اسكربيت ديني 💛🖇
________________ كنت ف المسجد ولقيت بنوته بتقرء قران قولت يمكن تقدر تساعدني فروحتلها
السلام عليكم ورحمة الله وبركاته ممكن اتكلم معاكي شويه_وعليكم السلام ورحمة الله وبركاته طبعا ياقمر اتفضلي سمعاكي
_انا لقيتك قاعده وبتقرئي قران وماشاء الله عليكي لبسك محتشم ومنتقبه فقولت اكيد هتقدري تفهميني وتسعديني
_طبعا اساعدك ياقمر اسمك ايه الاول
_انا اسمي فريده وحضرتك
_اسمك جميل زيك انا اسمي جهاد وبلاش حضرتك دي اعتبريني صحبتك دا لو ممكن
_اكيد طبعا دا انا اتشرف بيكي والله
_انا اللي اتشرف بيكي ياقمر احكيلي بقي ياقمر انا سمعاكي
_انا هفضفضلك لاني ارتحتلك مع اني متعملتش معاكي قبل كدا انا بقطع في الصلاه خالص ياجهاد وكل ماانتظم اقع تاني نفسي ارضي ربنا بس بكسل عندي كسل رهيب ف العباده مع اني ياجهاد كنت ملتزمه جدا بصلي وبصوم ومعرفش حصلي ايه واتنكست ومش عارفه ارجع تاني
_ طب انتي عارفه مين هو العبد الصالح؟؟
_مين ياجهاد
_اللي بيقع في عباده معينه ويرجع تاني بعد ماكان منتظم فيها بصي ياجميلتي عندك استعداد تسمعيني للاخر
_اايوه طبعا سمعاكي
_الحمدلله بصي لازم تعرفي اننا بشر والكل بيغلط ومحدش مننا معصوم من الغلط بس الصالح مننا والواعي هو لما بيغلط علي طول مبيقعش ف الغلط دا تاني معظم البشر لما يغلطو يقولو ماكلنا بنغلط يعني مبيحسش بغلطو وبيستهون بيه ايه يعني لو مصلتش النهارده ربنا يغفرلي ايه يعني لو سمعت اغنيه مش هيجرا حاجه الاستهوان بالذنب اعظم عند الله من الذنب نفسه فحمدي ربنا اولا انك حاسه بغلطك فيه غيرك ف غفله مش حاسس بالذنب اللي بيعمله وانتي ياغاليه لازم تعرفي ان ربك غفور لدرجه محدش فينا يتخيلها رحمه بعبده واسعه انتي متعرفيش ربنا بيحبك ازاي الانسان لما بيحب حد بيسمع كلامه وبيتفذ اوامره عشان بيحبه زي مامتك مثلا اكيد انتي بتحبيها فبتعملي كل حاجه هي بتطلبها وبتخافي علي زعلها فالله المثل الاعلي انتي بتحبيه صح فلازم تعملي المطلوب منك زي الصلاه والصوم وغيره من العبادات اللي بتقربنا من ربنا احنا كلنا نفسنا ف رضاه لو ربنا رضا عنك ذنوبك كلها هتتغفر وحياتك هتكون ميسره ولازم تعرفي يافريده ان الصلاه اول مايحاسب عليه العبد امام الله تخيلي لو صلاتك دي ناقصه هتعملي ايه؟؟ لسه عندك وقت تصلي تاني وتالت ولما تقعي قومي متخليش الشيطان يفسد علاقتك بربنا ابدا
_ماهو خلاص افسدها ياجهاد
_في جمله كدا بتقول لو هزمني الشيطان لافسد عليه مخططه للغد يعني لو الشيطان دا افسد عليا عباده معيده انا هفسد عليه مخططه لازم تعرفي انك بتحاربي الشيطان هو عدوك الشيطان وعد ربنا انه هيدخلنا كلنا النار وربنا توعد باللي هيطعيه من البشر ليه نار جنهم ان شاء الله منكنش منها ابدا ف انتي لازم تجاهدي نفسك مفيش حاجه اسمها مش قادره مفيش حاجه اسمها بكسل كل وقت بضيعيه دا هتتحاسبي عليه كل فرض ضيعتيه هتتحاسبي عليه كل اغنيه سمعتيها هتتحاسبي عليها والحل اننا نصلي تاني ونتوب تاني وتكون فعلا توبه نصوحه لو ضيعتي فروض كتير صلي الفرض مع فرض قديم واعملي جدول عشان متتلغبطيش صلاتك هي حياتك دي اهم من كل حاجه عارفه لو حبيتي صلاه وقلبك اتعلق بيها استحاله تسبيها عارفه ايه هي صلاه النافقين؟؟