_هتمشي ؟؟
قالتها "رحمه" بخيبه أمل كبيره ،فهي لم تتوقع أن يتركها ، ف الأمور بينهم علي مايرام ،ماذا حدث منها كي يريد الانفصال عنها ، كانت خائفه من رده فعله وحدثت بالفعل .
_انا اسف يارحمه بس مش قادر اكمل معاكي ،انتي شخصيه محترمه وكويسه والنصيب بينا انتهي علي كدا ،انا اسف
قالها "محمد" خطيب "رحمه" بكل احترام ،ردت عليه "رحمه" بإبتسامه خفيفه تخفي بها حزنها
_متتأسفش يامحمد ،من حقك متكملش مدام مش مرتاح والخطوبه ماهي الا تعارف بين الطرفين ليكملو مع بعض أو لاء ،فرصه سعيده شرفتنا ،شبكه حضرتك اهي
غادرت "رحمه" الغرفه وقلبها يعتثر من الألم ،بينما "محمد" اخد شبكته وغادر البيت
***********
_هو انا وحشه ؟ هو ليه مكنتش عايز يكمل معايا ، تعبت من التفكير ،كان نفسي يكون من نصيبي ،مخطوبين ٥شهور كنا كويسين اوي مع بعض وكنت خلاص حبيته وبدأت اتعلق بيه ،هو ليه مشي؟؟
قالتها "رحمه" بتوهان ،فهي لم تنساه ،بينما صديقتها ربتت علي يديها قائله ...
_اوعي تقولي انك وحشه دي تاني ابدا لحسن ازعل منك ،انتي اجمل واحلي بنوته ف الكون كله ،وبعدين لو كان خيراً لبقي ياست "رحمه" ،اكيد ربنا ليه حكمه ف دا ياحبيبتي ،ان شاء الله ربنا يعوضك خير عنه
قالتها "زينب " صديقه "رحمه" من الطفوله ،فهي تعلم ماتشعر بيه صديقتها الآن فهي تحتاج لدعم منها
_انتي بتقولي الكلام دا علشان تصبريني وخلاص ،محمد شخص محترم اوي وطيب وملتزم وكان فيه كل الصفات اللي كنت بحلم بيها واللي تتمناها اي بنت ،وانا كنت عايزه حد ملتزم زي ياخد بإيدي للجنه ، الحقيقه اني مستهلش اي حاجه خالص
_اوعي تقولي كدا تاني ،انتي تستاهلي كل حاجه حلوه ف الدنيا دي كلها ،انتي مش وحشه ابدا يا"رحمه" ،متفضليش تقولي كلام سلبي علي نفسك لمجرد أنه مكملش معاكي ،متحمليش نفسك سبب انفصاله عنك ،لازم تعرفي ان اي حاجه بتحصل ف حياتنا دي خير لينا ،ويمكن انتي شيفاه ملتزم وهو يكون غير كدا ،او يمكن هو كويس بس ربنا شايلك الأفضل فهمتي ،خلي عندك حسن ظن بالله تعالي ياحبيبتي
_حاضر يا"زينب " ،ونعمه بالله ياحبيبتي
_ف بنوتات كدا لو خطيبها سابها أو حد بعد عنها ،تفضل تقول لنفسها هو انا وحشه؟ هل انا فيا حاجه غلط ،هو ليه محبنيش ،هو ليه سابني ،هو ليه مكملش معايا واتجوزني ؟ فتفضل تلوم ف نفسها وتحسس نفسها قد ايه انتي قليله وانك متستحقيش السعاده وكل دا غلط ،اوعي تقللي من نفسك أو ثقتك ف نفسك تهتزر بمجرد أنه مشي ! مايمشي ايه المشكله؟؟ ربنا هيعوضني ،في بنات بتفضل تفكر وتحزن وتزعل وتوقف حياتها والطرف الآخر بيخطب وبيتجوز وبيعيش حياته عادي ،مدام الشخص مش عايز يكمل مش هيفرق معاه انتي في حاجه ف اوعي بقي تقولي ممكن يرجع تاني والكلام دا ،ركزي ف نفسك اللي عايزك هيحارب الدنيا علشانك ،اللي عايزك بجد مش هيسيبك تروحي لحد تاني ،متزعليش علي حد مش متمسك بيكي ،حد مش شايفك اصلا ، ف سلمي امرك لله واعرفي أنه خير وأنه مش خير ليكي بس خير لغيرك وكلنا نعمه ف حياه بعض ف الأخر
