قصه قصيره : علاقه سامه
الفصل الثالث قبل الأخير
_________________
_مريم ،مريم عايزه اقولك علي حاجه هتبسطك اوي .
نظرت "مريم" لها بعدم فهم قائله !
_خير ياماما .
قالت "رضوي" بسعاده بالغه
_جايلك عريس يا"مريم" ومش اي عريس لا دا ابن طنط "هاديه"جارتنا زمان ابنها "سيف" مهندس وراجل وانتي عارفه طنط "هاديه" بتحبك قد ايه ونفسها تكوني مرات ابنها
طالعتها مريم بعدم رضا علي قولها ،فهي تعلم جيداً أنها لم تتخطي "احمد" خطيبها السابق ، وكيف تنساه في اسبوعين فقط .
_قولت لاء ياماما ،انا مش موافقه ،مش هتخطب دلوقتي .
قالتها مريم بضجر من والدتها ،لترد عليها بنبره حزينه
_ليه بقي مش موافقه؟ ماله مواصفاته مش عجباكي .
لترد عليها مريم مره ثانيه مُبّينه قولها لوالدتها
_ياماما عايزاني اتخطب ازاي ،هو أنا لحقت انسي احمد علشان اتخطب لازم اخد وقتي علشان أنساه وابدء من جديد
لترد عليها والدتها بغضب ،فهي لم تعجبها قول مريم إطلاقاً ،فهي تريد أن تفرح بها
_ااااه وهنفضل كدا بقي علي الحاله دي ،حابسه نفسك ف غرفتك ولا هتتجوزي ولا هتتنيلي ، احمد اهو خطب وعاش حياته وانتي هتفضلي قعدالي كدا ،كدا تخليهم يشمتو فينا ؟؟
_ماما مش معني أن احمد خطب ،يبقي أنا كمان اتخطب احنا مش في حرب ياحبيبتي ،ومحدش هيشمت فينا وانا مش هتخطب لمجرد اني اغيظه أو أفهمه أنه مش فارق معايا واتعذب أنا مع واحد مش عايزاه واظلمه معايا ، وبعد اذنك متفكريش كدا تاني
_ماشي يامريم يعني ارفض العريس ؟
سألتها والدتها مره اخري لعلي وعسي أن تغير رأيها
_ايوه ياماما ارفضيه .
_طيب ماشي
قالتها والدتها بضجر من قولها ،هزت لها رأسها بالموافقه وتركتها وغادرت .
"اوعي تتخطبي بعد فشكله الخطوبه لقدر الله بأسبوع ولا اسبوعين ولا شهر ، متقوليش دا خطب ،لازم اغيظه واتخطب أنا كمان ،مش هشمته فيا يقول ايه، انا خطبت وعشت حياتي وهي لاء ،الكلام دا غلط اوعي تعملي كدا ،هتظلمي نفسك جامد وهتظلمي اللي معاكي اللي ملوش ذنب ،ومتقوليش اتخطب علشان أنساه ؟ وفرضي حضرتك منستيش ،خطيبك دا بقي ذنبه ايه؟؟ ،متتخطبيش تاني والجرح لسه شغال ومتسمعيش لأهلك اللي عايزين كل حاجه بسرعه ،خدي وقتك ف التعافي ،بس دا مش معناه اني اقعد سنه ولا سنتين بقي واقول لاء مش هتجوز خلاص قلبي قفل والكلام دا ،الدنيا مش بتقف علي حد ،حتي لما بيتوفلنا حد عزيز علينا بنحزن عليه وبنعيط وبنبقي تايهين بس الدنيا بتمشي بنروح شغلنا ،بنذاكر ،بنخرج وهكذا ،غصب عننا الدنيا بتمشي وربنا بيعطينا الصبر ،ولولا الصبر محدش كان كمل حياته ،متوقفيش حياتك علي حد ، متفكريش ف حد باعك ومسألش فيكي ،عيشي حياتك ،بس اتعافي الاول ،وفي بنات بتتعافي بسرعه لو كانت من الاول عامله ضوابط للخطوبه ،كانت فاهمه يعني ايه خطوبه هي تعارف وبس ف محصلش لمس ولا كلام حب ولا خروجات لأن الجواز مش هيتبني علي دا ، ف دي بتعرف تتجاوز بسرعه ،اللي مش بتعرف تتجاوز بسرعه اللي هي خطوبه طويله كان فيها كل كلمات الغزل والخروجات ومسك إلايدين وهكذا ،دي بتاخد فتره لحد مابتنسي وتشيل من قلبها كل حاجه بتتعلق بيه ، علشان كدا بنقول اعمله ضوابط وهي مش صعبه علشان متخسريش قلبك ، ف خدي وقتك وكل حاجه وارفضي اي دخول ف علاقه تانيه لحد ماتتعافي بس ساعدي نفسك علي دا بإنك تجددي النيه وتبدئي حياه جديده وتهتمي بالدعاء وتقربي من ربنا عز وجل وتخرجي وتنبسطي وتبطلي تتابعيه ف المواقع التواصل الاجتماعي ،وتنشغلي ،اشغلي وقتك بالمذاكره لو طالبه أو اشتغلي لو خريجه ،لازم متفكريش خلي عقلك يفكر فيكي انتي وبس ومستقبلك .
