لم تعُد الأماكن تسعني أو أسعها لذا أُمارس الغياب بكثره وأجلس مهزومه وحيده أنظر للاشيء انتظر فقط إنقضاء الوقت على أمل أن يأتيني يوم استشعِر فيه بعض الخِفه وأكون أنا .
صباح اليوم .
رونق:تبارك كومي ساعه ب 7 صارت و خمسة
تبارك:مبية حيل حت اداوم من الملل، كمت نزلت اغسل بعدهي صعدت ابدل، كملت دخلت الغرفة خالة نباء شفتها كاعدة، خليت عطر وطلعت نزلت راسلت هدى ضليت اراسلها اخر شي كالت هسة جايتج، طلعت برا انتضرها شوي وندكت الباب طلعت، ضحكنة وضلينة نمشي، اول فرع جلاب وهذن هي وغدير اختها شالن طابوكة، بس شنو حرفيا متنة ضحك الجلاب تمشي ورانة اني تعودت مخلصانة لا هنا ولا هناك، بس ميأذن، خطية الجو حار لما وصلنة روحي طلعت، لان شوي مسافة نمشي ولان صايمين، فَ تعب وصلنة شفت فطوم كلعادة بوجهي ضحكت ودخلنة، رحت للمغاسل اغسل وياي فطوم، ونور كالت نتضرني، شوي وطلعنة رحنا للصف جانت علينة ست نور ام الانكليزي، دخلنة عادي ضلت تشرح بعدين كالت راجعو، امتحانكم اني طالعه، ست تونس هلدرس تمتحنة واحنا مضابطين المادة زين لان هل موضوعين شوي صعبات، المهم حاولنة تأجلة مقبلت، دخلنة للقاعه وتوزعنة، بس فطوم ممتحنت كالت ع باجر، لان مبلغة لمدرسة من البارحة، المهم بدو يردون الاسئلة اباوع ع القاعة كلها صافنة بوجه المدرسات الي علينة، اني مدري شنواحل اصلا جايبة الاسئلة صعبة، ست زمن تباوعلنة وتضحك وتغني حايرةة، وحنا ضحكنة البنات الي بلقاعة كلها كالت صعبة، وحرفيا هيج لان متعودين اسئلتها سهلة بس هلمرة منطوق السؤال كوة فهمنا، مدري شحليت اصلا، طلعنة بعد معاناة ومحاولة يأس
يقين:ولج حليت واحد عليك يا الله وطلع صح
تبارك:بربج احجي شنو يا سؤال؟ وشنو الحل خاف عمدي هم صح
يقين:السؤال الثالث فرع ب يحجي ع صاحب الحال وجملة
تبارك:هوا اني سمعت هيج لو اكمز وحضن يقين للن انيهم سويت هيج عليك يا الله ولبنات يضحكن، 😭😂😂 .
مر الوقت، اجت ام الرياضيات، وزعت الاوراق وهلمرة هم شهر ثاني راسبة، تعودت ع هلوضع من طفولتي اني مو زينة بي، مدري ليش بس ان شاء الله اعوضة ع اخر السنة،
بعدهي مر الوقت اجت ام الكردية متحنتة وطلعت، بعدهي كتبنة بل حبر احرف شلتنة (انتهت مسيرة الرابع)زمردة تكتبت وحنا نضحك،
فطوم:بعدنة احنا هاي بس انتن انعفيتن،
تبارك:دنجبي احناهم ان شاء الله مبقالنة شي،
ضلينة دايحين بل ساحة نسولف وي البنات ونفتر ساعه افتر وي زمردة ساعه وي فطوم لو كلنة سوة، وبناين ويانة، عاد مر الوقت هيج، تفقنة منداوم بس ست تونس كالت نمتحن انشاء ولهل سبب حنداوم، عاد هدئ كالت مداوم باجر فَ حروح وي غدير اختها طلعنة للبيت وهلمرة اجانة ابو هدى ضل يشاقة ويانة وعرف اني منو لان يصيرون اقارب مرت خال ماما، بيت خالو محمد، المهم وصلنة وهاي دخلت وسولفت لامي بعدهي رحت بدلت ونزلت حجيت وي طيبة وبتول ع دخولية، الوزاري فد ضجت ع هذن الي مدخلن لان خطية، والله لو داخلات جا نجحن بس مدرسات زربة،
المهم بعدهي تفقت وي ماما اسوي معكرونة بل جبنة،
فكرت اسوي وياها اندومي عود بعدين اسوي من تجي روان من الدوام ب 5 فَ هسة حروح اشوف مسلسلي (خان الذهب) ع سينمانا كلش حلوة 🦉 2:07 .
مر الوقت، صارت ب 3 خليت ونمت، كبل مفزيت غير ساعه 6 ونص، نزلت سويت الاكلة بعدهي مر لوقت وفطرنة الحمدالله، مر الوقت، صارت ب 10:50 نزلت، سبحت وكملت بعدهي صليت صلاة ليلة القدر 🥺 .
كملت ع نص وبعد مكدر فَ كمت سويت اندومي واكلنة اني والجهال، بعدهي غسلت وتوضيت، ورحت اكمل كملتها ب 1 تقريبا صعدت بفراشي وضليت لحد ما صارت ب 3 يلا نمت، وكلت للبنات مداوم،
كمل هليوم.
4/18 .
تبارك:روتين عادي مثل كل يوم، بس ورة الفطور طلعنة، خالتي اشترت قميص، لان رادت ترهم ملابس، بعدهي رجعنا و امي شترت لـ رقية وفضة ملابس بيت، بس المحل هوسة، صدك ضحكنة ع لمواقف الي صارت تقريبا ب 10 ونص رجعنا للبيت، وهسة مبية حيل بس شوي واكوم اصلي، بعد مراح نداوم الخميس عطلة اصلا المحافظ انطاها ع مود العيد وباجر مراح نروح معدنة شي وكلة تسخيت، 🦉 .
24/4
تبارك: مر اليوم عادي ختمتها ب تاك للبنات ع ستوري، هل كلام جزء بسيط من مدرساتنة دائما يكولو خلينة ذكرى حلوة وبسيطة، و يارب التوفيق في اخر اسنة، بينة هواي انعفو بس البقية نتمحن اخر السنة الحمدالله ع كل حال .
هاذ الكلام 🥺😂،.
ست جيهان: يلا منو تشرحلنة اليوم؟
ست نور: مو انتو الي تقررون الـ تيجر هي تقرر / donot speak/لحد تبسبس .
ست فرح: يلا راجعو ع سريع حضرو اوراقكم حتَ تمتحنون .
ست اصيل: هاي شنو عيني، /اي ماما لتحضرون مو زين عليكم /منو جانت طالعه برا؟ .
ست وفاء: ماما كل واحد واستحقاقة / اذا هسة مضبطتو مراح تضبطوها بعد تبقا وياكم للسادس .
ست تونس: والله شعبة الف ما ادري شبيكم اليوم/ شنو ناخذ اليوم ادب لو قواعد / هاي شبيكم تضحكون .
ست امال: ليش ممحضرين هوا شنو مطيتكم ودرسكم من شوكت / يلا فتحن الكتب واشرحن / ليش مراسمات ع السبورة هاي كم مرة اكللجن .
ست غفران: منو محالة الواجب / ماما هوا الرياضيات فهم ترا / هذول الشرحتهم باجر تمتحنون بيهم .
ست زينب: ماعدكم رسامات وحدة تسوي اعمال؟ / شو تردن 100/90 ونتن كلشي ماكو .
ست ريام: عقاب الكم هاذ حت تتعودون وحدتجن بطولي ومتعرفن تمرين تسون / اليوم اخليكم تعيدون النشيد الباجر لما تضبطو / صوتكم هم اسطفاف ومدرسات ومتحترمن .
_________________
مؤخرًا أمرّ في فترة مقاومة من جميع النواحي والأهم من هذا كله أقاوم حاجتي للكلام و أصمت وبالرغم من معرفتي بأن هذا الفعل يؤذيني لكنه في النهاية في صالحي .
أنت تقرأ
#ذكريات_ لا تموت .
Teen Fictionوتركت الحُزن في جيب أوجاعي العنيد وقُلت بقلبٍ لا يُبالي ضًاحكًا متألمًا هل من مزيد؟ حياة لم يرغبها احد لم اكن اعلم انني سأعيش هَكذا لقد اردت ان اعيش بسلام وهدوء ليس بـ حياة العواصف حياتي كَ العاصفةة فكيف لي ان اهدء كيف لي ان اكون بخير؟ سئمت ح...
