Make You Mine Season 1 | Heartful Academy 1

Chapter 9

TIAN MARTELL

NATIGIL ang pagsalubong ng mga kilay ko nang biglang may lumapit kay Haku na mga grupo ng kalalakihan na kung titignan ay mga junior high students dahil sa suot nilang uniform. Sa itsura ng mga ito ay halatang barumbado.

"Haku, pwede ba kami makipag-kaibigan sa 'yo?" Tanong ng isa na parang nagsisilbing leader nila.

Nakatalikod si Haku kaya hindi ko makita ang expression ng mukha niya, pero sa tindig niya ay masasabi kong kalmado pa rin siya. "Why?" Mahinahon siyang nagtanong, nasa likod lang niya ako kaya rinig ko ang usapan nila.

"Wala lang, sikat ka eh, kaya kung maging kaibigan ka namin sisikat din kami, mapapansin na kami ng buong campus...kaya sali ka na dito sa grupo namin, kami bahala sa 'yo..." sagot ng lalaki at tumango naman ang mga kasama niya habang pangiti-ngiti pa.

"Don't count me in. You all look immatured." Napanganga kami sa naging sagot ni Haku, maging ako ay napatakip ng bibig. Grabe ang angas ng pagkasabi niya, grabe 'tong tao na 'to ang pranka pala.

Nakita ko ang galit sa mukha ng mga lalaki at ang leader nila ay nakahanda ang kamao para suntokin si Haku. Pero nanatiling kalmado pa rin si Haku sa kinatatayoan na parang walang kinatatakotan.

"Ang yabang mo ah..." Susuntokin na sana ng leader si Haku mabuti nalang ay may dalawang lalaki ang tumatakbo papalapit dito habang may hawak-hawak na arnis.

"Hoy mga panget, lumayo kayo sa clasmate namin!" Sigaw ng dalawa at dahil may dala silang arnis ay nakita ko ang takot sa mukha ng mga barumbadong students at dali-dali silang nagsi-alisan.

Huminto ang dalawa sa tabi ni Haku. "Sus mga duwag naman pala..." tugon ng isa at nilingon niya si Haku. "Haku, ayos ka lang?" Tanong nito.

"Bro, foreigner siya...halata naman sa itsura, sa kutis, at surname niyang Monteriver, kaya mag english ka." Sabi ng isa at lumapit siya kay Haku. "Hey classmate, are you okay? What those ugly chicken told you? Are they ano, ano tawag do'n? Warningin. Oo, are they warningin you?" Napakamot siya ng ulo na halatang hindi din siya sigurado sa nasabi.

Bumulong sa kanya ang kaibigan niya. "Bro, anong warningin pinagsasabi mo..." natawa ito. "Eh wala na akong maisip eh, malay ko bang 'yon na ang lumabas sa bibig ko..." sagot naman ng isa.

"I'm okay. They didn't warned me. Also, I can understand tagalog at alam ko mag tagalog." Napalingon ang dalawa nang biglang magsalita si Haku.

"Ayon, warned pala hindi warningin..." sabi ng dalawa habang nagkatinginan pa sila. Ilang sandali pa ay nanlaki ang mga mata nila at dali-daling nilingon si Haku. "Ano...?! Nagtatagalog ka naman pala pinahirapan mo pa kami..." sabay nilang sabi.

Nagsimulang lumakad si Haku papunta sa school building nila. "Hali na kayo, oras na ng klase." Sabi niya sa kanila at sumunod naman ang dalawa na classmates pala niya.

Nakatingin pa rin ako sa kanila na humahakbang sa hagdan papunta sa third floor kung saan ang classroom nila. Nanlaki ang mga mata ko nang bigla akong lingonin ni Haku at hindi niya inalis sa akin ang titig.

Ayaw kong magmukhang talonan na natatakot sa titig niya, kaya tinitigan ko din siya at nagsasalubong pa ang mga kilay ko. Biglang nangyari ang hindi ko inasahan, bigla siyang kumindat sa 'kin, kaya napanganga ako sa gulat. Pagtapos ay inalis na niya sa 'kin ang tingin at nakatuon nalang siya sa paghakbang ng hagdan.

Halos matulala ako habang nakatingin sa likod niya. What the fuck! Did he just wink at me?!

Napakuyom ako ng kamao dahil kahit tinitignan ko lang siya ay kumukulo na ang dugo ko sa kanya. That damn guy, suddenly come to my life and stole the fame of me! Hindi ako papayag, gagawin ko ang lahat para muling sisikat.