولد تغدو وطلعو برا بس مجتبئ بقة، اني وبيبي تغدينة شوي واجت خالتي راحت بدلت ونزلت مر وقت عادي اني نسحبت غسلت ورحت ابدل ساعه 2 ونص بدلت ونزلت وهم مر لوقت عادي راحو جابو تكسي ورجعنا اني وحسون للبيت دكيت الجرس طلعت بيبي دخلنة بابا وامي ديتغدون كبل رحت للغرفة بدلت ملابسي ولبست دشداشة لانن ختنكت بعدهي صعدت ع جهاز وبنو كلتلي ع درجة العربي قبل كم يوم ونصبتها مناحة لان ماخذة 86 درجاتي دائما يوصلون وينزلون لمهم كلتلي ع درجة الانكليزي كالت يقين تكول ب 70بس مدري شكد وهي ب 59 يعني درجات زفتتت لاعبين جولة بل تصحيح ضلينة شوي فوك ونزلنة، بابا راح نام وفضة وجنات بديهم المبايلات وساعة طيور جنة وساعه لطميات طرشني وجود (الياس)محب اصيحلة الياس محب هلأسم فقبل رادو يسمو جود واني صحت الة هيج، المهم مرت عمي يم اهلها وعمي فوك نايم بيبي طالعه وعمتي ومريم وغدير طالعين فَ مر لوقت وجعنة كمنة اكلنة اني وبنو ورقية وبعدهي مر لوقت بين عركتنة اني وامي وحسون وحت ضربتني واني ضجت ورقية حاجتني وطاحت بيها الكتلة وزنو(طيبة)كعدت تحجي وياي ومدري شنو لحد مهدئت لان تعودنة ع هلشي. كلهم الي طالعين اجوي صار اليل تعشينة وبعدهي رحنا نغسل المواعين اني وبنو ونسولف ونصنف كلعادة كملنة كلشي ورحت جوة جود يبجي شلتة امي غسلت الفضة كتلها اخذي واني اكمل فضة بدللتها وشفت غدير دتلعب بوبجي بأيباد مريم واني هسة صعدت اخذ جهاز غدير حت نلعب سوة لان معندي اني بجهازي . عفنة اجهزتنة وكمنة نشوف ملابس باجر للطلعة البنات لبسو البينصلات والستر وطلعو حلوات اني مردتا لان مرتاحيت بي فَ راح البس تقريبااا نفس لبس البارحة حت نصير مقاربات نفس الشي بعدهي
لعبنة اني وبنو لان غدير مرادت تلعب وضلينة نضحك ونلعب وكلساع عايطين لحد ما مريم صعدت وعمي صاحني ع مود احاجي بابا نزلت حاجيتة وصعدت بنو كالت كتلونة ومريم ماخذة الايباد اخذت جهازي والبنات صايرات بنعل فطست عليهن من الضحك لحد مراحت كلوحدة ع مكان نومها ضليت انشر ستوريات وهَس حروح اشوف لو مسلسا لو قصة اكضي وقت هيج ونام 🦦 .

احلا شي هسة ساعة 3 الفجر ومنايمة شوفو كضيتها ع انستا اراسل زنو وطيبة وبناين وراسلني مصطفئ ابن خالة ماما ضل يسئل ع نتائج وهاي وراح هاي كل مرة هيج تعودنة ع هسالفة اني وبنو، صدك الاقارب عقارب لان بس اخبار ومصلحة لمهم يولي هلموضوع ضليت وي لبنات وبومتي، وبعدهي راحو واني حشوف مسلسل زنو كلتلي ع قصتها وحبيتها،
غلسو ع السحك اذا اكو. ،

____________♪ .
سأقوى وإن كنتُ وحدي .