#ذكريات_ لا تموت .

3/30

أمضي ويمضي كُل شيء كُل ما حددت وُجهةً لي خذلتني خُطايّ وحينما أصل لشيء لا أُريد .

تبارك:كعدت ع صوت ضحئ مرت عمو تكعدنة بنو كلتلها منداوم، اني رجعت نمت فزيت ع صوت ماما يردون يرحون لبيت جدو، طفرت جوة غسلت وهاي كتلها وين ملابسي
رونق:ها تداومين؟
تبارك:اي، كلتلي ع الملابس ورحت ابدل لان ساعه ب 12 صارت، معرف لش كعدت ولش بدلت وليش اروح المهم اريد اطلع ختنكت، كلت حتلو محضر الدروس الله كريم، راسلت لبنات وبيهم ميداومن بس شلتنة كلها تروح، عدا بنو، كملت كلشي ماما واخواني راحو، نتضرت كلت كون تجي بناين، وفعلا شوي واجت، طلعت حضنتني وضحكنة ليوم وحدنة،فطوم بسيارة تروح، فَ ضلينة نمشي ونسولف وتفاهتها كلعادة، متكعد راحة لحد موصلنة طلعو الابتدائية ودخلنة احنا كبل للصف، سلمت ع لبنات وهم سالفة تجر سالفة صعدت ع رحلة وكعدت ونسولف شوي واجت فطوم
فطوم:هايشنووو شوكت جايات، لعد
تبارك:11 ونص، ضلت صافنة بوجهي ستوعبت شنو كلتت، اقصدددد ب 12 وعشرة هيج اجينة، طلعنا برا ونسولف وهاي، بعدهي كالو اسطفاف وانو ليوم احتفال، طبعاا فطسنة ضحك كوة كاتمين ضحكنة ع لهدوء الي صار، وكلش جان مرتب وحلو وبدت مراسيم رفعت العلم، وكلنة بصوت واحد لاول مرة تقريبا الصوت واحد، لان ست ريام نبهت هواي، وجانو موجودين الضيوف وتصوير وهاي، واحنا منزلين راسنة لان نضحك، بكتم لحد ما مر الوقت وكرمو الكشافة، والضيوف، صار وقت لانسحاب، واني منزلة راسي لان فرينة لمدرسة حرفيااا، فطست ضحك ع هلشعور مكدرت يماا اتخبل من المكان الي بي عالم هواي ويباوعون معرف لان كلش هوسة وقريبين فَ دخلنة درس الاحياء راح بلاسطفاف بعدهي اجت ام الكيمياء وبدة الدرس بعدهي ام العربي، وضجت ع درجتي بلانشاء 13 من 20 كلش نازلة، مدري شبية، لمهم مر لوقت. طلعنة بلساحة ونسولف اني وفطوم بعدين اجو البنات يقين وزمردة واوراد وزهراء اسعد، ضلينة نضحك ونفتر ع صفوف ورحنا لصف الثالث، بعدهي دك الجرس هلدرس جان انكليزي بس هي مجاية، ولا ام الرياضيات دخلت النة، بس كالت الاحد متحان، المهم مرلوقت هيج سوالف رحنا اني فطوم بلحديقة ع المسطبة كاعدين ونسولف، عادي،
فطوم:دشوفي البارحة من طلعنةة،
تبارك:اي
فطوم: اخوية، كال ها ها تمشين وي تبارك وعايفة لبقية؟
تبارك:وشبيها تزرا** تكرص واذا؟ وضحكت
فطوم:لج لااا دشوفي كل مسولف ع لبنات مثلا اكولة طلعنة اني وهاي شترينة، هيج بس اكول تبارك ينط ويضل يعلق بس عليج،
تبارك:ضحكتت بطرانين والله عندة عداوة وياي
لتفت شفت بناين صايرة كبالنة بس بعيدة فاتحة حلكها وعيونها هي وزمردة ويقين واكفات بصفها، ويضحكن،
تبارك:باوعت لفطوم وطفرنة نركض ونضحك، يماااا اوكفي بعد مكدر فحطتتت
فطوم:متتتتت
بناين:هاا ك*** شبيج اوي واوي، وتسوي حركة بأيدها عود خالة ايدي ع وجهي ونضحك، رحنا لانو دك الجرس، كعدنة بلصف طفينة الاضوية ولسبلت مفتوح، عاد شوي واجت ام الفيزياء
اصيل:هاا ولجن شو مطفيات الضوة؟
تبارك:ضحكو البنات، سلمت وكالت،
اصيل:تعالو شو طلعلولي خل نكعُد، بلحديقة
تبارك:البنات كيفو بس مبين عليهم الخوف لان مو كلش نحب الدرس،
كعدنة ع شكل دوائر، صرنة دائرتين، شون دائرة بنص دائرة،
اصيل:هاي شبيكم خايفين وضحكت،
بعو مندرس خلو الكتب جواكم،
عدنة حملة استغفار، فَ حتنقسمون مجموعات، حسبنة العدد 24 وبدت تفهمنة، وحنا نضحك، ونتفق صرنة 3 مجموعات كل مجموعة 8 عاد بدينة، ع لوقت وبدت كل مجموعة تحسب شكد
اصيل:يلا مجموعة نور الهدى
وبعدهي فاطمة، وبعدهي مريم،
المهم مر الوقت هيج فازو مجموعة مريم، ومرة ثانية هم فازو، ضحكنة وتونسنة بهلدرس وبقينة ع نفس دروسنة، كالت اجر الي والكم، طلعنة للبيت اني وفطوم وبناين، نسولف وهاي واجت اوراد ويانة لان وحدها اليوم، فً وصلنة للبيت هن راحن دخلت وبعدهي بدلت ملابسي وصعدت سولفت البنو. كلشي وضحكت، بعدهي ضليت اكتب بلاحداث وهسة حشوف الانستا، وشوف شسوي 😂😭 .

مر الوقت عادي لحد ما نزلنة اني ولبنات نسوي اندومي ونضحك ونسولف بعدهي كملنة ومر الوقت ونمت بعد 🦉 .
________________________♪

مشتاكلك يلكمت احس
الدنيا بعدك غربة
سجين جانت كلمة
الكلمن يروح بدربة
ما افهم وما انفهم
وما ادري اذا عندك علم
لو ترجع وتنطيني
سم عاتبني اذا ما شربة .