اسكربيت رومانسي 🐣
_______________
_مريم مالك يابنتي متوتره ليه كدا
_عائشه بتوتر مش عارفه مالي بجد قلبي هيقف مش مصدقه نفسي
_مريم هو انتي كنتي تعرفيه قبل كدا ولا ايه ياعائش
_عائشه بطفوله بت عيب عليكي والله ابدا انتي تعرفي عني كدا بردو
_مريم بغمز امال ايه بقي ها احكيلي لحسن فرحتك بالعريس دا مش طبيعية من امتي وانتي بتفرحي بعريس جايلك دا انتي لما بتسمعي السيره دي بنركبلك محلول وبتموتي مننا
_عائشه ببراءه دا فارس احلامي يامريم اول مره اعرفو كنت خارجه من الجامعه وطالعه البيت ومش شايفه قدامي من كتر التعب ومصدقت اوصل للبيت لقيت بابا بيقولي دا مش انا سكنت الشقه اللي جنبنا لشب اسمه سليم قولت لبابا مبروك ومهتمتش ودخلت قودي وقلعت نقابي ونمت
_مريم بتشويق ها وبعدين ايه اللي حصل
_عائشه ببراءه صحيت ابي لصلاه العصر زي عادتي كل مره وفجأه لقيت الباب خبط راح بابا فتح الباب لقي سليم الساكن الجديد بيسألو عن مسجد قريب هنا عشان يصلي لانه متغرب ومن بلد تانيه بابا قاله انو كمان نازل المسجد ونزلو الاتنين سوا بس بردو مكنتش شوفت شكله نهائي طلعت البلكونه لمحت بس طهره وبابا كان ساند عليه كأنه ابنه وبعد ماخلصه صلاه لقيت بابا دخل البيت وكان فرحان اوي ف انا الفضول قتلتي قولت مااسأله هو فرحان ليه يمكن افرح انا كمان
_مريم بتشويق طب قالك فرحان ليه
_عائشه بحب قالي لما روحت المسجد انا وسليم عشان نصلي لقينا الشيخ اللي هيصلي بينا تعبان جدا ومش قادر يقوم يصلي بينا لقيت سليم بيقول انا ممكن اصلي بدالك ياشيخ انا حافظ القران كاملا مع التجويد الشيخ فرح جدا وحمد ربنا وقاله بارك الله فيك يابني وبارك في والديك وصلي بينا سليم بداله وكان صوته عذب في القران كنت بصلي وراه ونا مبسوط واول مره التلذذ الايات وبعد ماخلصنا المسجد كله دعا لسليم والشيخ قاله تعالي كل يوم المسجد صلي بالناس وسليم وافق وبابا كان بيحكيلي كنت فرحانه اوي لاني نفسي اتجوز واحد صالح كدا ومعرفش ليه دعيت وقولت يارب يبقي نصيبي
_مريم بحب يارب يااختاه طب وبعدين شوفتيه طيب
_عائشه بغيظ طفولي متقطعنيش بقي يامريم بدأت ادايق سبيني احكيلك
_مريم بضحك علي طفولتها خلاص ياستي مش هقاطعك كملي
_عائشه بطفوله بعدها من عادتي اني بقعد في البلكونه بليل بحب اعمل شاي بلبن كدا مع ساندوتش جنبه يااه بتبقي خطيره يامريم
_مريم بغيظ هو دا وقته الشاي بلبن والساندوتش الجنه المهم سليم انتي نستيه ولا ايه
_عائشه ببراءه اه صح سليم المهم ياستي بقي قعد في بلكونه بليل بحب الوقت دا جدا في مذاكره وفجأه يامريم سمعت صوته وهو بيقرء القران شباك غرفته جنب البلكونه بتاعتي ففضلت استمع لصوته وفعلا حسيت بكلام بابا لما قالي اول مره اتلذذ الايات بقيت من كتر ماصوته عجبني عملته تسجيل صوتي عشان اسمعه كل شويه من حلاوته وبجد من قلبي اتمنيته زوج ليا اوي انا من زمان نفسي ف حد كدا خلوق محترم عاقل وبيخاف ربنا وفجأه يامريم لقيته بيعيط جامد
