قصه قصيره 💛
الحب الكاذب 1
__________
_رحيق بتعب هتمشي
_احمد انا اسف مش هقدر اكمل
_رحيق بس انا بحبك يااحمد
_احمد وانا مش عايزك
_رحيق بدموع ليه طب انا عملت ايه
_احمد بخنقه معملتيش انا اللي عايز امشي
_رحيق بدموع وبصوت عالي امال انت عايز تمشي بتعلقني بيك ليه بتقربني منك ليه اول ماحسيت اني اتعلقت بيك عايز تمشي انت بقيت محور الكون بالنسبالي
_احمد بعصبيه كفايه كدا لو سمحتي موضعنا وخلص انا همشي مع السلامه
"سبني وانا منهاره ومبقتش مركزه في ولا كلمه بيقولها هو ازاي اتحول كدا بقي قاسي ليه كدا؟؟ دا كان بيحاول بس يكلمني او يلمح ظلي؟؟ الكل كان بيقولي بيحبك وهيتقدملك راهنت الدنيا كلها عليه وطلعت انا من الرهان خسرانه طب هو قربلي ليه؟؟ لدرجه دي انا كنت شويه وقت ف حياته وخلاص مدرتش بنفسي غير واني بجري علي حد احكيله همي حد ارتحله وحتي الحاجه دي كمان اخترتها غلط.. نسيت ان مفروض اشكي همي الله نسيت ان الله هو رب القلوب هو اعلم بعبده واعلم ب احواله.....
_هتفضلي مانعه الاكل كدا كتير يارحيق
_رحيق بضعف بعدين هبقي اكل
_انتي كنتي متخيله ايه يعني تغضبي ربنا وحياتك تمشي؟
"اتفجأت من كلامها لدرجه اني معرفتش ارد
_سكتي يعني يارحيق اوعي تفكري اني مش عارفه انتي فيكي ايه انا امك واكتر واحده يهمني مصلحتك اللي انتي عملتيه دا غلط كبير
_رحيق بضعف ودموع هو اللي قالي انه بيحبني وعلقني بيه انا بحبه اوي بس هو مشي وبعد وسابني بدون اسباب
_اقولك انا اسبابه ايه اسبابه انه مش راجل وكان بيلعب بيكي وبيتسلي انتي عيزاه يعززك ازاي وانتي كل حاجه عندك متاحه الخروج اللي من ورا ضهري متاح؟؟ الكلام ف تلفون متاح؟؟ انتي فين ومع مين وحاضر ونعم متاح بدون خطوبه بدون رابط انتي فتحتيله الباب بدون مجهود
_رحيق لا ياماما هو تعب لحد ماوصلي فضل اكتر من خمس شهور يحاول بس يكلمني
_الراجل بطبعته صياد يحب يصداد فريسته بتأني يفضل يجيلك من هنا ومن هنا لحد مايشوف منك انتي لنتي ليه شويه ولازم يظهر ف الشكل المثالي الراجل بيحب يتعب لحد مايوصل للي بيحبها بالحلال مش بالحرام
_رحيق بدموع وكلامه ليا وخوفه عليا وكان دايما بيقربني من ربنا كل دا ايه
_اوهام متضحكيش علي نفسك مفيش واحد عارف ربنا وملتزم بحق وحقيقي يعلق بنت بيه او يحاول بس يكلمها الملتزم هو اللي بيخاف علي بنات الناس وبيعتبرهم اخواته وبيغض بصره وبيحمي قلبه لحد مايوصل لقلبها ف الحلال مش هيوصلها ف الواتس ولا الفيس اسألي نفسك كدا هل احمد دا هيرضي ان اخته تكلم واحد بتحبه؟؟هيرضي تخرج معاه هيرضي؟؟؟
_رحيق بدموع لا ميرضهاش
_ليه يارحيق ترخصي نفسك ليه عشان ايه عشان بتحبيه يولع الحب اللي يرخص صحبه يارحيق الحب اللي يذلك دا مش حب دا اوهام انتي لازم تعززي نفسك انتي غاليه مش كلمتين يوقعوكي مش كلمتين تبني عليهم احلام الحب افعال مش كلام وبس مفيش اسهل من الوعود الكدابه
_رحيق بضعف كفايه ياماما عشان خاطري انا والله مستحقش اللي حصلي دا انا حبيته بجد
_انتي عارفه ربنا عز وجل بيقول بسم الله الرحمن الرحيم (لا تحزني) لا يريد الحزن للنساء عشان لما البنت بتزعل بتبقي شبهه الورد الدبلان بتفقدي فيه انوثتك ورقتك وضحكتك عشان كدا دايما ربنا لا يريد ليكي الحزن واوضعلك ضوابط عشان انتي متتأذيش بس الانسان بطبعته بتمرد قومي يابنتي كفايه حزن لحد كدا يارحيق قومي يابنتي صلي ركعتين توبه لله فوقي يارحيق
_رحيق بتعب حاضر ياماما....
يتبع💜
✍️: زيزي محمد
