قصه قصيره 🐥
قدري وقسمتي
________________
_سليم بزهق ممكن تبحبيها شويه مش كدا
_زيزي بهدوء يعني اعمل ايه ياسليم مش فاهمه
_سليم بخنقه انتي مقعداها اوي يازيزي انا حاسس اني مش خاطب كل مااقولك كلمه حلوه مترديش عليا هو انتي مغصوبه عليا او حاجه
_زيزي بهدوء لا انا مش مغصوبه عليك بدليل اني وافقت علي الخطوبه
_سليم بخنقه امال ليه مش بدليني نفس الشعور عمري ماسمعت منك كلمه حلوه ابدا ولا حتي خرجنا مع بعض ولا حتي بنتكلم ف تلفون زي الناس ياشيخه حتي منعاني اللمس ايديك ليه كدا دنا خطيبك وبحبك
_زيزي بهدوء بص ياسليم مشاعرك وانا محترماها جدا صدقني بس انت لسه قايل خطيبك يعني مش جوزي لازم يكون فيه ضوابط ف الخطوبه عشان منغضبش ربنا انا بجاهد كتير اني مغلطش واستسلم للشيطان بس انت مش مساعدني علي كدا مع انك عارف اني ملتزمه وقيلالك اني هعمل الضوابط الخطوبه وانت وافقت عليها يبقي متلومنيش بقي
_سليم بس انا مش قادر اكمل كدا بجد انا زهقت انتي لازم تغيري من نفسك خليكي ملتزمه وكل حاجه بس مش كدا انا مش بطلب منك حاجه غلط يعني
_زيزي بهدوء ياسليم افهمني انا بعمل كدا عشان مغضبش ربنا وعشان ارضيه عليا وبعدين مش الخطوبه والجواز دول نعمه من عند ربنا ف انا مش عايزه اقابل نعمه ربنا دي بمعصيه ابدا وبعدين الخطوبه دي للتعارف انت فاهم الخطوبه غلط الخطوبه مش للفسح ولا للكلام الحلو ولا اي حاجه انت بتتعرف علي الشخص اللي قدامك هل تنفع زوجه ولا لاء
_سليم عموما انا مش طالب منك غير اني احس اني خاطب عموما القرار ليكي عشان انا تعبت منك انا همشي
: بعد ماخرج سليم فضلت والدتي تزن علي دماغي وتقولي عنده حق بحبحيها شويه مش هيجرا حاجه لو خرجتو خروجه او اتكلمتو مكالمه كدا هيطفش منك فضلت افتكرت كلمه الدكتور محمد الغليظ لما قال ضوابط الخطوبه كفيله تطفش اي عريس مش ملتزم ايوه سليم مش ملتزم ومش شبهي وربنا عمال يوريني امرات كتير انه مش مناسبني خالص وانا بردو مستمره ف الخطوبه يمكن عشان حبيته واتعلقت بيه هو ميعرفش اني بحبه بس حبي دا مش كفيل عشان اكمل انا عايزه واحد متقي يخاف الله مش يقولي بحبحيها واحد يخاف عليا مش يقولي فيها ايه لما امسك ايديك انا استاهل حد احسن من كدا.....
_سليم قررتي يازيزي ولا لسه
_زيزي بهدوء ايوه قررت ولقيت اننا مش هينفع نكمل مع بعض
_سليم بصدمه بتهزري يعني ايه مش هنكمل
_زيزي بهدوء انت عايز واحده تهتم بيك ودلعك وتقولك بحبك وتخرج معاها وتعيش حياتك عادي قبل الجواز وانا مش كدا ومش هبقي كدا
_سليم بعصبيه وفيها ايه لو اتنازلتي شويه عشاني
_زيزي انا عمري مااتنازل عن ديني حتي لو علي حساب سعادتي حتي لو عايزه اكمل معاك انت مش شبهي ودا اللي لحظته اتفضل دي شبكتك وكل شئ قسمه ونصيب
: فسخت الخطوبه وانا قلبي بيوجعني انا حبيته فعلا من قلبي ولكن انا متأكده ان دا خير ليا قال الله تعالى(وعسي ان تكرهو شيئا وهو خيرا لكم) اكيد ربنا هيبعتلي النقي التقي مدام انا عايزه رضا ربنا اكيد ربنا عز وجل هيراضيني
_حبيبت بابا عامله ايه
_زيزي بحب الحمدلله طول منتا بخير
_في طلب كدا عايز اطلبه منك وياريت توافقي
_زيزي بحب طبعا اتفضل اطلب ياوالدي
_في واحد طلبك للجواز وانا عايزك تقعدي معاه
_زيزي بحب بعد اذنك ياوالدي مش عايزه اتخطب دلوقتي حضرتك عارف اني لسه عندي مشاعر اتجاه سليم صح
_بس اقعدي معاه وانا متأكد انك هتوافقي عليه انتي هتنبسطي اوي هو جاي كمان ساعه
_زيزي بزعل بس يابابا
_ينفع تحرجيني معاه يازيزي هو جاي كمان ساعه
_زيزي عمري مااقدر احرجك خلاص هقبله عشانك
: محدش عارف اني لسه بحب سليم وقلبي رافض يحب غيره بس هعمل ايه انا راضيه بقدري ونصيبي جهه العريس ودخل بس ملحقتش اشوف وشو خالص بعد شويه ندالي والدي عشان ادخل
_هتفضلي حاطه وشك ف الارض كدا كتير
_زيزي بصدمه سليم....
يتبع....
✍️: زيزي محمد
