اسكربيت تشجيع للدراسه🐥
_________________
_انتي يابرميله النكد
_ملك نعم ياماما عايزه ايه
_انتي هتفضلي كدا حاطه ايديك علي خدك ومش بتذاكري خالص ياملك دا ينفع دا
_ملك بخنقه سبيني ف حالي ياماما الله يخليكي مليش نفس اتكلم مع حد خالص
_حتي انا ياملك مش عايزه تكلميني
_ملك بخنقه قولي ياماما عايزه ايه سمعاكي
_بصي ياملك انا عايزه اقولك وانا كنت قدك كدا وكنت بدرس كانت الدراسه دي هم علي قلبي حقيقي لحد مافيه مدرسه كنت بشتكلها من خنقتي وحزني من المذاكره والدروس والمرمطه اللي انا فيها دي واني عاوزه اتجوز واقعد ف البيت احسن ضحكت كدا وقالتلي انتي بتتعبي دلوقتي ياسعاد عشان ترتاحي بعدين استغربت من كلمها ومفهمتوش قولتلها ازاي يعني قالتلي انتي بتتعبي ف دراستك وبتروحي دروس وبتذاكري وساعات بتعيطي لانك مش ملحقه علي المواد كل المجهود دا عمرو مايترمي في الارض هتلاقي شغلانه حلوه وهيبقي ليكي شأن ومكانه والناس كلها هتشوار عليكي وتقول قد ايه ناجحه بقت واحده مستقله ليكي فلوسك الخاصه وخلاص هتعتمدي علي نفسك وطول منتي بتبزلي مجهود ف دراستك هتبقي ناجحه ف شغلك وهتعلي كمان مش تبقي خريجه ومعاكي شهاده ومش قادره تستفادي منها وبعدين ياسعاد تعليمك دا هو مصدر قوتك وهو دا اللي هيسندك بعدين ياحبيبتي وبعدين انتي هتنسي التعب دا كله اول ماتشوفي نجاحاتك اللي بتحققيها
_ملك بفضفضه بس صحابي كلهم بيقولولي التعليم دا ملوش لازمه خالص
_غلط طبعا التعليم دا سندك ولازم تتعبي عشان تحققي حلمك لازم يكون عندك هدف عشان توصلي ليه لازم يكون عندك اولاويات ف حياتك تعليمك اولا بعدها تشتغلي بعدها تتجوزي والجواز دا اخر حاجه تفكري فيها وعيشي سنك ياملك انا مش عارفه انتي مكتئبه ليه وشبهه الميتين وتحت عينك اسود بدل مايكون تفكيرك سلبي خليه ايجابي افرضي الكل قعد من تعليم ومحدش كمل فيه هنكون كلنا جهله صح
_ملك صح بس انا مش قادره ومش قد دراستي دي خالص
_ياحبيبتي ربنا عز وجل قال بسم لله الرحمن الرحيم (لا يكلف الله نفسا الا وسعها) انتي لو مش قد دراستك دي كنتي دخلتيها؟ مكنش ربنا عز وجل دخلك تتعلمي وتبقي ف مجالك دا لو كل حد فكر زيك كدا هيضعف وهيفقد الثقه ف نفسه مش بتشوفي البنات اللي بتتعب وربنا بيكرمها بطب او هندسه او اداب او اي مجال كان نفسها فيه مش بتغيري من نجاحتهم وانتي قاعده مكانك كدا مبتتحركيش مع انك لو بذلتي بس نص مجهودك ربنا هيوفقك
_ملك بحماس طب اعمل ايه ياماما الامتحانات قربت ومذاكرتش خالص ياتري هلحق
_طول مافيه وقت هتلحقي جدا بصي ياست البنات انتي اهم حاجه نفسيتك تكون كويسه كدا وعايزاكي تفوقي لنفسك واغسلي شعرك المعفن دا بقي
_ملك بغضب طفولي هو دا وقته ياماما بقولك اعمل ايه عشان الحق اخلص مذاكرتي كامله
_معلش يابنتي بنسي المهم انتي تخلي نفسيتك كويسه وبعدها تصلي ركعتين كدا لله وبعدها تقرئي صفحه من القرآن علي حسب مقدرتك انتي كدا غزيتي روحك وبعدها تبدئي تذكري بجد مش هزار وتوكلي علي الله وبإذن لله هتلحقي ياملك قسمي المواد شوفي ايه المواد السهله والمواد الصعبه ابدئي بماده صعبه وماده سهله وخلصيهم ف يومين هتقولي ازاي هقولك بدل زنقه الكلاب اللي بتحصلك يوم الامتحان وبتخصلي الماده كلها غصب عنك هاا
_ملك بغيظ طفولي انتي شمتانه فيا ياماما
_لا ياقلب امك انا بفكرك بس هاا عشان تلحقي نفسك دلوقتي واعرفي ان الندم وحش ولو ندمتي مش هتقدري تسامحي نفسك عشان متجبيش تقديرات تحزني منها وتقولي انا لو كنت ذاكرت كنت جبت احسن من كدا ذاكري ياملوكه وانتبهي لنفسك يانور عيني يلا هتبدئي مذاكره من امتي
_ملك بحماس هبدء من دلوقتي بإذن لله
_شطوره ياقلب ماما ايوه كدا دي هي بنتي العاقله هو انتي صحيح كنتي بتسمعي ايه
_ملك بحب كنت بسمع نشيد كم سهرنا من ليالي من الصباحي لا ننم
_وانتي ماشاء الله بتسهري فعلا مش نايمه طول اليوم يلا ياملوكتي قومي كدا خدي شور حلو وصلي واقرئي قران وابدئي مذاكره
_ملك بحب حاضر ياماما
🖇تمسك بالامل مهما كان حلمك مستحيل واهمس لحلمك ان الله علي كل شئ قدير
✍️: زيزي محمد
